Hiziqeeli 14:22 - Kafa Linguistics Project

²² Tunebaani anaami bushiisheenaꞌonaa maache bushiisheenaꞌonon yaabi deebemminaꞌo murici echemminaꞌone; ittoshi waanoo woyemminaꞌone; ittoshiyoo boonoshi gommonaa boonoshi shuunoonon beeggemmo ittoshine. Yerusaalemi toommooch ta deebeti gonde mooyo bullich goggemmo ittoshine.

Hiziqeeli 14:22 ပူးပေါင်းရင်းမြစ်များ

2 Kiinoo 36:20

Goraadoochee muricciti cureenaꞌon kecciꞌi, Baabloonee showooch daammiye. Faariisee taatoo taatemmi wottoon, biinnaa bi shiijjereenaꞌonoyich guuno tuneꞌi maddee beeheete.

Isiyaasi 24:13

Showee toommeexi aageteenaꞌo bulli toommooch shaggemmo ebiyoommone; zayitee aafo bi mixoochee maceechaa woyee woyinee aafoo bi qomboochee maceechaa arooch giishecho echoommon echemminaꞌone.

Isiyaasi 6:13

Aashire ashoochee ikkoo bi eche gaatoona, geellee mixo woyee meellee mixo kuxaa aalloommon aallemmone; bi xugo yaafeeti yaroon tunemmone” iye.

Erimiyaasi 30:11

Neen wodiyoyich ta neenna tookkii taane, iye Doono Yeeri. Boonoshi daggooch neen ta yookketi aageteenaꞌo bullin aalliyemmo taane; tunebaani neen ciroona aalliyaachemmo taane; tatoona neen sheeremmo taane; neen sheeraanoon besheyaachemmo taane.

Erimiyaasi 4:27

Doono Yeeri ishichiye: “Showoo bulli shokkoon echemmone; tunebaani ciichiree aalliyaachemmo taane.

Erimiyaasi 5:19

Ittoshi asheenaꞌo ‘No Nuggishoo Doono Yeeri amoyich ebi bulli mooyon no toommooch tuniihe’ boonoshi getigaata, newoo boonoshich ‘Taan ittoshi qayoommon, ittoshi showoochaa bara nuggisheenaꞌoyich ittoshi goyinnoommon, ebiyoommon ittoshicho tuneyaani showoochaa bare asheenaꞌoyich hajjeyemmo ittoshine’ itone gettemmo neene” iye.

Hiziqeeli 12:16

Tunebaani boonoshi hammiti aageteenaꞌo daggoochaa ciigiiti boonoshi mooyichon boonoshi shalligemmoyich, boonoshi daggoochee giishecheenaꞌon goraadoochee, shaacoonaa biiyoonoochee quye echiyemmo taane; ebiyooba Doono Yeeri ta tunoon ariyemminaꞌone” iye.

Hiziqeeli 16:54

Ebiyoo yeelloon ne shaaggemmonaa ne tuniito bullich ne yeellemmonoyichiye; Sodoominaa Shamaarina gondoona neenominaꞌo tuno boonoshi qajjitoyich goggemminaꞌone.

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Hiziqeeli 20:43

Aroochaa ittoshi eeꞌeti gomminaꞌonaa ittoshi shuunoo bullinon shalligemmo ittoshine; ittoshi shuuneti gondo bullich ittoshin wochi ciigemmo ittoshine.

Hiziqeeli 31:16

Maash hammii beetinaꞌona tookkii oppooch biin ta dufiyooba, bi dihee qaaroochee tiyitona, aageteenaꞌon qewiito taane; Eden beeti mixinaꞌo bulli, aachi gashooch dicciti mixinaꞌo bulli, phixxaashe Libanoosee mixinaꞌo bulliyoo, bi dihoona dechi showoochaa goggemminaꞌone.

Hiziqeeli 32:31

“Farooninaa bi ginee naayinaꞌona ebin boonoshi beegiyooba, goraadoona qititi dofee boonoshi asheenaꞌoyich goggemminaꞌone, iye Nuggishoo Doono Yeeri.

Hiziqeeli 36:20

Boonoshi hammimmi aageteenaꞌo bulliichaa asheenaꞌo, ‘Eboshi Doono Yeerichi asheenaꞌone; tunebaani bi showoochee kechitinaꞌone’ getona yaafe ta shigoon naakkiiheete.

Hiziqeeli 36:31

Gonde ittoshi gommonaa gaaweyaani ittoshi shuunoonon gabemmo ittoshine; ittoshi xuꞌoonaa ittoshi eeꞌoonoyich ittoshin wochi ciigemmo ittoshine.

Hiziqeeli 7:16

Muriccii woditinaꞌo guudi toommooch beechi bambeexi daabbichoommon boonoshi axaaxoyich shooshemminaꞌone.

Mikiyaasi 5:7

Curo tuneꞌi echeti Israꞌeeleenaꞌo meeti aageteenaꞌo daggooch, dicciibeeti mocee toommooch Doono Yeer waanee kindiibeeti doshoommon (caagibanoommon), kucheebeeti amiyoommon tunemminaꞌone. Boonoshiyoo boonoshi gibenemmo Yeerinalli ashoon toonoone.

Maariqoosi 13:20

Doono ebi are aabeenaꞌon bi qamichaan gaata, koniyoona wodaacheshone; tunebaani bi kaacciti asheenaꞌoyicha iꞌi ebi are aabeenaꞌon qamichitone.

Yibbaatoo 4:31

Ittoshi Nuggishoo Doono Yeeri ariqqechi Nuggishoone. Biyoo ittoshin dufaachemmone; aalliishoo getaachemmone; ittoshi qaabbechinaꞌona tookkii bi giyiti wogoon batteyaachemmone.