Hiziqeeli 16:13 - Kafa Linguistics Project

¹³ Aachoonaa birewoonon geddaꞌa shasheti neene; muttee tuppoochee shippeti gaawe taho, shashe qamisoonaa aaxxe tahoona neech beetone; ne maayo gaawe buddino, eeyonaa zayitoonane. Newoo beshoon mallet gaawee tunaꞌa diccehine; taatee tunoyichoo beddehine.

Hiziqeeli 16:13 ပူးပေါင်းရင်းမြစ်များ

Halloo 17:6

Ne shiijjereenaꞌon oogichi meechiree, aageteenaꞌo tuniyemmo taane; boonoshi daggoocheenoo taateenaꞌo tunemminaꞌo beetinaꞌone.

2 Saameeli 8:15

Daawitiyoo Israꞌeelee showoo bulliich taatehe; bi asheenaꞌo bullinoo tachiꞌi gaawe dayinnetoona qeejjiye.

1 Taateenaꞌo 4:21

Solomooni qeejjiibeeto, Efiraaxisi aacoochee tiijjiꞌi Filsixeemee showooch beddaahaa, aroochee wotta Gibitsee daarooch beddaahaa beeti taatittinee showeenaꞌo bulliniye. Ebi showeenaꞌooch beeti asheenaꞌo Solomooni kashoona bi beeti yemeeno bulliich biich hajjeeꞌi, gibiroon deebii beeheete.

Iziri 4:20

Yerusaalem taateti, Efiraaxisee beqachi woraafo bullin hajjiibeeti, qaraxoonaa gibiroonon deqqiibeeti, hakkechi taateenaꞌo beebee echetinaꞌone.

Iziri 5:11

“Boonoshiyoo nooch ishichiꞌi wochiyeete: ‘No, showoonaa shimaayoonochi Nuggishoochi maddecho noone; ebi no shuunaabeeti kexo meeti yemeenoyee aaf hakkeeto, Israꞌeeleenaꞌochi ooge taatoo haggiꞌi qanniitoniye.

Iyoobi 29:6

Arooba, ejjoona baatoon machaabeeto taane; zayitee hiicci xaaꞌoochee, aaco ufoommon zayito taach ufee beetone.

Shoddo 147:14

Ne showee daaroon diggiihe; gaawe teepphoona neen michiihe.

Shoddo 48:2

Showoo bullin emirikkiibeeto, dambi-waanee wokkiꞌi beeto, kaama qaalliꞌi wacwacciibeeti Tsiyooni guudo Ooge Taatoochi katemoone.

Shoddo 50:2

Oogeti malletechi Tsiyooni katemoochaa Yeeri aaxxee bekkehe.

Shoddo 81:16

Tunebaani ittoshich gaawe teepphoon maanjesho taane; xaqqee gogginoochee kechiibeeti eeyona ittoshin michiyesho taane” iye.

Isiyaasi 64:11

Wonnee qaabbechi no niheenaꞌo neen aroochaa boonoshi galleteebee echeti, yaafoonaa mallet gaawoona tuneti ne yaafee kexo qaaqqoona miccitone; no emiraabeeti xaaꞌeenaꞌo bulli happaa aalletinaꞌone.

Erimiyaasi 13:20

Yerusaaleme, qaalliree dambi-waanee waa beetinaꞌon ciine; neech icheti bageenaꞌo, mallet gaawe bageenaꞌo aayeete?

Shoosho 2:15

Gommon beshee beetinaꞌo bulli ittoshi toommooch kishoon koppeheete; Yerusaalemi asheenaꞌochi toommooch shokkeheete; “Malletee balli, showoo bulli emiriibeeti katemee, ebine?” iibee qelloon qeeqqereheete.

Hiziqeeli 16:10

Shashe qamisoon neech tajjiyoye; gaawe gooqqoochee shuuneeti caammoon neech geddoye; muttee tuppoochee shippeti shaashoon ne qellooch kaappoye; aaxxe tahoonoo ne toommooch xappiyoye.

Hiziqeeli 16:17

Neech ta immeti ta aachoonaa birewoonoochee shuuneeti ne shashoon daammaa anaaminaꞌochi misiloon shuunaꞌa boonoshina tookkii shunoo maahine.

Hiziqeeli 16:19

Ne maayemmoyich neech ta immeti maayoon, ebiyoo gaawe buddinoon, eeyonaa zayitoonon gaawe cinnoon bi cinnemmoyich tuniiꞌa boonoshich giddiihine; ebiyoommi mooyo tunetone, iye Nuggishoo Doono Yeeri.

Hiziqeeli 23:40

“Anaaminaꞌo ooge wohi showoochee woyemmoyich, wocheyechinaꞌon daachiiheete; boonoshiyoo waaheete; ebi gutte maneenaꞌo boonoshi achoon macheheete; boono aafoonoo huuteheete; boono shashoonoo geddiyeete.

Hiziqeeli 27:16

“ ‘Wodde qiico neech bi beetoyich, Sooriyee asheenaꞌo neenna tookkii giixee beeheete; ne qiiceenaꞌonoo maarigidoona, damere tahoona, bi toommooch shashiitaa shippeti qoreddoona, muttee tuppoochee shippeti qoreddoona, dooqoona, wottoo ceelle inqoona shaddii beeheete.

Hosee'i 2:5

Boonoshin xifaa shiyeti boonoshi indee yeellaalli shunimaayeene. Areyoo ‘Koshonaa aaconon, bagee eexoochee shuuneeti tahoon, muttee tuppoochee shippeti tahoon, zayitoonaa uyoonon taach immiti ta shunechinaꞌon dabbi hammemmi taane’ iyane.

Yibbaatoo 8:8

Wotta teepphoonaa sheqoona, woyinee qomboonaa balaasee mixona, romaanee mixonaa zayitee mixona, eeyoo beeti showoone.

1 Saameeli 10:1

Aroochee Saameeli zayitoon yechiti qiicoon daammiꞌi Saaꞌooli shimbooch zayitoon ukkiye. Biin shummiichii ishichiye: “Doono Yeeri bi hajjee asheenaꞌo tuneti Israꞌeeleenaꞌo toommooch iraashoo ne tunemmoyich neen kaaccitone. [Yaabi qeejjibee, boonoshi guudoona beeti boonoshi etteenaꞌo kishoochee wodiyemmo neene. Bi asheenaꞌon yaabii qeejjecho ne tunemmoyich, Doono Yeeri neen bi kaacoyich ebi neech malletoo tunemmone.]

1 Saameeli 12:12

“Tunebaani Amoonee taatoo Nahaashi ittoshin kocha bi womon ittoshi beeggiyooba, ittoshi taatoo tuneti Nuggishoo Doono Yeerin qajjiichii, ‘Ebi tuneyaache; noon yaabi qeejjemmi taatoon qaawaabeeto noone’ iyote.