Hiziqeeli 12:12 - Kafa Linguistics Project

¹² “Boonoshi daggooch beeti iraashoo bi qiicoon gogooch shaagiree xumoona kechemmone; duuhoon boonoshi hotaa aroona shoki besheree kechemmone; bi showoonoo aafoona bi ciinaachemmoyich aafoon oppemmone.

Hiziqeeli 12:12 ပူးပေါင်းရင်းမြစ်များ

2 Taateenaꞌo 25:4

Katemee uxeroo gaakkeehe; Baabloonee ginee naayinaꞌo katemee guudoona boonoshi beetaa, taatoo bi ginee naayo bullina tookkii xumoona muricciꞌi, gutte uxeree danooch beeti kelloona taatoochi bechee mixo beeto waan daammiibeeti gommona, Yoordaanoosi bamboo waan hammiye.

2 Taateenaꞌo 7:5

Aroochee showee shimmishimmooch tiyiꞌi Sooriyeenaꞌochi kaambooch hammiyeete. Kaambee gashooch boonoshi shaggimmona, ikke asholla arooch aallehe.

Iyoobi 24:16

Gaayeenaꞌo xumoona ashi kexon iijjii giyiyeete; areddoon kexon hiccii aashee heechiyeete; bekkoon beeggii ariyaaneenaꞌone.

Erimiyaasi 24:8

“Doono Yeeri ta ishichiyoye: Yihudee taatoo Sedeqiyaasin, bi iraasheenaꞌon, hini showooch echeti Yerusaalemi beeti cureenaꞌon, Gibits beetinaꞌonoo, bi gondoochee tiyitona mamoyich hakkeyaani gonde balaasoommon tuniyemmo taane.

Erimiyaasi 32:5

Biyoo Sedeqiyaasin Baabloonee showooch daammemmone; bi waan ta waammi wottoon arooch beeyemmone, iye Doono Yeeri. Baabloonee asheenaꞌona tookkii ittoshi koyetaanona ittoshich kaameyaachemmone, itone’ iyine” iye.

Erimiyaasi 37:17

Aroochee taatoo Sedeqiyaasi wochii Erimiyaasin deebiꞌi, bi taatee kexoochaa aashoona “Doono Yeeri neech gettiti qaaro beete?” iꞌi echehe. Erimiyaasiyoo “Eeha, beetone; Baabloonee taatoo kishooch beshiitaa ichemmo neene” iye.

Erimiyaasi 39:4

Yihudee taatoo Sedeqiyaasinaa bi ginee naayinaꞌo bullina boonoshin beeggiꞌi, woceheete; xumoona taatoochi becheenaꞌo beetona, gutte uxeree daggooch beeti kelloona katemoochee kechiꞌi Yoordaanoosi bamboo waan hammiyeete.

Erimiyaasi 42:7

Aashire qemoyee gubb, Doono Yeeri Erimiyaasich gettiye.

Erimiyaasi 52:7

Katemee uxeroo gaakkeehe; Baabloonee ginee naayinaꞌo katemee guudoona boonoshi beetaa, taatoo bi ginee naayo bullina tookkii xumoona katemoochee muricciꞌi, gutte uxeree danooch beeti kelloona kechii, taatoochi bechee michi gaꞌoona besheꞌi Yoordaanoosi bamboo waan hammiye.

Hiziqeeli 12:4

Boonoshi ciini beetaa areddoon ne qiicoon maach kichibe; boonoshi ciini beetaa keccetochoommon xumoon keyi hambe.

Hiziqeeli 12:6

Boonoshi ciini beetaa qiicoon tiijji ne gogooch shaagi, showoon ne ciinaachemmoyich ne aafoon ufiree manderoona keyi hambe; tawoo Israꞌeelee macceenaꞌoyich malletoo neen tuniito taane” iye.