Hiziqeeli 14:8 - Kafa Linguistics Project

⁸ Are uro toommooch ta aafoon maggiyemmo taane; cooqqireyechonaa sheeree malletoonon biin tuniyemmo taane; ta asheenaꞌo daggoochee biin waaxxemmo taane. Aroochee Doono Yeeri ta tunoon ariyemmo ittoshine.

Hiziqeeli 14:8 ပူးပေါင်းရင်းမြစ်များ

Shoddo 34:16

Tunebaani gondeenaꞌochi shalligichoon showee toommoochee aalliyoyich, Doono Yeeri bi aafoon boonoshi waan wochemmone.

Shoddo 34:17

Cadiqeenaꞌo cookiyeete; Doono Yeeriyoo waayehe; boonoshi iritoo bulliichee boonoshin wodiihe.

Shoddo 37:22

Doono Yeeri diiritinaꞌo showoon woraashemminaꞌone; tunebaani bi uppitinaꞌo aallemminaꞌone.

Isiyaasi 65:15

Ittoshi shigoon ta kaaccetinaꞌo waanaa maxxaaroyich tuniyemmo ittoshine; Nuggishoo Doono Yeeri ta, ittoshin wuxemmo taane; tunebaani ta guuninaꞌon bariti shigoona ceeggemmo taane.

Erimiyaasi 21:10

Deꞌoyich tuneyaanoon gondoyich hini katemoon ciinneto taane, iye Doono Yeeri. Ebi katemoo Baabloonee taatoo kishooch beshiitaa ichemmone; biyoo qaaqqoona michemmone.

Erimiyaasi 24:9

Showee taatittino bulliichaa, wuche getteetinaꞌo tuniyemmo taane; boonoshin ta yookketi xaaꞌoo bulliichaa tocheyoyich, shixxeyoonaa ufonoyich tuniyemmo taane.

Erimiyaasi 29:22

boonoshi naboona Baabloonee showooch beeti Yihudee keco bulli ‘Baabloonee taatoo qaaqqoona michiti Sedeqiyaasinaa Akaabinochoommon Doono Yeeri neen tuniibe’ geti maxxaaremminaꞌone.

Erimiyaasi 44:11

“Ebich Israꞌeelee Nuggishoo, Beshe Mawe Doono Yeeri ishichiye: Yihudee asho bullin aalliyoyich ta aafoon ittoshi toommooch gondiyemmo taane.

Hiziqeeli 13:23

Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.

Hiziqeeli 15:7

Ta aafoon boonoshi toommooch maggiyemmo taane; qaaqqoochee boonoshi muriccitaa, qaaqqoo boonoshin maayemmone. Ta aafoon boonoshi toommooch ta maggiihooba, Doono Yeeri ta tunoon ariyemmo ittoshine.

Hiziqeeli 5:15

Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.

Hiziqeeli 6:7

Wuxeetinaꞌo ittoshi daggooch dihemminaꞌone; ittoshiyoo Doono Yeeri ta tunoon ariyemmo ittoshine.

Leweenaꞌo 17:10

“ ‘Israꞌeelee ashoochee woyee Israꞌeeleenaꞌo daggooch shiqqoo tuneꞌi koteti asheenaꞌoochee koniyoona damoon bi maagaata, biich etto tunemmo taane; bi asheenaꞌo daggoochee biin kichi yookkemmo taane.

Leweenaꞌo 22:3

“Boonoshich ishichibe: ‘Gubbi ne shiijjeroo bulliichee koniyoona eeꞌo tuneechii Israꞌeeleenaꞌo Doono Yeeri taach kichiti, yaafoo tuneti mooyon bi yeshigaata, ebi are asho ta aafoochee kichaa yookkebe. Ta, Doono Yeeri taane.

Leweenaꞌo 26:17

Tawoo ittoshich etto tunemmo taane; ittoshi etteenaꞌo ittoshin koyi wochemminaꞌone; ittoshin shixxii beetinaꞌo ittoshin hajjemminaꞌone; ittoshiyoo koniyoona ittoshin yoohaanoon woci aallemmo ittoshine.

Haddoo 16:38

Eboshiyoo boonoshi kashoon aalliyoyich axaaxoon shuuneti asheenaꞌochi ixaano shookkeebeeti qiiceenaꞌone. Ebi qiiceenaꞌo, Doono Yeeri ta aafooch giddetinaꞌonaa yaafeetinaꞌona boonoshi tunetoyich, deejjee gudee qeroon boonoshi tunemmoyich qici shishiibe. Ebiyoo Israꞌeeleenaꞌoyich cuuꞌiyoo tunebe” iye.

Haddoo 19:20

Tunebaani eeꞌeti asho bi ashittinoon xalliyoo bi qayigaata, Doono Yeerichi yaafee duukkaanoon bi eeꞌitoyich iiteenaꞌo daggoochee kichaa yookkebe. Xalliibeeti aacon bi toommooch wuciyoo bi qajjitoyich eeꞌoone.

Haddoo 26:10

showee haawuttaꞌa Qoraahina tookkaa boonoshin qooxxahan. Qoraahichi dabbeenaꞌo qitiyooba gutte ballaa aache asheenaꞌon qaaqqoo maahe. Ebina boonoshiyoo bare asheenaꞌoyich cuuꞌiyoon tuneheete.

Roomi 11:22

Illa Yeerichi maacee manjoonaa ariqqoonon ciine. Bi maacee manjoo dihitinaꞌo toommoochiye; tunebaani ebi Yeerichi ariqqoona manjaꞌa ne beegaata, bi ariqqo neechiye; ebi tuno qayigaata, Yeeri neen wotta xooꞌi bajjemmone.

1 Qorontoosi 10:11

Boonoshi toommooch tuneti mooyo bulli nooch malletoo tunetone; ebiyoo hini ciireexi yemeenooch beeti noon cuuꞌiyane bi kooreeto.

Yibbaatoo 28:37

Doono Yeeri neen bi shacciibeeti showooch beeti aageteenaꞌo bulli ebi ne toommooch shaggiti mooyon beegiree keqqemminaꞌone. Boonoshiyoo ne mooyon tochibee ne toommooch cooqqiremminaꞌone.

Yibbaatoo 28:46

Ebiyoo neennaa ne shiijjeroonochi toommooch Doono Yeeri nallee malletoo bulli yemeenoon tunemmone.

Yibbaatoo 29:19

“Ebiyoommi asho ebi wogee qaaroon waayeꞌi, bi qelloon diireeton shaahii ciinona, ‘Ta mullee manjoona ta hammetaanona, bulli mooyo taach kaamee beetone’ geti gabemmone. Ebiyoo gondoonaa deꞌoonon ikkochiree ittoshi bullin aalliyemmone.