Hiziqeeli 16:11 - Kafa Linguistics Project

¹¹ Macecikkiti shashoona neen shashiihoye; ne kishooch shagaamoon geddoye; ne qettoochoo shashoon tippoye.

Hiziqeeli 16:11 ပူးပေါင်းရင်းမြစ်များ

Halloo 24:22

Gaaleenaꞌo aacon uchii michitoyee gubb, uro sheqeelee qachi muddee aachoonaa gutte kishooch bi geddemmi aashire sheqeelee gutte ogooge aachee shagaamoonon bi deebiti qiicee daggoochee kichii biich immiye.

Halloo 24:47

“Aroochee ‘Koni bushee neene?’ iyaa echeho. “Biyoo ‘Nakoorichi bushoo Batuꞌeeli bushee taane; ta nihondeyoo Milikine’ iyane. “Ebich ta, bi muddooch aachoon, bi kishoochoo aachee shagaamoon geddoye.

Halloo 24:53

Aroochee birewoonaa aachoonoochee shuuneeti shasheenaꞌon, tahoonoo kichii Ribiqich immiye; wotta aaxxe gatiyechi qiiceenaꞌon bi manoonaa bi indeenoyich immiye.

Halloo 35:4

Ebich boonoshi waan beeti dallaawe nuggisheenaꞌochi shahalloo bullin, boonoshi waameexi gudichoonoo kichii Yaaqobich immiyeete. Yaaqobiyoo eboshin daammii Shekeemi katemee gaꞌooch beeti ogooge michi xepphooch duukkiye.

Halloo 41:42

Farooniyoo bi kisheexi axxaammittee maatemoon kichii, Yooseefichi kishooch geddiye; muttee tuppoochee shippeti tahoon tajjiye; bi qettooch aachee sansalatoon tippiye.

Asteeri 2:17

Taatoo bare maache bushiisheenaꞌo bulliyee beshoon Asteerin shunniye. Bare gidiide bushiisheenaꞌoyee beshoon biin shunniye; gaawe aafoonoo biin ciinniye. Ebich taatoo Yekisesi taatee gubbichoon bi shimbooch ukiiꞌi, Ashixiini keroon gennee abeetin tuniihe.

Iyoobi 42:11

Bi anaami maneenaꞌo, maache maneenaꞌonaa bi aricheenaꞌo tuneti asheenaꞌo bullina biin beegga waaheete; bi kexoochaa biinna tookkii maa uchiyeete; Doono Yeeri bi toommooch deebiti xuuxoyich ayiniyeete; biinoo goggiiheete. Boonoshi ikkikkoona xure birewoonaa aachee qalibetoonon biich immiyeete.

Keyo 32:2

Harooniyoo boonoshich, “Ittoshi mecheenaꞌo, anaami bushiisheenaꞌonaa maache bushiisheenaꞌonochi waameexi aachoon kichiree taach deebote” iye.

Keyo 35:22

Boonoshi mullo shunnitinaꞌo bulli, anaaminaꞌoo maacheenaꞌoo tahooch geddeebeeti aachoon, boonoshi waameexi aachoon, boonoshi kisheexi axxaamittoon, boonoshi qetteexi aachoonaa baribare aachoo bullinon deebiyeete. Boonoshi bulliyoo aachoon yaafeeti wojjoo tuniiꞌi Doono Yeerich giddiiheete.

Shaahiyoo 1:9

Ebiyoo ne qellooch oogoon immiibeeti gubbichoommon, ne qettoon malletiibeeti aachee zaaboommonoo tunemmone.

Shaahiyoo 25:12

Mullechi ashi kaaro, deꞌa ii waayemmi ashich, waajji aachoommo, xalle aachoochee shuuneeti shashoommone.

Shaahiyoo 4:9

Ne qellooch oogee gubbichoon kotiyemmone; gaawe qelli ukoonoo neech immemmone” iye.

Solomooni 1:10

Ne gaakkoo shashoona macecikkeetone; aaxxe qalibeto ne qettooch tippetone.

Solomooni 4:9

Ta manee ta woꞌeene, ikke wottoon taan ciinona, ta mulloon boggaa deqqeti neene. Ne qetteexi shashoochee ikkoona, ta mulloon boggaa deqqeti neene.

Isiyaasi 28:5

Arooba Beshe Mawe Doono Yeeri, muriccii echeti bi asheenaꞌoyich oogee ukoon, malleteechi gubbichoon tunemmone.

Isiyaasi 3:19

waajji gudichoon, kishee shagaamoon, aafee oppoon,

Isiyaasi 3:21

kishee axxaammitoonaa muddee axxaammitoonon,

Shoosho 5:16

No qelloochee gubbichoo hollitone; axaaxoon no shuunetoyich nooch woowo!

Hiziqeeli 16:17

Neech ta immeti ta aachoonaa birewoonoochee shuuneeti ne shashoon daammaa anaaminaꞌochi misiloon shuunaꞌa boonoshina tookkii shunoo maahine.

