Hiziqeeli 12:13 - Kafa Linguistics Project

¹³ Ta dabboon bi toommooch yaggemmo taane; ta shaachoona yecheyemmone; Kalideenaꞌochi showoo tuneti Baabloon biin deebemmo taane; tunebaani are katemeen beegaanoon aroochaa qitemmone.

Hiziqeeli 12:13 ပူးပေါင်းရင်းမြစ်များ

Iyoobi 18:10

Showoo iiyaa kambo biich kambeetone; bi besheebeeti kaattooch shaachoo shaacheetone.

Iyoobi 19:6

taan xuqqito, bi dabboona taan kaappito, Yeeri tunoon, ariibote.

Shoddo 11:6

Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

Shoddo 66:11

Dabbooch no yecheyemmoyich tuniihine; no gubboochoo maggoon minjihine.

Erimiyaasi 24:8

“Doono Yeeri ta ishichiyoye: Yihudee taatoo Sedeqiyaasin, bi iraasheenaꞌon, hini showooch echeti Yerusaalemi beeti cureenaꞌon, Gibits beetinaꞌonoo, bi gondoochee tiyitona mamoyich hakkeyaani gonde balaasoommon tuniyemmo taane.

Erimiyaasi 32:5

Biyoo Sedeqiyaasin Baabloonee showooch daammemmone; bi waan ta waammi wottoon arooch beeyemmone, iye Doono Yeeri. Baabloonee asheenaꞌona tookkii ittoshi koyetaanona ittoshich kaameyaachemmone, itone’ iyine” iye.

Erimiyaasi 34:3

Iberoochaa newoo yecheeshalli ne gettemmo bi kishoochee muricaachemmo neene; yecheyemmo neene; bi kishoochoo beshiitaa ichemmo neene; Baabloonee taatoon aafoona ciinnemmo baroonoo danemmo neene; biyoo ne toommooch yibbaatemmone; Baabloonee showoochoo hammemmo neene.

Erimiyaasi 37:17

Aroochee taatoo Sedeqiyaasi wochii Erimiyaasin deebiꞌi, bi taatee kexoochaa aashoona “Doono Yeeri neech gettiti qaaro beete?” iꞌi echehe. Erimiyaasiyoo “Eeha, beetone; Baabloonee taatoo kishooch beshiitaa ichemmo neene” iye.

Erimiyaasi 39:7

Sedeqiyaasichi aafoonoo qoqenee kichiye; Baabloonee showooch daamoyich sansalatoona cuchiye.

Erimiyaasi 50:24

Baabloono, shaachoon neech shaachito taane; newoo ebin ariyaano neene; Doono Yeeri toommooch tiyaꞌa ne danetoyich, yecheto neene.

Shoosho 1:13

“Dambee qaaqqoon ta toommooch bi kindiitaa, ta shaawushooch beddaahaa michiye; ta baatoyich shaachoon shaachiye; taanoo gubb wochiye; heeyo bullin ta aafoon shaawiiꞌi, taan hulloo echiihe.

Shoosho 3:47

Keqqoonaa dihoona, happeyoonaa aalloona no toommooch shaggitone” getone.

Hiziqeeli 1:3

Doono Yeerichi qaaro Kalideenaꞌochi showoochaa, Kebaari aachi gashoochaa, Buuzichi bushoo tuneti qeeshoo Hiziqeeli ta waan waahe; Doono Yeerichi giidoo aroochaanoo ta toommooch waatone.

Hiziqeeli 12:6

Boonoshi ciini beetaa qiicoon tiijji ne gogooch shaagi, showoon ne ciinaachemmoyich ne aafoon ufiree manderoona keyi hambe; tawoo Israꞌeelee macceenaꞌoyich malletoo neen tuniito taane” iye.

Hiziqeeli 17:16

“ ‘Beeyecho ta tunoona wogehoye, iye Nuggishoo Doono Yeeri: Wogoon bi qallayiti, biinna tookkii bi giyiti wogoon bi happiti, biin taatiiti taatoo beeti xaaꞌoochaa, Baabloonaa qitemmone.

Hiziqeeli 17:20

Ta dabboona biin dabbe yechemmo taane; Baabloonee showooch biin daammemmo taane; taach gibeneyoo bi qajjitoyich aroochaa bi toommooch nallemmo taane.

Hiziqeeli 32:3

Nuggishoo Doono Yeeri ishichiye: Meeti asheenaꞌo beetoochaa dabboon ne toommooch duppemmo taane; boonoshiyoo aroona neen geechi kichemminaꞌone.

Hosee'i 7:12

Boonoshi biitigaata ta dabboon boonoshi toommooch yaggemmo taane. Shimaajji gacoochoommon geechi kindiyemmo taane. Boonoshi gonde shuunoyich boonoshin sheeremmo taane.

Luqaasi 21:35

Are aabo showooch beetinaꞌo bulli toommooch diqqoona shaggemmone.