Hiziqeeli 16:10 - Kafa Linguistics Project

¹⁰ Shashe qamisoon neech tajjiyoye; gaawe gooqqoochee shuuneeti caammoon neech geddoye; muttee tuppoochee shippeti shaashoon ne qellooch kaappoye; aaxxe tahoonoo ne toommooch xappiyoye.

Hiziqeeli 16:10 ပူးပေါင်းရင်းမြစ်များ

Halloo 41:42

Farooniyoo bi kisheexi axxaammittee maatemoon kichii, Yooseefichi kishooch geddiye; muttee tuppoochee shippeti tahoon tajjiye; bi qettooch aachee sansalatoon tippiye.

Shoddo 45:15

Emiri wucwucibee daammemminaꞌone; taatoo kexooch giijjemminaꞌone.

Keyo 25:5

qucaa shuuneeti, bagee baaddoochi gooqqo; gaawichaa qucheti bare gijjee gooqqo; geellee mixo;

Keyo 26:14

Duukkaanoyich qucaa shuuneeti, bagee baaddoochi gooqqoochee qeroon shuunebe. Wotta bi toommooch xappeyemmi qeroon qucaa shuuneeti bare gijjee gooqqoochee shuunebe.

Keyo 26:36

“Duukkaanee kellee maccillaatoon shimaayito, dameroonaa ceelloona tuneti, muttee tuppoochee ciciitaa yokkeeti woshiqoona shippeti qoreddoochee shuunebe. Aree toommoochoo shashiiree shife.

Keyo 28:5

Ebi kishee shuunee ariyechinaꞌo aachee woshiqoona, shimaayito, dameroonaa ceelloona tuneti woshiqoona, wotta muttee tuppoochee ciciitaa yokkeeti woshiqoona shifeete.

Shaahiyoo 31:22

Bi qeenooch yaggeyemmi tahoon shuunahan; muttee tuppoochee ciciitaa yokkeeti, damere tahoon tahahan.

Isiyaasi 3:23

heeraawoon, muttee tuppoochee shippeti tahoon, qelli caacoon, aafee qeroonoo tiijji daammemmone.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Hiziqeeli 16:13

Aachoonaa birewoonon geddaꞌa shasheti neene; muttee tuppoochee shippeti gaawe taho, shashe qamisoonaa aaxxe tahoona neech beetone; ne maayo gaawe buddino, eeyonaa zayitoonane. Newoo beshoon mallet gaawee tunaꞌa diccehine; taatee tunoyichoo beddehine.

Hiziqeeli 16:18

Shashe ne tahoon daammaꞌa boonoshich tajjihine; ta zayitoonaa ta ixaanoonon daammaꞌa boonoshich deejjoo giddiihine.

Hiziqeeli 16:7

Gaddeexi mocoochoommon ne diccemmoyich tuniihoye; newoo diccaa genjaꞌa mallet gaawe gidiideen tunehine; xano kichihine; ne shurubboo genjehe; tunebaani andoo shokkaachee neene.

Hiziqeeli 26:16

Baharee gasheexi taateenaꞌo boonoshi taatee qeenoochee kindemminaꞌone; toommeexi boonoshi tahoonoo shoottemminaꞌone; shashechi boonoshi tahoon kichemminaꞌone; boonoshi qellich keqqoon taheree showooch kotemminaꞌone; kuxaanoon qewebee ne toommooch shaggitona geewemminaꞌone.

Hiziqeeli 27:16

“ ‘Wodde qiico neech bi beetoyich, Sooriyee asheenaꞌo neenna tookkii giixee beeheete; ne qiiceenaꞌonoo maarigidoona, damere tahoona, bi toommooch shashiitaa shippeti qoreddoona, muttee tuppoochee shippeti qoreddoona, dooqoona, wottoo ceelle inqoona shaddii beeheete.

Hiziqeeli 27:7

Ne markabeechi sharo, baanderoochoommon wohoochaa bi bekkemmoyich, shashiitaa bi toommooch shippeti Gibitsee waati muttee tuppoochee shippeti qoreddoochee shuuneetone; ne maccillaateenaꞌo Elishee buure showeexi dameroonaa shimaayitoona tuneti qoreddoochee shuuneetinaꞌone.

Luqaasi 15:22

“Tunebaani nihoo bi aafee bushiisheenaꞌon ishichiye: ‘Kaateree bulliyee beshe gaaweti tahoon deebi biich tajjibote; bi kishoochoo axxaamittoon, bi baatoochoo caammoon deebiree gedote.

Yaaꞌoo 18:12

Boonoshi deebiibeeti qiiceenaꞌo, aachoo, birewoo, aaxxe xaqqeenaꞌo, inqeenaꞌo, muttee tuppoochee cicii yokketaa shippeti taho, damere taho, haaro getteebeeti nire qoreddoo, maddoo, cinnechi mixo bulli, dangichi gashoochee shuuneeti qiico bulli, oogeti aaxxe mixoochee shuuneeti qiico bulli, gooshoochee, xuuroochee, mallet gaawe xaqqoochee shuuneeti qiico bulli,

Yaaꞌoo 19:8

Bagoochi woꞌechoo muttee tuppoochee cicii yokketaa shippeti, wacciibeeti xalle tahoon bi tahemmoyich ichehe” iye. Ebi are muttee tuppoochee cicii yokketaa shippeti taho yaafeenaꞌo shuuneti cadiqee shuunee shaahiyoone.

Yaaꞌoo 21:2

Yaafe katemee, andire Yerusaalemi, kenooch hamma macecikkiti tahoon tahaa qannaa tiyeti woꞌeen shaahaꞌa shimaajj beeti Yeer waanee bi kindaa beetaa beeggeho.