Hiziqeeli 14:3 - Kafa Linguistics Project

³ “Ashi bushoocho, ebi asheenaꞌo boonoshi mulloon shahalloyich hajjiitinaꞌone; ebi boonoshi gonde shuunoon xugoon tuniiꞌi boonoshi aafooch kotiitinaꞌone. Ishigaata ta waanee eche waayeya boonoshi qaawoo tatoone?

Hiziqeeli 14:3 ပူးပေါင်းရင်းမြစ်များ

2 Taateenaꞌo 3:13

Elisayiyoo Israꞌeelee taatoyich, “Neennaa taannon daniyemmi amee mooyolla aalloone. Ne nihoonaa ne indeenochi keemechinaꞌo beetooch hambe” iye. Tunebaani Israꞌeelee taatoo biich, “Ebi toonoone; keejje taatoo noon Moꞌabee taatoo kishooch beshiiꞌi imoyich ceeggito, Doono Yeerine” iye.

Shoddo 101:3

Gonde shuunoon ciinibee cikki qayaachemmo taane; Yeeriyee kechiti asheenaꞌo mooyon shixxehoye; boonoshina tookkishoo ciroona guuphaache.

Shoddo 66:18

Axaaxoon ta mullooch ta aachito gaata, Doono Yeeri ta corootoon waayeyaacheshone.

Shaahiyoo 15:29

Doono Yeeri gonde asheenaꞌo waanee wohone; tunebaani cadiqeenaꞌochi qolloon waayehe.

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Shaahiyoo 21:27

Gonde ashi deejjoo ciigeetone; gonde gaboona bi deejjiibeeto beshoon ciigeetone.

Shaahiyoo 28:9

Sheeroon waayoochee bi waamon badd wochiibeeto bi corooto ciigeetone.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Isiyaasi 33:15

Cadiqoona beeto, iberoon yibbaateebeeto, xuꞌoona daneebeeti shimon hoxeebeeto, xuccoochee bi kishoon quyeebeeto, damoon ukkiya koceyoon waayoochee bi waamon oppeebeeto, gondoon ciinoochee bi aafoon oppeebeeto,

Erimiyaasi 11:11

Ebich Doono Yeeri ta ishichiyoye: ‘Ebiyoche muricon boonoshi hakkaani gonde mooyon boonoshi toommooch deebemmo taane; ta waan cookemminaꞌone; tunebaani ta waayeyaachemmo taane.

Erimiyaasi 17:9

“Ashi mullo, bulliyee beshe marecho, wottoo oogeti gondoone; ebin koni shalligoo hakkehe?

Hiziqeeli 11:21

Tunebaani boonoshi mulloona ciigiitonaa eeꞌe mooyonon dabbitinaꞌon boonoshi shuunoommon boonoshich qoccemmo taane” iye Nuggishoo Doono Yeeri.

Hiziqeeli 14:2

Doono Yeeriyoo taach ishichiye:

Hiziqeeli 14:4

Ebich boonoshich yibbaatebe; ishichishoo gete: Nuggishoo Doono Yeeri ishichiye: Israꞌeelee maccoochee bi mulloon shahalloyich hajjiichii, ebi bi gonde shuunoon xugoon tuniiꞌi bi aafooch kotiichii, keemecho waan waabeeto koninolla Doono Yeeri ta, ta qelloona bi shahallee meetoommona bi shuunetoommon bi toommooch shuunemmo taane.

Hiziqeeli 14:7

“Israꞌeelo tuneba Israꞌeelee daggooch beeti shiqqoo, tayee biin bariiti shahalloyich bi mulloon hajjiichii, ebi bi gonde shuunoon xugoon tuniiꞌi bi aafooch kotiichii, ta waanee echee waayoyich keemecho waan bi waagaata, ta qelloona Doono Yeeri ta biich wochemmo taane.

Hiziqeeli 20:16

Ebiyoo boonoshi mullo shahalleenaꞌo waan bi wottetoyich, ta getoon boonoshi shaaddetoyich, ta qociyoona beemo boonoshi qajjitoyich, ta shambetoonoo boonoshi eeꞌitoyichiye.

Hiziqeeli 20:3

“Ashi bushoocho, Israꞌeelee geeneenaꞌoyich, ‘Nuggishoo Doono Yeeri ishichiye: Ta waanee echii waayeya waahote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri’ gete.

Hiziqeeli 20:31

And beddaahaa deejjoon deejjoona, ittoshi bushiishoon micciibeeti deejjoo tuniiꞌi giddiyoona ebi ittoshi shahalleenaꞌona ittoshi qelloon eeꞌiiniye ittoshi beeto. Israꞌeeleenaꞌote, ishigaata ta waanee echii ittoshi waayemmoyich ittoshich daaggibote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri.

