Hiziqeeli 16:27 - Kafa Linguistics Project

²⁷ Ebich neen sheeroyich ta mochoon ne toommooch tiijjito taane; neech ta immaabeeti ne qoodoon shappiito taane; ne gonde shuunoon ciigeebeeti ne etteenaꞌochi qaatooch, Filsixeemee asheenaꞌochi kishooch, neen beshiyaa immeto taane.

Hiziqeeli 16:27 ပူးပေါင်းရင်းမြစ်များ

2 Taateenaꞌo 24:2

Doono Yeeri Baabloonee ginee naayinaꞌon, Sooriyee ginee naayinaꞌon, Moꞌabee ginee naayinaꞌonaa Amoonee ginee naayinaꞌonon Yoyaqiiminaa Yihudee asheenaꞌonon boonoshi aalliyemmoyich daachiihe. Bi daachiito, bi guuninaꞌo tuneti keemechinaꞌona Yihudee showoon aalliyeechon bi gettiti keemo ceennemmoyichiye.

Shoddo 106:41

Aageteenaꞌoyich beshiiꞌi immiye; boonoshi shixechinaꞌo boonoshin hajjiyeete.

Isiyaasi 3:1

Ebiyoche, Doono, Beshe Mawe Doono Yeeri, asheenaꞌochi degoonaa gaachoonon, maayi dego bullinaa aachi dego bullinon Yerusaaleminaa Yihudinoochee aalliyemmone.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:12

Aabi-keyo waanee Sooriyeenaꞌon, aabi-gimo waanee Filsixeemeenaꞌon bi deejjaa Israꞌeeleenaꞌon qooxxiyeete; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 9:17

Ebich Doono Yeeri gurimaasheenaꞌona emiraachemmone; nihaalli bushiisheenaꞌonaa kenaalli maacheenaꞌonoyichoo ariqqeyaachemmone; bulliyona Yeerich qeyaaneenaꞌonaa gonde shuunechinaꞌonane; boonoshi bulli noonoochee gonde yibbaatoo kechiye; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Erimiyaasi 34:21

“Yihudee taatoo Sedeqiyaasinaa bi iraasheenaꞌonon, boonoshi etteenaꞌo kishoonaa boonoshi kashoon qaawii beetinaꞌo kishoonooch, ittoshin koyoochee wotteti Baabloonee taatoochi ginee naayinaꞌo kishoochoo beshiiree immemmo taane.

Hiziqeeli 14:9

“Are keemecho dacheeꞌi bi wochigaata, are keemechon dachito Doono Yeeri taane; ta mochoon bi toommooch tiijjemmo taane; ta asheenaꞌo tuneti Israꞌeeleenaꞌo daggoochee biin aalliyemmo taane.

Hiziqeeli 16:37

boonoshina tookkii ne emiriti ne shunimaayeenaꞌo bullin, ne shunnetinaꞌonaa ne shixxetinaꞌonon, bulli xaaꞌoochee ne toommooch kicemmo taane; kiciichi ne achoon boonoshi beeggemmoyich, gaxxemmo taane.

Hiziqeeli 16:47

Ne, boonoshi gommon dabboo woyee ciigiiti boonoshi mooyon tuniyoo baach tuneyaanoon, giisheche aabee daggooch ne gommo bullina boonoshiyee beshe gonde mooyon tuniihine.

Hiziqeeli 16:57

Ebiyoo ne axaaxoo gaxxeeyoye aafiye. And Sooriyee maache bushiisheenaꞌonaa bi giyeenaꞌo bullina, ne guudoona beechi neen hoxeebeeti Filsixeemee maache bushiishoo bullina cooneeti neene.

Hiziqeeli 23:22

“Ebich Oholibahe, Nuggishoo Doono Yeeri ishichiye: Ciigaꞌa ne wokketi ne shunimaayeenaꞌo ne toommooch tiyemmoyich tuniyemmo taane; ne guudo bulliichee ne toommooch boonoshi woyemmoyich tuniyemmo taane.

Hiziqeeli 23:25

Ta qanaatoona neen ta kaaretoyich boonoshiyoo oogeti kaaroona tiyemminaꞌone; ne muddoonaa ne waamonon kuxxemminaꞌone; ne daggoochee echeto goraadoona dihemmone; ne anaami bushiishoonaa maache bushiishoonon keci daammemminaꞌone; ne daggoochee echeton qaaqqoo maayemmone.

Sofoniyaasi 3:19

Ebi arooba, ittoshin neexxii hajjitinaꞌon naxemmo taane; baata sheqqeenaꞌon wodiyemmo taane; shacetinaꞌonoo kicemmo taane; boonoshi giishoon oog wochemmo taane; showee toommooch arichetinaꞌo tuniyemmo taane.

Yaaꞌoo 17:16

Ne beeggeti aashire qaroonaa cooxona yahechi ureen shixxemminaꞌone; shokke kishoo biin tunii, shokkaachoon biin echiyemminaꞌone; bi meenonoo maayemminaꞌone; qaaqqoonoo biin michemminaꞌone.