Hiziqeeli 13:10 - Kafa Linguistics Project

¹⁰ “ ‘Ebi keemechinaꞌo diggoo aalloon diggoone iibee ta asheenaꞌon muriciiheete; ta asheenaꞌo xaqqoon kecimmona boonoshi arooch booroon dikkeheete;

Hiziqeeli 13:10 ပူးပေါင်းရင်းမြစ်များ

2 Taateenaꞌo 21:9

Asheenaꞌoo Doono Yeerichi getoon waayeyaaneenaꞌone. Doono Yeeri Israꞌeeleenaꞌo aafoochee yookkii bi aalliiti aageteenaꞌo shuunetoyee beshe wodde gonde mooyon boonoshi shuunemmoyich, Minaasi boonoshin muriciihe.

2 Kiinoo 18:12

Mikiyaasin ceegga hammiti wocheyecho biich, “Keemechinaꞌo bulli qaaroon ikkochiꞌi, taatoyich gaaweton keemmii beetinaꞌone. Ne qaaroo boonoshi qaaroona tookki ikkoo bi tunemmoyich, gaaweton ne gettemmoyich, neen qollehoye” iye.

Shaahiyoo 12:26

Cadiqo bi nuuchoyich gaawe gommon bekkiihe; tunebaani gondeenaꞌochi gommo, gondooch boonoshin daammiye.

Isiyaasi 30:10

Boonoshiyoo yaaꞌee beeggechinaꞌon “Yaaꞌoon beeggaahote” iyeete; keemechinaꞌonoo “Ibere mooyon nooch keemmaahote; kootolla bi tunetaa, noon emirikkiibeeti mooyon baach nooch getote.

Isiyaasi 57:21

Gondeenaꞌoyich diggoo aalloone” iye ta Nuggishoo Yeeri.

Erimiyaasi 14:13

Aroochee tawoo ishichiyo “Nuggishoo Doono Yeero, keemechinaꞌo ‘Iberoochaa hini xaaꞌoochaa ittoshich ta immemmo diggoonalli goraadoon beegaachemmo ittoshine; shaacoo ittoshin yeshaachemmone’ itinaꞌone” iyo.

Erimiyaasi 23:17

Doono Yeeri ta qaaroon hoxee beetinaꞌoyich wochii wochiꞌi ‘Ittoshich diggoo tunemmone’ iyeete; babbereꞌi boonoshi hajjee gaboo waan wottee beetinaꞌo bullich ‘Gonde mooyo ittoshi toommooch shagaachemmone’ iyeete” iye.

Erimiyaasi 23:32

“Koote gumon gummii maacciibee keemmiibeeti, aafee kupphoona kootoon keemmiibee ta asheenaꞌon muricooch yaabiibeeti keemechinaꞌo toommooch tiyeto taane” iye Doono Yeeri. “Boonoshin wocheyaano taane; boonoshin ukkiriyaano taane; ebi asheenaꞌoyich boonoshi gaaccemmo amolla aalloone” iye Doono Yeeri.

Erimiyaasi 28:9

Tunebaani diggeechon keemmiti keemecho, Doono Yeeri iberoo biin deejjito tuno bi arichemmo, bi keemmiti qaaro bi ceeniyoobaniye” iyo.

Erimiyaasi 4:10

Tawoo “Nuggishoo Doono Yeero, goraado boonoshi hawooch qojjeechaa, ‘Ittoshich diggoo tunemmone’ iyaꞌa hini ashoonaa Yerusaaleminon amoyich oogichii dawushinne?” iyo.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Erimiyaasi 50:6

“Ta asho aalleti bagoommon tunetone; boonoshi qiddeenaꞌo boonoshin muriciitinaꞌone; guudinaꞌo toommooch boonoshi yallyallimmemmoyich tuniiheete. Guudinaꞌoochee geppeenaꞌooch hammiyeete; boonoshi dogoonoo batteheete.

Erimiyaasi 6:14

Ta asheenaꞌochi mayon kettii ciiniyeetalli bi wodemmoyich tuniyaaneenaꞌone; diggoo aalloon ‘Diggoo, diggoone’ iyeete.

Erimiyaasi 8:11

Ta asheenaꞌochi tiishoon kettii ciinniyeetalli bi wodemmoyich tuniyaaneenaꞌone; diggoo aalloon ‘Diggoo, diggoone’ iyeete.

Erimiyaasi 8:15

Diggoon gibeno geddehone; tunebaani gaawe mooyo daneyaanoone; wodee aaboon gibeno geddehone; ebiyoche keqqoo tunehe.

Hiziqeeli 13:16

Boonoshiyoo Yerusaalemichon keemoon keemmiti, diggoo aalloon diggee yaaꞌoon beeggiti Israꞌeelee keemechinaꞌone, iye Nuggishoo Doono Yeeri’ gete” iye.

Hiziqeeli 22:28

Bi keemechinaꞌo dufooch booroon huutoommon huuttiibee eboshichi axaaxoon qeriyeete. Koote yaaꞌoon beeggiyeete; kootoon boonoshich kaayiyeete; Doono Yeeri ta boonoshich getaanoon ‘Ebi Nuggishoo Doono Yeerichi qaaroone’ iyeete.

Hiziqeeli 7:25

Xuuxo shagiyooba diggoon qaawemminaꞌone; tunebaani daneyaachemmone.

Hosee'i 9:7

Sheeree aabo waatone; nichoo kichee aaboo shaggitone. Israꞌeeleenaꞌo ebin ariibeete. Ittoshi axaaxoo woddetoyich, taanoo ittoshi shixxitoyich, keemecho tuushoo, ayaanechi ashoo geyecho tuniitaa ciichetone.

Mikiyaasi 2:11

“Kootoonaa dachechona tuneti asho waaꞌi, ‘Woyinoonaa mashiibeeti uyoona showoochee ittoshich xuupphemmone’ iꞌi bi keemigaata, hini asheenaꞌo shunniibeeti keemecho tunemmo biine.

Milikiyaasi 3:15

Illa and, geecechinaꞌo diireetinaꞌone; gonde shuunechinaꞌoyich mooyo kaamee beetone; Doono Yeerin phiree beetinaꞌo muriccii beetinaꞌone’ ito ittoshine” iye.

1 Tasaloonqi 5:3

Asheenaꞌo “Diggoone, wodoone” boonoshi ii beetaa, yeqqefechi maacheen maaxoo mamoommon arooba aallo diqqoona boonoshi toommooch shaggemmone; ciroona muriccii wodoon hakkaachemminaꞌone.

1 Ximootiyoosi 4:1

Yaafe Ayaano “Gubbi yemeenooch ikkikkeenaꞌo, ashoon muriciibeeti ayaaneenaꞌochi getoonaa yinneenaꞌochi doyoonon dabbibee, Kiristoosichi toommeexi mullee tooꞌiyoon qajjemminaꞌone” iꞌi xallayii gettitone.

2 Ximootiyoosi 3:13

Tunebaani gondeenaꞌonaa dawushechinaꞌona boonoshi qelloona dawusheebee, ashoonoo dawushibee, gonde mooyona beshi beshiree hammemminaꞌone.

1 Yowannisi 2:26

Ittoshin muriciiya qaawiibeeti asheenaꞌochon ittoshich koorito taane.

Yaaꞌoo 2:20

“Tunebaani neen ta ittibatemmi mooyo beetone: Ebiyoo ta guuninaꞌoyich shunee mamonaa shahalloyich deejjeya basheeti meenon mamonon dojjaa beetinaa muriccii beetina, ‘Keemechi taane’ ii beeti ure Elizabeelin cikkii qajjeto neene.