Hiziqeeli 15:4 - Kafa Linguistics Project

⁴ Qaaqqoo aaxxiyoyich baachiye bi gaaccemmo; qaaqqoo gutte bi caappoon maachaa, bi duboonoo ciiciichaa iberoochaa amoyichona gaaccehe?

Hiziqeeli 15:4 ပူးပေါင်းရင်းမြစ်များ

Shoddo 80:16

Etteenaꞌo arooch qaaqqoo geddiyeete; kuxxiinoo duppiyeete; boonoshin ne kaaretaa aallebeete.

Isiyaasi 1:31

Kupphe asho galloommon, bi shuunoo qaaqqee xeeroommon tunemmone; guttiyona tookki miccemminaꞌone; qaaqqoonoo takkemmo aalloone.

Isiyaasi 27:11

Michi ateenaꞌo boonoshi shuuꞌiyooba tiisheheete; maacheenaꞌo qaaqqooch shookka maciyeete; shalligaalli asheenaꞌo boonoshi tunetoyich, boonoshin Hallito boonoshich ariqqeyaachemmone; boonoshin Hallito boonoshin gaawe aafoona ciinaachemmone.

Hiziqeeli 15:3

Ikke mooyon shuunoyich mixo aroochee danehe? Qiico kaqqeyemmi kaꞌolla aroochee daneyaache.

Hiziqeeli 15:5

Bi micoyee aaf shuunoyich gaacaano bi tunegaata, qaaqqoo biin maachaa amee gaaco aroochee danehe?” iye.

Hiziqeeli 15:6

Ebich Nuggishoo Doono Yeeri ishichiye: “Kubbeexi michi daggooch beeti woyino qaaqqooch bi shookkeyemmoyich ta tuniyoommon, Yerusaalem beetinaꞌon ebiyoommon beshiiree immemmo taane.

Hiziqeeli 19:14

Bi giindoochee qaaqqoo kechiye; bi qaakkoonaa bi aafoonon maahe; ebich arooch kupphe ato aallehe; taatee gumbo aroochee dano qajjiye” iye. Ebi eefooba wochi wochaa caaggeyemmi hichoone.

Amootsi 4:11

“Sodoominaa Gomoorinon ta aalliyoommon ittoshi daggoochee ikkikkeenaꞌon aalliihoye; ebi aroochee muricciꞌi ittoshi kechito, ciifo qaaqqee daggoochee keyoommoniye. Tunebaani ta waan wotteyaano ittoshine, iye Doono Yeeri.

Milikiyaasi 4:1

Beshe Mawe Doono Yeeri ishichiye: “Gemmeexi qaaqqoo michoommon michiibeeti aabo woyemmone. Geecechinaꞌonaa axaaxoon shuunee beetinaꞌona bulli maayi tulloon tunemminaꞌone. Waabeeti aabo boonoshin michi aalliyemmone. Cammonoo tuneba atoon echiyaachemmone.

Maatiyoosi 3:12

Maayoon yooppiibeeti qiico bi kishoochiye; maayo bullin yooppiree xalliyemmone; are yooppaa xalleti teepphoon bi gotooch geddemmone; tunebaani maaxxoon tahaani qaaqqoona michemmone” iye.

Yowannisi 15:6

Koniyoona taanna beetaano bi tunegaata, kuxxii maaxooch dufaa shuuqqiibeeti ateenaꞌoommon tunemmone; boonoshinoo kiciree qaaqqooch duppemminaꞌone; michishoo gettemminaꞌone.

Hibireena'o 12:29

Ebiyoo, iberoon no Nuggishoo michii aalliibeeti qaaqqoommo bi tunetoyichiye.

Hibireena'o 6:8

tunebaani angixonaa guccinonon bi colliigaata, gaacaalleene; Yeerina uppeyaniye bi ii beeto; ciiroochaanoo qaaqqoona miccemmine.