Hiziqeeli 14:13 - Kafa Linguistics Project

¹³ “Ashi bushoocho, ikke showee asheenaꞌo taach gibeneyaache ii axaaxoon boonoshi shuunetaa, tawoo ta mochoon boonoshi toommooch tiijjaꞌa boonoshi maayi woretoon ta kuxigaata, shaacoon deebaa ashoonaa gijjoonon ta wuxigaata,

Hiziqeeli 14:13 ပူးပေါင်းရင်းမြစ်များ

Halloo 6:7

Ebich Doono Yeeri “Ta halliti ashoochee tiijji, gijjeenaꞌonaa cooxinaꞌonooch beddaahaa, yuummere halleenaꞌooch beddaahaa, shimaayoona yoobbiibeeti yoobbereenaꞌooch beddaahaanoo, showee toommo bulliichee ciroona boonoshin hidi aalliyemmo taane. Boonoshin ta hallitoyich ayinito taane” iye.

Iziri 9:6

ishichaꞌa corootiyo: “Ta Nuggishoocho, no axaaxoo no qelloyee damboo tunetone; no xuꞌo shimaayooch beddaahaa shaggitone. Ta Nuggishoocho, ne aafooch kaama ciinon yeellehoye; ceellaanoo iyoye.

Isiyaasi 24:20

Showoo masheti ashichoommon dadeddemmone; yongo shuurikkiibeeti bashoon (yambaaroon) shaahemmone; bi axaaxoo biin maggetaa, dihemmone; wochinnoon tiyaachemmone.

Isiyaasi 3:1

Ebiyoche, Doono, Beshe Mawe Doono Yeeri, asheenaꞌochi degoonaa gaachoonon, maayi dego bullinaa aachi dego bullinon Yerusaaleminaa Yihudinoochee aalliyemmone.

Erimiyaasi 32:43

Ittoshiyoo ‘Ashaalli, gijjaalli shokkoone; Baabloonee asheenaꞌo kishooch ichetone’ ittoshi ii beeti hini showoochee goyee budo kechemmone.

Erimiyaasi 36:29

Yihudee taatoo Yoyaqiimichoo ishichibe: Doono Yeeri ishichiye: ‘ “Baabloonee taatoo iberoochaa woyemmone; hini showoon, aroochoo beeti ashoonaa gijjoonon aalliyemmone” iyaꞌa ne koorito amoyichiye?’ getona qoddeti macaafoon michito neene.

Erimiyaasi 52:6

Aroobee natooba, awuddinnee agenee yiixiyinnee qemooba, shaacoo katemooch bi kupphetoyich, are katemee asheenaꞌo maayemmi maayo amolla aallehe.

Erimiyaasi 7:20

Ebich Nuggishoo Doono Yeeri ishichiye: Ebiyoche ta kaaroonaa ta neboona hini xaaꞌooch, ashoonaa kubbeexi cooxonochi toommooch, mixinaꞌonaa showee toommeexi maayi aafeenaꞌonochi toommooch wonemmone; aaxxemmone; tahishoo getaachemmone” iye.

Shoosho 1:20

“Doono Yeero, ebi shaahoon ta xuuxoon ciine; ta mullo tiishetone; ta maacoo qewetone; ebiyoo oogichii hukkoon ta shuunetoyichiye; gaddoochaa goraado guuriye; kechi daggoochaanoo qitoo tunehe.

Shoosho 1:8

Yerusaalemi ooge axaaxoon shuunetine; ebich eeꞌetine. Shokkaachee bi tunoon boonoshi beeggitoyich, biin oogii beetinaꞌo bulli hoxeheete; biyoo gaashillahan; qillifoon dichiyan.

Hiziqeeli 14:12

Doono Yeeri taach ishichiye:

Hiziqeeli 14:17

“Woyee ‘Goraado showoona beshebe’ iyaꞌa are showooch ginoon ta deejjaa, ashoonaa gijjoonon bi aalliigaata,

Hiziqeeli 14:19

“Woyee are showooch biiyoon ta deejjaa, ta neboon damoona tookkii ta woniitaa, ashoonaa gijjoonon bi aalliigaata,

Hiziqeeli 14:21

“Ebich Nuggishoo Doono Yeeri ishichiye: Ashoonaa gijjoonon aroochee aalliyoyich kupphe magge awudde ta naxeenaꞌon, eboshiyoo, ginoon, shaacoon, gonde cooxinaꞌonaa biiyoonon Yerusaalemi toommooch ta deejjiyooba magge mooyo tunemmone.

Hiziqeeli 15:8

Gibeneyaaneenaꞌo boonoshi tunetoyich, showoon shokko echiyemmo taane” iye Nuggishoo Doono Yeeri.

Hiziqeeli 20:27

“Ebich, ashi bushoocho, Israꞌeelee macceenaꞌoyich ishichibe: Nuggishoo Doono Yeeri ishichiye: ‘Ittoshi qaabbechinaꞌo taan qayona taan giishiiheete.

Hiziqeeli 25:13

Ebich Nuggishoo Doono Yeeri ta ishichiyoye: Ta mochoon Edoomi toommooch yaggemmo taane; bi daggoochee ashoonaa gijjoonon aalliiree, hulloo echiyemmo taane. Temaani katemoochee tiijji Dedaani katemooch beddaahaa goraadoona dihemminaꞌone.

Hiziqeeli 4:16

Daakkiꞌinoo taach ishichiye: “Ashi bushoocho, Yerusaalemichi maayi woretoon kuxxemmo taane; asheenaꞌoo koshon machoona qocaa shatona maayemminaꞌone; aaconoo qeelletaa xuuxoona uchemminaꞌone.

Hiziqeeli 5:16

Wuxii aalliyechi shaacee shangoon ittoshi toommooch deejjiree, ittoshin aalliyemmo taane; shaacoon ittoshi toommooch wochi wochi deebemmo taane; ittoshi maayi woretoon kuxxemmo taane.

Hiziqeeli 6:14

Ta mochoon boonoshi toommooch tiijjiree boonoshi beeyi xaaꞌoon barahoochee tiijji Ribila beddaahaa showoon shokko echiyemmo taane; ebina boonoshiyoo Doono Yeeri ta tunoon ariyemminaꞌone” iye.

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.

Daaneeli 9:5

No, axaaxoon shuuneto noone; xumme mooyon shuuneto noone; gonde mooyon tuniito noone; hukkoonoo shuuneto noone; ne getoonaa ne doyoonoochee gubb wotteto noone.

Leweenaꞌo 26:26

Maayoon ittoshi danemmi gommon ta kuxxetoyee gubb, aashire genneenaꞌo ikke midaadooch koshon kachiyemminaꞌone. Ebi aroon ittoshich tiishi boonoshi qoodaa maayemmo ittoshine; tunebaani miyaachemmo ittoshine.