Hiziqeeli 12:16 - Kafa Linguistics Project

¹⁶ Tunebaani boonoshi hammiti aageteenaꞌo daggoochaa ciigiiti boonoshi mooyichon boonoshi shalligemmoyich, boonoshi daggoochee giishecheenaꞌon goraadoochee, shaacoonaa biiyoonoochee quye echiyemmo taane; ebiyooba Doono Yeeri ta tunoon ariyemminaꞌone” iye.

Hiziqeeli 12:16 ပူးပေါင်းရင်းမြစ်များ

Halloo 13:16

Ne shiijjereenaꞌonoo showee toommeexi qacoochoommon meechemmo taane. Koniyoona showee toommeexi qacoon haddii ciichoon hakkaanoone. Ebiyoommon ne shiijjereenaꞌo haddaa ciyaaneenaꞌo tunemminaꞌone.

Shoddo 59:12

Boonoshi nooneexi axaaxoyich, boonoshi eciyeexi yibbaatoyich, boonoshi uppii beetonaa koottii beetonoyich, boonoshi geecoona yechebeete.

Isiyaasi 1:9

Beshe Mawe Doono Yeeri curoon nooch bi echiyaan gaata, Sodoomin tunesho noone; Gomoorinoo shaahesho noone.

Isiyaasi 10:19

Arooch echemmi mixinaꞌo giishecheenaꞌo boonoshi tunetoyich, giisheche busholla haddoon hakkiye.

Isiyaasi 10:22

Israꞌeeleenaꞌo baharee gasheexi qacoommon boonoshi woddetaanona cureenaꞌo baach wottemminaꞌone. Doono Yeeri boonoshich aalloon maaccitone; boonoshich tun bede kupphe aallo boonoshich qannitone.

Isiyaasi 24:13

Showee toommeexi aageteenaꞌo bulli toommooch shaggemmo ebiyoommone; zayitee aafo bi mixoochee maceechaa woyee woyinee aafoo bi qomboochee maceechaa arooch giishecho echoommon echemminaꞌone.

Isiyaasi 6:13

Aashire ashoochee ikkoo bi eche gaatoona, geellee mixo woyee meellee mixo kuxaa aalloommon aallemmone; bi xugo yaafeeti yaroon tunemmone” iye.

Erimiyaasi 30:11

Neen wodiyoyich ta neenna tookkii taane, iye Doono Yeeri. Boonoshi daggooch neen ta yookketi aageteenaꞌo bullin aalliyemmo taane; tunebaani neen ciroona aalliyaachemmo taane; tatoona neen sheeremmo taane; neen sheeraanoon besheyaachemmo taane.

Erimiyaasi 4:27

Doono Yeeri ishichiye: “Showoo bulli shokkoon echemmone; tunebaani ciichiree aalliyaachemmo taane.

Hiziqeeli 12:15

“Aageteenaꞌo daggooch boonoshin ta shaciyooba, showee toommoochoo boonoshin ta yoohiyooba, Doono Yeeri ta tunoon ariyemminaꞌone.

Hiziqeeli 12:17

Doono Yeeri taach ishichiye:

Hiziqeeli 14:21

“Ebich Nuggishoo Doono Yeeri ishichiye: Ashoonaa gijjoonon aroochee aalliyoyich kupphe magge awudde ta naxeenaꞌon, eboshiyoo, ginoon, shaacoon, gonde cooxinaꞌonaa biiyoonon Yerusaalemi toommooch ta deejjiyooba magge mooyo tunemmone.

Hiziqeeli 36:20

Boonoshi hammimmi aageteenaꞌo bulliichaa asheenaꞌo, ‘Eboshi Doono Yeerichi asheenaꞌone; tunebaani bi showoochee kechitinaꞌone’ getona yaafe ta shigoon naakkiiheete.

Hiziqeeli 36:31

Gonde ittoshi gommonaa gaaweyaani ittoshi shuunoonon gabemmo ittoshine; ittoshi xuꞌoonaa ittoshi eeꞌoonoyich ittoshin wochi ciigemmo ittoshine.

Hiziqeeli 7:15

“Maach gino, maac biiyoonaa shaacoona beetone; katemoyee maach beeto ginoona qitemmone; katemooch beeto biiyoona, shaacoonoo qitemmone.

Maatiyoosi 24:22

Ebi aabeenaꞌo qaminaan gaata, koniyoona wodoon hakkaacheshone; tunebaani kaachetinaꞌoyicha getaa ebi are aabeenaꞌo qaminnitinaꞌone.

Maatiyoosi 7:14

Tunetaa bulli yemeenee kashooch bechiibeeti kello xebboo, gommoo geppoone. Are gommon danee beetinaꞌo giishecheenaꞌone” iye.

Roomi 9:27

Keemechi Isiyaasi bi macaafoochaa “Israꞌeeleenaꞌo baharee gasheexi qacoommon boonoshi woddeteenona, giishecheenaꞌo baach wodemminaꞌone.