Hiziqeeli 23:40

“Anaaminaꞌo ooge wohi showoochee woyemmoyich, wocheyechinaꞌon daachiiheete; boonoshiyoo waaheete; ebi gutte maneenaꞌo boonoshi achoon macheheete; boono aafoonoo huuteheete; boono shashoonoo geddiyeete.

Hiziqeeli 23:42

“Buraaqiibeeti asheenaꞌochi qaaro boonoshi guudoona beetone; barahoochee waati mashechinaꞌo boonoshina tookkii beetinaꞌone; ebi mashechinaꞌo boonoshi kishooch shagaamoon, boonoshi qelloochoo gaawe gubbichoon geddiyeete.

Daaneeli 5:16

Tunebaani ne, biichiꞌi getonaa aacheeti mooyon gaxxiꞌi bekkiyoonon hakkaabeeto ne tunoon waayeto taane. Ebi kooreeton shemmaꞌa biichaa taach ne getigaata, damere iddimoon neech tajjiyemmo taane; aachee zaaboon ne qettooch tippiyemmo taane; ta taatittinee daggoochoo oogoona keejjinnoon tune iraashemmo neene” iye.

Daaneeli 5:29

Belshasoori Daaneelich damere iddimoon boonoshi tajjemmonaa aachee zaaboon bi qettooch boonoshi tippemmonoyich, bi asheenaꞌoyich gettiye. Bi taatittinee daggooch oogoona keejjinnoon tuneꞌi bi iraasheechi awaajjoon gettiihe.

Daaneeli 5:7

Bi qaaroon oogichiꞌi, kaayechinaꞌon, allaameenaꞌonaa xojjenee hiddechinaꞌonon ceegiree bi waan boonoshi deebemmoyich gettiye. Ebi shalligechi Baabloonee asheenaꞌo waammona, taatoo boonoshich ishichiye: “Ebi kooreeton shemmeꞌi, taach biichii gettimmoyich, damere iddimoon tajjiyemmo taane; aachee zaaboon bi qettooch tippiyemmo taane; ta taatittinee daggoochoo oogoona keejjinnoon tune iraashe hajjemmone” iye.

Hosee'i 2:13

Taan battaachaa bi shashoon shashaꞌa bi shunechinaꞌon bi dabbitoyich, wotta Baꞌaaleenaꞌoyich ixaanoon bi shookketi baaree aabeenaꞌoyich, biin naxemmo taane” iye Doono Yeeri.

Leweenaꞌo 8:9

Qelli caacoon bi qellooch caacciye. Ebi qelli caacee aafaa Harooni Doono Yeerich barito bi tunoon bekkiibeeti, aachoochee shuuneeti gubbichoon geddiye. Ebi bullin Doono Yeeri biich gettitoommon tuniiꞌi shuunehe.

Haddoo 31:50

Ebich no ikkikkoona no daneti aachee qiicoon, aachee allubboon, aachee shagaamoon, axxaamittoon, waajji aachoonaa qettee aachoonon, no kashoon Doono Yeeri aafoochaa maariyoyich, Doono Yeerich wojjoo deebeto noone” iyeete.

Yaaꞌoo 2:10

Ne toommooch shaggemmi iritoon shattaahine; ebiyoche, Yeeri toommooch mulloon ittoshi tooꞌiyoo iberoo bi tunoonaa tunee qayona bi bekkemmoyich, daabiloosi ittoshi daggoochee ikkikkeenaꞌon cuyee kexooch gedda ii beetone; aashire qemi duꞌoon beeggemmo ittoshine. Qitooch beddaahaa taach gibeneeton tunebe; kashee gubbichoon neech immemmo taane.

Yaaꞌoo 4:10

hiyaa awudde geeneenaꞌo taatee qeenooch koteto aafooch baroona guufeꞌi bulli yemeenoon beeyechoyich goyinneebee, “No Doono, no Nuggishoocho! Bulli mooyon hallitine; ne daaggoonoo tunetone, halleetone. Ebich ‘Oogee yiirecho neene; oogoo neene; giidecho neene’ getteya beddehine” iibee boonoshi uketi gubbichoon kindii taatee qeenooch koteto aafooch kotiiheete.

Yaaꞌoo 4:4

Ebi are taatee qeechi guudoona bare hiyaa awudde taatee qeeninaꞌo beeheete; ebi qeeninaꞌo toommooch nacce tahoon taheꞌi boonoshi qellooch aachee gubbichoon uketi hiyaa awudde geeneenaꞌo koteꞌi beeheete.

Woraaferasheenaꞌo 8:24

Biyoo boonoshin “Eke ikke mooyon ittoshi waanee qollebona; kecoochee ittoshi daneti, ittoshi ikkikkoochi aachee koliboon taach imbote” iye. Ebiyoo aachee koliboon gedo Ishmaꞌeeleenaꞌochi doyoo bi tunetoyichiye.