Hiziqeeli 13:23 - Kafa Linguistics Project

²³ Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.

Hiziqeeli 13:23 ပူးပေါင်းရင်းမြစ်များ

Erimiyaasi 23:14

Yerusaalemi katemeexi keemechinaꞌo waaneenoo ciigiiti mooyon beeggeto taane: Shunoon maaheete; kootoon yibbaateheete; koniyoona bi gondoochee wotteyaachemmoyich, gondoon shuunee beetinaꞌon kupphiiheete; boonoshi bulliyona taach Sodoomiyoomminaꞌone; Yerusaalemi asheenaꞌoo Gomooriyoomminaꞌone.

Hiziqeeli 12:24

Ebiyoo, ebiyee bekk Israꞌeelee asheenaꞌo daggooch koote yaaꞌoo woyee muriciyechi qaaxo daneyaachemmo bi tunetoyichiye.

Hiziqeeli 13:21

Qelli kaafoonoo keexi shootiree ta asheenaꞌon aroochee wodiyemmo taane; ebiyee bekk ittoshi kishooch dihaachemminaꞌone; ebiyooba Doono Yeeri ta tunoon ariyemmo ittoshine.

Hiziqeeli 14:8

Are uro toommooch ta aafoon maggiyemmo taane; cooqqireyechonaa sheeree malletoonon biin tuniyemmo taane; ta asheenaꞌo daggoochee biin waaxxemmo taane. Aroochee Doono Yeeri ta tunoon ariyemmo ittoshine.

Hiziqeeli 15:7

Ta aafoon boonoshi toommooch maggiyemmo taane; qaaqqoochee boonoshi muriccitaa, qaaqqoo boonoshin maayemmone. Ta aafoon boonoshi toommooch ta maggiihooba, Doono Yeeri ta tunoon ariyemmo ittoshine.

Hiziqeeli 34:10

Nuggishoo Doono Yeeri ta ishichiyoye: Ebiyoche ta qiddeenaꞌo toommooch tiyeto taane. Ta bageenaꞌon boonoshi kishoochee qaawemmo taane; wochinnoon boonoshi shiimemmoyich tuniyaachemmo taane; qiddeenaꞌo boonoshi qelloon wochi boonoshi shiimeyaachemmoyich tuniyemmo taane; boonoshich maayoon boonoshi tuneyaachemmoyich, ta bageenaꞌon boonoshi kookkoochee wodiyemmo taane.

Mikiyaasi 3:6

Ebich, yaaꞌoo boonoshich bekkeyaachemmi xumo, mooyo boonoshich gaxxeyaachemmi manderoo woyemmone. Ebi keemechinaꞌoyich aabo giyemmone; showoo shitirippimi manderemmone” iye.

Zakaariyaasi 13:3

Koniyoona keemoon bi keemigaata, bi indeenaa bi nihoona, ‘Doono Yeerichi shigoona kootoon keemmeto neene; ebich qitemmo neene’ gettemminaꞌone. Keemoon bi keemi gaatoo, biin shiyiti bi nihoonaa bi indeena biin kochemminaꞌone.

Maatiyoosi 24:24

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee worganikkiti malletoonaa gaakkechi shuunoonon shuunemminaꞌone.

Maariqoosi 13:22

‘Taane Kiristoosi’, wotta ‘Taane keemecho’ getibee muriciyemminaꞌo tiyemminaꞌone. Boonoshiyoo ‘Nooch bi hakkeegaata Yeeri kaaccitinaꞌon muriciibone’ getibee malletoonaa gaakkechi shuunoonon shuunemminaꞌone.

1 Qorontoosi 11:19

Ittoshi daggooch gajjiteyoo tiyiibeeto, ittoshi daggoochee ibere moochechi kittinneenaꞌo bekkemmoyichiye.

Yibbaatoo 18:20

Tunebaani bi gettemmoyich biich ta getaani mooyon aafoon kuppheꞌi ta shigoona keemmiibeeti keemechon woyee bare nuggisheenaꞌochi shigoona keemmii beeton wuxibote’ itone.

2 Ximootiyoosi 3:9

Tunebaani Yaaneesinaa Yambareesinochi mullee mucco xalla bi arichoommon hinoshichoo wotta bullich xalla bekkemmo bi tunetoyich, boonoshich kaameyaachemmone.

Yihudi 1:24

Giinnii dihoochee ittoshin quyebee, bachaallo tuniiree bi oogee yiiree aafooch oogeti emiroona ittoshin neechoon hakkiibeeti,

Yaaꞌoo 12:11

Boonoshiyoo deejjeeti Bagoochi damoonaa boonoshi miixeti Yeerichi qaaree naboona biin kochii wochiyeete; qitooch beddaahaanona boonoshi kashoon aaxxiyaaneenaꞌone.

Yaaꞌoo 12:9

Alemooch beeti asheenaꞌo bullin muricciibeeti daabiloosi woyee Sheexaanoo getteeti ooge dareboo, biyoo wonnee dingero, showee toommooch duppehe; bi hilleexi maraakkeenaꞌoo biinna tookkii duppeheete.

Yaaꞌoo 13:5

Geecee mooyonaa naagee qaaroonon bi gettemmi noonoo cooxoyich ichehe; aabbaa gutte agenoon hakkecho tuneree bi shuunemmoyich biich daaggeehe.

Yaaꞌoo 13:8

Showoonaa shimaayoona halleyaan beetaa guureeti Bagoochi kashee macaafooch boonoshi shigo kooreyaani, showee toommooch beeti asheenaꞌo bulli biich goyinnemminaꞌone.

Yaaꞌoo 15:2

Arooba qaaqqoona bacceeti burciqee baharoon shaahii beeton beeggeho; wotta cooxonaa ebi are cooxon shaahiitaa shuuneetonon, bi shigee haddoonoo kochii wochitinaꞌo Yeer waanee boonoshi deqqiti ooge ximboon yechiꞌi burciqee baharee toommooch boonoshi neexee beetaa beeggeho.