Hiziqeeli 14:19 - Kafa Linguistics Project

¹⁹ “Woyee are showooch biiyoon ta deejjaa, ta neboon damoona tookkii ta woniitaa, ashoonaa gijjoonon bi aalliigaata,

Hiziqeeli 14:19 ပူးပေါင်းရင်းမြစ်များ

2 Saameeli 24:13

Gaadi Daawit waan hammiꞌi, Doono Yeeri gettiton biich gettiichii, biin ishichiꞌi echehe: “Keejje nati shaacoo ne showooch giba? Woyee keejje agenee wottoon ne etteenaꞌo neen yoohi dabbi beetaa boonoshi aafoochee woci beeyenne? Woyee keejje qemi wottoon qeqqichiibeeti biiyo ne showoon yexa? Ebi mooyon gaawichi gabiree taach ne getee, taan wocheto waan daambona” iye.

2 Saameeli 24:15

Ebina Doono Yeeri aroobee maaddoochee tiijjiꞌi bi taajjeti aabo shaggimmi wottoon Israꞌeeleenaꞌo toommooch qeqqichiibeeti biiyoon deejjiye. Ebi biiyoona Daanee Beershaab beddaahaa beeti asheenaꞌo daggoochee shabe hume asheenaꞌo ciireheete.

1 Taateenaꞌo 8:37

“Showee toommooch shaacoo woyee qeqqichiibeeti biiyo giyaa, woyee wooqoo, woyee cindoo, woyee gechoo, woyee hipperoo maayoon aalliitaa, woyee boonoshi katemoo aabiichaanona etto boonoshin giichii yeshaa, woyee naxo woyee biiyo amolla boonoshi toommooch waataa,

2 Kiinoo 20:9

‘Gonde mooyo, ebiyoo, gino, woyee naxo, woyee biiyo, woyee shaacoo no toommooch bi waagaata, ne shigo beeti hini yaafee kechi ciinoochaa ne aafooch neexeechi, no iritee daggoochaa ne waan cookemmo noone; newoo no qolloon waayemmo neene; noonoo wodiyemmo neene’ iꞌiniye.

2 Kiinoo 6:28

“Showee toommooch shaacoo woyee qeqqichiibeeti biiyo giyaa, woyee wooqoo, woyee cindoo, woyee gechoo, woyee hipperoo maayoon aalliitaa, woyee boonoshi katemoo aabiichaanona etto boonoshin giichii yeshaa, woyee naxo woyee biiyo amolla boonoshi toommooch waataa,

2 Kiinoo 7:13

“Amiyo dihaachemmoyich shimaayoon ta hicaa, woyee showoon bi yexxemmoyich gechoon ta deejjaa, woyee qeqqichiibeeti biiyoon ta asheenaꞌo toommooch ta deejjaa,

Shoddo 91:3

Biyoo aacheeti shaachoonaa qaaꞌi naxoonoochee neen wodiyemmone.

Shoddo 91:6

Manderoochaa yexxiibeeti naxoyich, aabee qellayooch aalliibeeti gonde mooyoyich, shataachemmo neene.

Isiyaasi 34:3

Boonoshi daggoochee guureetinaꞌo maach duppemminaꞌone; boonoshi dubenee shaaꞌo hooggemmone; guudinaꞌo boonoshi damoon tahemminaꞌone.

Isiyaasi 37:36

Doono Yeerichi maraakoo Asooreenaꞌo kaambooch kechiꞌi, balli shinnaa uuche hume asheenaꞌon wuxiye. Haree maaddoona asho tiyaahaa, eboshi bullichi dubeno qeyiꞌi beehe.

Erimiyaasi 14:12

coomii boonoshi corootitaanona waayeyaachemmo taane; micciibeeti deejjoonaa maayi buuroonon boonoshi giddiiteenolla boonoshi waanee deꞌaachemmo taane; tunebaani goraadoona, shaacoona, biiyoonoo boonoshin aalliyemmo taane” iye.

Erimiyaasi 21:6

Hini katemooch beeti asheenaꞌonaa gijjeenaꞌonon bulla yexxemmo taane; kupphe biiyoona qitemminaꞌone.

