Hiziqeeli 14:17 - Kafa Linguistics Project

¹⁷ “Woyee ‘Goraado showoona beshebe’ iyaꞌa are showooch ginoon ta deejjaa, ashoonaa gijjoonon bi aalliigaata,

Hiziqeeli 14:17 ပူးပေါင်းရင်းမြစ်များ

Erimiyaasi 25:9

dambi-waan beeti yoodo bullinaa ta guuno biyoo Baabloonee taatoo Nabukadinatsorinon deejjemmo taane; hini showoonaa arooch beetinaꞌonon, bi guudoona beeti asho bullin boonoshi kochemmoyich deebemmo taane; ciroona boonoshin aalliyemmo taane; wuche boonoshi getteyemmoyich, boonoshi toommooch bi shokkeyemmoyich, bulli aaboochoo boonoshi aallemmonoyich tuniyemmo taane.

Erimiyaasi 33:12

Beshe Mawe Doono Yeeri ishichiye: “Ashaalloon woyee gijjaalloon shokkoon echeti hini xaaꞌoo, bi katemeenaꞌo bulliyoo, boonoshi bageenaꞌon qiddeebeeti, qiddeenaꞌochi beeyi xaaꞌoon tunemminaꞌone.

Erimiyaasi 47:6

“Ittoshiyoo, ‘Hini Doono Yeerichi goraadoocho, ne cikkiyaachemmo aati wottooniye? Ne gonenooch gibe; cikkishoo kashebe’ gettemmo ittoshine.

Erimiyaasi 47:7

Tunebaani Ashiqelooni katemoonaa baharee gashoonon bi kochemmoyich, Doono Yeeri biin ukkiriichaa aabichireeshiye bi kashemmo?” iye.

Hiziqeeli 14:13

“Ashi bushoocho, ikke showee asheenaꞌo taach gibeneyaache ii axaaxoon boonoshi shuunetaa, tawoo ta mochoon boonoshi toommooch tiijjaꞌa boonoshi maayi woretoon ta kuxigaata, shaacoon deebaa ashoonaa gijjoonon ta wuxigaata,

Hiziqeeli 14:18

Nuggishoo Doono Yeeri ta, beeyecho ta tunoona wogehoye: Ebi keejje asheenaꞌo arooch boonoshi beetaanona boonoshi qelloon baachalli boonoshi anaami woyee maache bushiisheenaꞌon wodiyoon hakkaacheminaꞌone.

Hiziqeeli 21:8

Doono Yeeri taach ishichiye:

Hiziqeeli 25:13

Ebich Nuggishoo Doono Yeeri ta ishichiyoye: Ta mochoon Edoomi toommooch yaggemmo taane; bi daggoochee ashoonaa gijjoonon aalliiree, hulloo echiyemmo taane. Temaani katemoochee tiijji Dedaani katemooch beddaahaa goraadoona dihemminaꞌone.

Hiziqeeli 29:8

“ ‘Ebich Nuggishoo Doono Yeeri ishichiye: Goraadoon ittoshi toommooch deebemmo taane; ashoonaa gijjoonon ittoshi daggoochee aalliyemmo taane.

Hiziqeeli 33:2

“Ashi bushoocho, ne asheenaꞌoyich ishichi gete: ‘Showee toommooch goraadoon ta deebiyooba, are showeexi asheenaꞌo boonoshi daggoochee ikkoon deebiꞌi qayechon boonoshi tuniitaa,

Hiziqeeli 5:12

Ittoshiichee keejj beereexi ikkoo ittoshi daggoochaa biiyoona, shaacoonoo ciiremmone; wotta keejj beereexi ikkoo katemoyee maachaa goraadoona dihemmone; bare keejj beereexi ikkoon yongo bulliich shaccemmo taane; goraadoonoo yookkemmo taane.

Hiziqeeli 5:17

Shaacoonaa gonde cooxinaꞌonon ittoshi toommooch deejjemmo taane; ittoshi bushiisheenaꞌon aalliyemminaꞌone; biiyo, ashi damee ukkoo ittoshi showoon yexxemmone; ittoshi toommooch ginoon deebemmo taane; Doono Yeeri ta, ebin getteto taane” iye.

Hosee'i 4:3

Ebich showoo eeppemmone. Arooch beeto bulliyoo mandaachemmone. Kubbi cooxinaꞌo, shimaajji kafeenaꞌo, bahareexi haasheenaꞌooch beddaahaa ciiremminaꞌone.

Leweenaꞌo 26:25

Ta wogoon ittoshi happitoyich, ginoon ittoshi toommooch deejjiree nichoon kichemmo taane. Ittoshi qelloon wodiyoyich ittoshi katemeenaꞌooch ittoshi kiceetaanona, kupphe biiyoon ittoshi daggooch giijjemmo taane; ittoshi etteenaꞌo kishooch beshiitaa ichemmo ittoshine.

Sofoniyaasi 1:3

Ashoonaa cooxonon, bahareexi haashoonaa shimaajji gacoonon showee toommoochee hidi aalliyemmo taane; gonde asheenaꞌon dichemmo taane; ashi yaroon showee toommoochee hidi aalliyemmo taane. Ebin gettaabeeto Doono Yeeri taane.