Hiziqeeli 14:14 - Kafa Linguistics Project

¹⁴ ebi keejje asheenaꞌo Noohi, Daaneelinaa Iyoobina arooch boonoshi beetaanona, boonoshi cadiqittinoona boonoshi wodiyemmo boonoshi qelloon baachiye; ebin getteto Nuggishoo Doono Yeeri taane.

Hiziqeeli 14:14 ပူးပေါင်းရင်းမြစ်များ

Halloo 6:8

Tunebaani Noohi Doono Yeeri aafooch gidoon danehe.

Halloo 7:1

Doono Yeeri Noohich ishichiye: “Hini shiijjeree daggoochee ne ikkeeto baach ta aafooch cadiqe asho tunaꞌa daneto neene. Ebich ne kechi asheenaꞌo bullin yeshi markabooch gibe.

1 Kiinoo 1:4

Lameeki Noohin shiyihe; Noohi Sheemi, Kaaminaa Yafeetinon shiyihe.

Iyoobi 1:1

Uutsee showooch Iyoobi getteebeeti ikke uro beehe. Biyoo ikke oonaalli kaamoo, Doono Yeerin shattiibeeto, gonde mooyoocheenoo wokkiti uroone.

Iyoobi 1:5

Gifiroo ciiretoyee gubb, Iyoobi maaddoona tiyii boonoshi ikkikkoochi haddoona micciibeeti deejjoon giddiiꞌi boonoshin yaafii beehe. Ebin bi tuniibeeto, “Diqq ta bushiisheenaꞌo axaaxoon shuune beeyemminaꞌone; boonoshi mulloonoo Doono Yeerin naagi beeyemminaꞌone” iꞌi bi gabii beetoyichiye. Biyoo ebin kuxaanoon tunii beehe.

Shaahiyoo 11:4

Yeeri kaarehooba gaanno gaacaalloone; tunebaani cadiqo qitoochee wodiihe.

Erimiyaasi 11:14

“Newoo ebi asheenaꞌoyich corootiyaahine; boonoshi iritooba ta waan boonoshi corootigaata, waayeyaachemmo ta tunetoyich, boonoshi naboyich cookiyaahine, corootishoo gettaahine.

Erimiyaasi 15:1

Aroochee Doono Yeeri taach ishichiye: “Muusinaa Saameelina ta aafooch neexetaanona ta mullo hini asheenaꞌo waan wotteyaachemmone. Ta aafoochee daachiibe; hambeete.

Erimiyaasi 7:16

“Erimiyaaso, boonoshich ne corootiibeeti corootoon waayeyaachemmo ta tunetoyich, hini asheenaꞌoyich ta waan corootiyaahine; ne qaaroon oogichi cookiree boonoshich qolleyaahine; boonoshin shoobba giyaahine.

Hiziqeeli 14:16

Nuggishoo Doono Yeeri ta, beeyecho ta tunoona wogehoye: Ebi keejje asheenaꞌo arooch boonoshi beetaanona boonoshi qelloon baachalli boonoshi anaami woyee maache bushiisheenaꞌon wodiyoon hakkaachemminaꞌone; tunebaani showoo shokkoon echemmone.

Hiziqeeli 14:18

Nuggishoo Doono Yeeri ta, beeyecho ta tunoona wogehoye: Ebi keejje asheenaꞌo arooch boonoshi beetaanona boonoshi qelloon baachalli boonoshi anaami woyee maache bushiisheenaꞌon wodiyoon hakkaacheminaꞌone.

Hiziqeeli 14:20

Nuggishoo Doono Yeeri ta, beeyecho ta tunoona wogehoye: Noohi, Daaneelinaa Iyoobina arooch beetaanona, boonoshi cadiqoona boonoshi wodiyemmo boonoshi qelloon baachalli boonoshi anaami woyee maache bushiishoon wodiyoon hakkaachemminaꞌone.

Hiziqeeli 16:18

Shashe ne tahoon daammaꞌa boonoshich tajjihine; ta zayitoonaa ta ixaanoonon daammaꞌa boonoshich deejjoo giddiihine.

Hiziqeeli 16:20

“ ‘Taach ne shiyeti anaami bushiisheenaꞌonaa maache bushiisheenaꞌonon, maayo boonoshi tunemmoyich, boonoshich deejjihine. Ebi ne yahiti yahoo kette mooyone?

Hiziqeeli 18:20

Axaaxoon shuuneto aroo qitemmone; bushoo bi nihoochi axaaxoyich naxeyaachemmone; nihoo bi bushoochi axaaxoyich naxeyaachemmone; cadiqo bi cadiqittinee gaacoon danemmone; axaaxechoo bi axaaxoyich naxeyemmone.

Hiziqeeli 28:3

Daaneeliyee beshi ariyecho neene? Neech aacheeti mooyo amolla aalloone getone?

Hiziqeeli 3:19

Tunebaani gonde ashoon ne meeqqeqqiichaa bi axaaxoochee woyee bi gondee gommoochee wotto bi qayigaata, biyoo bi axaaxoona qitemmone; tunebaani ne, ne kashoon wodiyemmo neene.

Daaneeli 1:6

Ebi kaachetinaꞌo daggooch Yihudi yoodoochee tuneti Daaneeli, Hanaaniyi, Mishaꞌeelinaa Azariyaasina beetinaꞌone.

Daaneeli 10:11

Biyoo taach ishichiye: “Oogeton shucheti Daaneelo, tiyi kaama neexeree, neech ta gettemmon manjiiree waayebe; tawoo neech getta wochetaa waato taane” iye. Ishin bi gettii beetaa, tawoo qewaabee tiyaa neexeho.

Daaneeli 9:21

corootii ta beetaa, yaaꞌoona shiichaꞌa ta beeggeti, Gabreeli, womikkee deejjoo giddeebeeti saatooch afaafinee yoobbiibee ta waan waahe.

Daaneeli 9:23

Ne, oogeton shucheto ne tunetoyich, corootooch ne giyiyooba, Yeeri ne qolloon waayetone; tawoo ebin neech getta waato taane. Ebich ebi mooyon gabibe; yaaꞌoonoo shalligibe!

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.

2 Pheexiroosi 2:9

Doono Yeeri biin oogii beetinaꞌon boonoshi toommooch shaggiti iritoochee aabichiree bi wodiyemmo gaata, axaaxechinaꞌon, beshoon wotta eeꞌiibeeti meechi qaatoon ceechii beetinaꞌonaa boonoshiyee damba beeton qallayii beetinaꞌonon naxeree nallee aabooch beddaahaa aabichi bi quyemmo gaata arii beetone. Hini are koote dojjechinaꞌo aaf kuppheenaꞌonaa geecechinaꞌona tuneꞌi damba shimaayooch beeti oogee yiirechinaꞌon boonoshi naaggii beegaata, yeelleyaacheete.