Erimiyaasi 21:9

Hini katemooch yagimmo goraadoona, shaacoona, biiyoonoo qitemmone; tunebaani ittoshin giichiti Baabloonee asheenaꞌo waan hammiꞌi kishoon immimmo kashoona beeyemmone; bi kashoonoo wodiyemmone.

Erimiyaasi 24:10

Boonoshinaa boonoshi qaabbechinaꞌonoyich ta immeti showoochee boonoshi aallemmi wottoon boonoshi daggooch goraadoon, shaacoonaa biiyoonon deejjemmo taane” iye.

Hiziqeeli 14:18

Nuggishoo Doono Yeeri ta, beeyecho ta tunoona wogehoye: Ebi keejje asheenaꞌo arooch boonoshi beetaanona boonoshi qelloon baachalli boonoshi anaami woyee maache bushiisheenaꞌon wodiyoon hakkaacheminaꞌone.

Hiziqeeli 14:20

Nuggishoo Doono Yeeri ta, beeyecho ta tunoona wogehoye: Noohi, Daaneelinaa Iyoobina arooch beetaanona, boonoshi cadiqoona boonoshi wodiyemmo boonoshi qelloon baachalli boonoshi anaami woyee maache bushiishoon wodiyoon hakkaachemminaꞌone.

Hiziqeeli 14:21

“Ebich Nuggishoo Doono Yeeri ishichiye: Ashoonaa gijjoonon aroochee aalliyoyich kupphe magge awudde ta naxeenaꞌon, eboshiyoo, ginoon, shaacoon, gonde cooxinaꞌonaa biiyoonon Yerusaalemi toommooch ta deejjiyooba magge mooyo tunemmone.

Hiziqeeli 21:31

Ta kaaroon ne toommooch kindiyemmo taane; ta nebee qaaqqoon ne toommooch aaxxiyemmo taane; aalliyoon ariibeeti mulli manje asheenaꞌochi kishooch neen beshii immemmo taane.

Hiziqeeli 36:18

Showee toommooch damoon boonoshi ukkitonaa shahalloona showoon boonoshi eeꞌiitonoyich ta neboon boonoshi toommooch kindiihoye.

Hiziqeeli 38:22

Biiyoona, bi damoon ukkoonoo bi toommooch nallemmo taane; yattoon, xaqqoommi baderoon, qaaqqoonaa waageroonon, biinnaa bi ginee naayinaꞌonochi, wottoo biinna tookkii beeti meeti asheenaꞌochi toommooch kindiyemmo taane.

Hiziqeeli 5:12

Ittoshiichee keejj beereexi ikkoo ittoshi daggoochaa biiyoona, shaacoonoo ciiremmone; wotta keejj beereexi ikkoo katemoyee maachaa goraadoona dihemmone; bare keejj beereexi ikkoon yongo bulliich shaccemmo taane; goraadoonoo yookkemmo taane.

Hiziqeeli 7:8

And kaateree ta neboon ne toommooch woniyemmo taane; ta kaaroon ne toommooch kindiyemmo taane; ne gommoommona ne toommooch nallemmo taane; ciigiiti ne mooyo bullich neen naxemmo taane.

Amootsi 4:10

“Gibitsee showoon ta yexoommon, biiyoona ittoshi showoon yexxehoye. Ittoshi gurimaasheenaꞌo ginoochaa qitemmoyich, ittoshi haresheenaꞌoo kecaa hammemmoyich tuniihoye. Ittoshi kaamboochaa qititi asheenaꞌochi dubeno ittoshi muddooch bi shaaqqemmoyich tuniihoye. Tunebaani ta waan wotteyaano ittoshine, iye Doono Yeeri.

Haddoo 14:12

Boonoshin kupphe biiyoona yexxemmo taane; boonoshin aalliyemmo taane. Neen boonoshiyee beshe meetinaꞌonaa hakkechinaꞌonoyich nihoo tuniyemmo taane” iye.

Maatiyoosi 24:7

Arooba ikke aageteexi asho bare aageteexi ashoona, ikke showeexi taatoo bare showeexi taatoona koyemmone; baribare xaaꞌoochoo shaacoo giyemmone; showee qewo tunemmone.