Hiziqeeli 13:14 - Kafa Linguistics Project

¹⁴ Booroona ittoshi dikketi xaqqee kecoon happemmo taane; bi heco bekkemmooch beddaahaa dichemmo taane; bi dihiyooba, ittoshiyoo bi daggoochaa aallemmo ittoshine; aroochee Doono Yeeri ta tunoon ariyemmo ittoshine.

Hiziqeeli 13:14 ပူးပေါင်းရင်းမြစ်များ

Shoddo 11:3

Dechi heco shekireechaa, cadiqo amoon tuniyoo hakkehe?” iyote.

Dojjecho 3:3

wuxoyich gooroo beete; wodiyoyich gooroo beete; happoyich gooroo beete; hagoyich gooroo beete;

Isiyaasi 28:17

Nalloon qeellee woderoo, cadiqoonoo tumbin tuniyemmo taane; ‘Noon shoobi wodiyemmone’ iꞌi ittoshi gibeneebeeti kootoon baderoo hidemmone; ittoshi aashee xaaꞌoon aaco qooxxemmone” iye.

Isiyaasi 30:13

ebi xuꞌo ittoshich, gaaheꞌi diha bedditi, diqqoona kaateꞌi dihiibeeti genje xaqqee uxeroommon tunemmone.

Erimiyaasi 14:15

Ebich Doono Yeeri ta, ‘Hini showooch goraadoonaa shaacoona waataachemmone’ iꞌi, ta wocheyaanoon ta shigoona keemoon keemiibeeti keemechinaꞌochon ishichiyoye: Ebi keemechinaꞌo goraadoonaa shaacoona qitemminaꞌone.

Erimiyaasi 23:15

“Ebich Beshe Mawe Doono Yeeri ta, ebi keemechinaꞌochon ta gettaabeeto ishichiiniye: ‘Eeꞌe mooyo, Yerusaalemi katemeexi keemechinaꞌo waanee kechiꞌi showoo bulliich bi taatetoyich, caame maayoon boonoshich maanjemmo taane; xuppattee aacon boonoshich uchemmo taane’ ” iye.

Erimiyaasi 6:15

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone; ebich bareenaꞌo dihoommon dihemminaꞌone; boonoshin ta naxehooba qiti aallemminaꞌone” iye Doono Yeeri.

Erimiyaasi 8:12

Ciigiiti mooyon boonoshi tuniitoyich yeelleteete? Ciroona yeelleyaaneenaꞌone; yeello amo gaatoona ariyaaneenaꞌone. Ebich bareenaꞌo dihoommon dihemminaꞌone; boonoshin ta naxehooboo qiti aallemminaꞌone” iye Doono Yeeri.

Hiziqeeli 13:15

Xaqqee kecoonaa arooch booroon dikketi asheenaꞌonochi toommooch ta neboon kindiichi, “Xaqqee keco tuneba, aree toommooch booroon dikketinaꞌo aalletinaꞌone” gettemmo taane.

Hiziqeeli 13:21

Qelli kaafoonoo keexi shootiree ta asheenaꞌon aroochee wodiyemmo taane; ebiyee bekk ittoshi kishooch dihaachemminaꞌone; ebiyooba Doono Yeeri ta tunoon ariyemmo ittoshine.

Hiziqeeli 13:23

Ebiyee bekk koote yaaꞌoon beegaachemmo ittoshine; qaaxoonoo qaaxeyaachemmo ittoshine; ta asheenaꞌon ittoshi kishoochee wodiyemmo taane; ebiyooba Doono Yeeri ta tunoon ariyemmo ittoshine, itone’ gete” iye.

Hiziqeeli 13:9

Ta kishoo duube yaaꞌoon beeggii beetinaꞌonaa kootoon qaaxee beetinaꞌonochi toommooch tiyemmone; boonoshi ta asheenaꞌochi iitee daggooch daneyaachemminaꞌone; Israꞌeelee yaree macaafooch kooreyaachemminaꞌone; Israꞌeelee showoochoo giyaachemminaꞌone; ebinoo Nuggishoo Doono Yeeri ta tunoon ariyemmo ittoshine.

Hiziqeeli 14:8

Are uro toommooch ta aafoon maggiyemmo taane; cooqqireyechonaa sheeree malletoonon biin tuniyemmo taane; ta asheenaꞌo daggoochee biin waaxxemmo taane. Aroochee Doono Yeeri ta tunoon ariyemmo ittoshine.

Mikiyaasi 1:6

Ebich Doono Yeeri ishichiye: “Shamaarin xalle gaddooch beeti xaqqee gutoon tuniyemmo taane; woyino becheebeeti xaaꞌoon tunemmone. Bi xaqqeenaꞌon bambooch gederikkemmo taane; dechi bi hecoonoo happemmo taane.

Imbaaqoomi 3:13

Ne asheenaꞌon wodiyoyich, ne huutteton wodiyoyich, kechehine. Gonde ashi kexon guummoochaa happihine; gaxxaꞌa bi godoon xalla bekkiihine.

Luqaasi 6:49

Wotta hini ta qaaroon waayeꞌi ceechaano, oppoon genjiiꞌi iiyaanoon, cikkii toommooch bi kexon haggiti uroommone. Ambamboo waahooba, aaco are kexon bi xuqqimmona, bekkech are kexo gugummii dihiye” iye.