Hiziqeeli 3:20

“Cadiqe asho bi cadiqittinoochee wotteꞌi gondoon bi shuunegaata, tawoo bi aafooch xugoon ta kotiigaata, aroo qitemmone; ebiyoo ne biin meeqqeqqiyaano ne tunetoyich bi axaaxoona qitemmone; bi shuuneti cadiqittinoo gabeyaachemmone; bi damoon ne kishoochee qaawemmo taane.

Hiziqeeli 33:30

“Ashi bushoocho, ne macceenaꞌo uxeree gaꞌoonaa kechi kelloonoochaa neechon yibbaatee beetinaꞌone; boonoshinaa boonoshina: ‘Wobote, Doono Yeer waanee waati qaaro amo gaata waayebone’ ii beetinaꞌone.

Hiziqeeli 36:25

Xalle aacon ittoshi toommooch wucemmo taane; ittoshiyoo xallemmo ittoshine; ittoshi eeꞌo bulliichee, ittoshi shahalloocheenoo ittoshin xalliyemmo taane.

Hiziqeeli 44:12

Shahalleenaꞌoyich goyinneebeeti asheenaꞌoyich boonoshi maddetoyich, Israꞌeelee yareenaꞌoyichoo axaaxee xugo boonoshi tunetoyich, ‘Boonoshi axaaxoon shaaggemminaꞌone’ iyaꞌa wogeto taane, iye Nuggishoo Doono Yeeri.

Hiziqeeli 6:9

Ebi muriccii woditinaꞌo, tayee wokkiti yahechi boonoshi mulloonaa shahalloo waan wotteti yahechi boonoshi aafoona am shaahoon taan boonoshi ayinikkito gaata aagetee showooch beechi shalligemminaꞌone; boonoshi shuuneti gonde mooyonaa ciigiiti mooyonoochee tiyitona boonoshi qelloon hoxemminaꞌone.

Hiziqeeli 7:19

Boonoshi birewoon gommooch duppemminaꞌone; boonoshi aachoo eeꞌe mooyooch haddeyemmone; boonoshi birewoonaa aachoona Doono Yeerichi kaaree aabooba boonoshin wodiyaachemmone. Ebi boonoshich xugo bi tunetoyich boonoshi shaacoon wochaachemmone; woyee boonoshi maacoon michiyaachemmone.

Hosee'i 4:5

Qeesheenaꞌote, ittoshi, areddee aaboona daafeebeeto ittoshine; keemechinaꞌoo ittoshina tookkii xumoona daafee beetinaꞌone. Ebich ittoshi indee tuneti Israꞌeelee showoon aalliyemmo taane.

Sofoniyaasi 1:3

Ashoonaa cooxonon, bahareexi haashoonaa shimaajji gacoonon showee toommoochee hidi aalliyemmo taane; gonde asheenaꞌon dichemmo taane; ashi yaroon showee toommoochee hidi aalliyemmo taane. Ebin gettaabeeto Doono Yeeri taane.

Zakaariyaasi 7:13

“Ta getaa waayoon boonoshi qajjitoyich, tawoo, taan boonoshi ceeggiyooba waayoon qajjehoye.

Luqaasi 20:8

Yesuusiyoo wochiꞌi, “Illa tawoo wotta amoochee ukkirittinoon danaꞌa hini mooyinaꞌon ta tuniyaabeeto gaata ittoshich getaache” iye.

Efesooni 5:5

Ebin ariibote: Shunimaayo woyee eeꞌe shuunecho woyee hiriggecho Kiristoosinaa Yeerinochi taatittinee daggooch iristoon daneyaachemmone; hiriggoo shahalloyich goyinnoommone.

1 Pheexiroosi 2:8

wotta, “Asheenaꞌon tephemmi xaqqoon, yexi dichemmi xaqqoon tunehe” getaa bi kooreetoommone. Yeerichi qaaroyich deꞌa geto boonoshi qajjitoyich, tepheeꞌi dihii beetinaꞌone; ebiyoo shiichiꞌi Yeeri boonoshich gabitoommoniye.

Yaaꞌoo 2:14

“Tunebaani neen ta ittibatemmi giisheche mooyo beete: Shahalloyich deejjeya basheeti meenon mamonaa shunee mamona Israꞌeeleenaꞌo Yeerichi gommoochee boonoshi dihemmoyich tuniiya taatoo Balaaqich kocciti Balaamichi doyoon dabbiibeeti ikkikke asheenaꞌo ne daggooch beetinaꞌone.

1 Saameeli 28:6

Biyoo Doono Yeer waan corootiye. Doono Yeeriyoo gumona woyee Uriimoona woyee keemechinaꞌona biich wochemmon qajjiye.