Hiziqeeli 16:28 - Kafa Linguistics Project

²⁸ Neech bedo bi qajjitoyich Asooreenaꞌona tookkii yahihine; tunebaani andoo tooꞌaanee neene.

Hiziqeeli 16:28 ပူးပေါင်းရင်းမြစ်များ

2 Taateenaꞌo 16:7

Ebina Akaazi ishichiꞌi wocheyechinaꞌon Asooree taatoo Tigilaat Fileseer waan daachiihe: “Ta, ne guuno, wottoo ne bushoo taane. Taan kochiibeeti Sooriyee taatoo kishoonaa Israꞌeelee taatoo kishoonoochee waaree taan wodiibe” iye.

2 Taateenaꞌo 21:11

“Yihudee taatoo Minaasi ebi ciigiiti mooyon tuniitone. Biyee shiichiꞌi beebee echeti Amooree asheenaꞌo tuniitoyee beshe gondoon tuniihe. Bi shuuneti shahalleenaꞌona Yihudee asheenaꞌon axaaxoo shuuniihe.

2 Kiinoo 28:16

Edoomee asheenaꞌo wochinnoon Yihudee showoon kochiꞌi asheenaꞌon keccii boonoshi daammitoyich, ebiyooba taatoo Akaazi gaachoon qaawiꞌi, Asooree taatoo waan wochoon daachiihe.

2 Kiinoo 28:23

Biyoo “Sooriyee taateenaꞌochi nuggisheenaꞌo Sooriyeenaꞌon boonoshi gaachetoyich, boonoshich deejjoon ta deejjigaata, taanoo gaachemminaꞌone” iꞌi biin kochii wochiti Sooriyee nuggisheenaꞌoyich deejjoon deejjiye. Tunebaani ebi, biinnaa Israꞌeelee showoonoyich aalloon deebiye.

Erimiyaasi 2:18

Sihoori aacon uyoyich Gibitsee showooch ne hammeto amoon daneyane? Efiraaxisi aacon uyoyich Asooree showooch ne hammeto amoon daneyane?

Erimiyaasi 2:36

Ne gommon shaddoyich ne woccaabeeto amoyichiye? Asoori neen yeelliyoommon Gibitsiyoo neen yeelliyemmone.

Erimiyaasi 3:1

“Ikke asho bi mecheen bi gawukkaa, areyoo bi waanee hammaa bare kenoon bi shaagigaata, biin wochi deebi shaaggehe? Showoo ciroona eeꞌeyaachehe? Ne, meetinaꞌona tookkii shunoon maabee echaꞌa, and ta waan wottoon qaawii beetine?” iye Doono Yeeri.

Hiziqeeli 16:29

Giixee showoo Baabloon beddaahaa woddii yahihine; ebinoo tooꞌaanee neene.

Hosee'i 10:6

Are boonoshi shahalloo Asooree showooch daamaa ooge taatoyich wojjoo tuniitaa ichemmone. Efreemi giishemmone; Israꞌeeliyoo bi koceyoona yeellemmone.

Woraaferasheenaꞌo 10:6

Israꞌeeleenaꞌo wochinnoon Doono Yeeri aafooch axaaxoon shuuneheete. Baꞌaaleenaꞌonaa Ashitarooteenaꞌonoyich, wotta Sooriyee showee nuggisheenaꞌoyich, Sidoonee showee nuggisheenaꞌoyich, Moꞌabee showee nuggisheenaꞌoyich, Amoonee showee nuggisheenaꞌonaa Filsixeemee showee nuggisheenaꞌonoyich goyinnee maddeheete. Doono Yeerin qajjiꞌi biich goyinnee maddoon neechiyeete.