Hiziqeeli 14:5 - Kafa Linguistics Project

⁵ Ebiyoo shahallee naboona boonoshi mulloon ta waanee bariiti, Israꞌeelee maccoo bullichi mulloon ta waan wochoyichiye.

Hiziqeeli 14:5 ပူးပေါင်းရင်းမြစ်များ

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Erimiyaasi 2:5

Doono Yeeri ishichiye: “Ittoshi qaabbechinaꞌo ta waanee boonoshi wokkito, duube mooyon boonoshi dabbito, duubee boonoshi ito, ta waanee amee dayinnetaalli mooyon daneꞌiniye?

Hosee'i 10:2

Dawushechi mullechinaꞌone. Ebich boonoshi xuꞌee gatiyoon deqqemminaꞌone. Doono Yeeri boonoshi deejjee gudeenaꞌon tiichemmone. Boonoshi goyinnee xaqqee giimbeenaꞌon aalliyemmone.

Zakaariyaasi 11:8

Ikke agenee daggooch keejje qiddeenaꞌon yookkeho. Boonoshiyoo taan shixxiyeete; tawoo boonoshin sheeneho.

Roomi 1:28

Yeerin ariyoon gaacaallo shaahiiꞌi boonoshi gabitoyich, tuneyaani mooyon boonoshi hallemmoyich, Yeeri boonoshin qajjiye; ebich xumme gaboon baach gabiyeete.

Roomi 1:30

oonechinaꞌo, Yeerin shixxii beetinaꞌo, naagechinaꞌo, boonoshi qelloon oogii beetinaꞌo, geecechinaꞌo, moochi qaawechinaꞌo, boonoshi niheenaꞌonaa indeenaꞌonoyich deꞌa getaaneenaꞌo,

Roomi 8:7

Meechi gaboo Yeerichi sheeroyich hajjeyaano bi tunetoyich, hajjeyoonoo hakkaano bi tunetoyich, meechi gaboyich hajjeebeeti asho Yeerina kaarecho tunetone.

Galaati 6:7

Ittoshin wochi dawushiyaahote; Yeeri toommooch cooqqiroo hakkeyaache; asho bi shookkii beeton aroon qeccemmone.

Efesooni 4:18

Boonoshi tuushoonaa mullee muumoonoochee tiyitona boonoshi mullo kaappehe; ebich boonoshiyoo Yeer waanee daneebeeti andire kashoochee wokkiyeete.

Qolaasiyaasi 1:21

Ebiyee aaf wokkiꞌi beeti ittoshin, gonde mooyon shuunoonaa gonde mooyon gaboona biinna shixecho tuneti ittoshin, qoonneyaani oonaalli yaafeeton tuniiꞌi Yeeri aafooch ittoshin giddiyoyich, Kiristoosi meenon taheꞌi bi qitoona and ittoshin shuniitone.

Hibireena'o 3:12

Ta maneenaꞌote! Beeyechi Yeerin qachiyemmi, Yeeri toommooch mullee tooꞌiyoon bajjemmi gonde mullo diqqich ittoshi daggoochee ikkoyichona bi beetaachemmoyich, ittoshi qelloon quyebote.