Hiziqeeli 12:28 - Kafa Linguistics Project

²⁸ Ebich boonoshich ishichibe: ‘Nuggishoo Doono Yeeri ishichiye: “Ta qaaro ceennemmone; ebiyee bekk ta qaaroochee yagemmo amolla aalloone” iye Nuggishoo Doono Yeeri’ gete” iye.

Hiziqeeli 12:28 ပူးပေါင်းရင်းမြစ်များ

Erimiyaasi 1:11

Doono Yeeri, “Erimiyaaso, amooniye ne ciinnaabeeto?” iye. Tawoo “Luuzee gumbooniye ta ciinnaabeeto” iyo.

Erimiyaasi 1:12

Aroochee Doono Yeeri taach ishichiye: “Manjii ciinneto neene; tawoo ta qaaroon ceechiya kupphiyaa ciinnaabeeto taane” iye.

Erimiyaasi 1:13

Doono Yeeri wochinnoon taach, “Amooniye ne ciinnaabeeto?” iye. Tawoo “Qondooch gufiibeeti mooyoniye ta ciinnaabeeto; ebiyoo dambi-waanee hach wottee gaꞌetone” iyo.

Erimiyaasi 4:7

Daaheroo dunne shaaroochee kechitone; aageteenaꞌon aalliyemmo tiyitone; Yihudee showoon shokko echiyoyich bi xaaꞌoochee kechitone; ne katemeenaꞌoo tiisheree ashaalleenaꞌo tunemminaꞌone.

Erimiyaasi 44:28

Goraadoochee muriciree Yihudee showooch wottemminaꞌo giishecheenaꞌone; arooch kotoyich Gibits giyiti Yihudee cureenaꞌo ta qaaroonaa boonoshi qaaroonoochee konicho ceennemmo gaata ariyemminaꞌone.

Hiziqeeli 12:27

“Ashi bushoocho, ebiyoche Israꞌeelee macceenaꞌo ‘Ebi bi beeggiibeeti yaaꞌoo batt meeti yemeeneechone; bi keemmii beetoo wohi yemeeneechoniye’ ii beetinaꞌone.

Hiziqeeli 13:1

Doono Yeeri taach ishichiye:

Hiziqeeli 7:13

Bullin ciinnii beetona getteeti yaaꞌoo gubb kishoo hakkaachemmo bi tunetoyich, kemmitoonaa kemetona kashoona beeree kemmito bi kemmiton wochiyoon hakkaachemmone; xuꞌechi asho bi kashoon wodiyoo hakkaache.

Hiziqeeli 7:7

Hini showooch beetinaꞌote, ittoshi aallee aabo shaggitone; aabo shaggitone; deco katinnitone; ebiyoo dullee aaboani guudi toommoochaa ilileecho toonoone.

Yaaꞌoo 3:3

Illa waayaa ne ariiti mooyinaꞌon gabibe; ebi are mooyinaꞌonoo quyebe; axaaxee gommoochee Yeer waan wottebe. Qaalloo ne qayigaata, diqqoona ne beetaa gaayo womoommon, neech woyemmo taane; amee saatooch ta woyemmo gaata ariyaano neene.