Hiziqeeli 11:9 - Kafa Linguistics Project

⁹ Bi daggoochee ittoshin kichemmo taane; ashi showee asheenaꞌochi kishooch ittoshin beshiiree immemmo taane; ittoshi toommoochoo naxoon kindiyemmo taane.

Hiziqeeli 11:9 ပူးပေါင်းရင်းမြစ်များ

2 Taateenaꞌo 24:4

Ebiyee baroo wotta, Minaasi xalle ashi damoon bi ukkee naboonane; Yerusaalemin xalle ashi damoona tajjitone. Ebich Doono Yeeri biin maaroyich daaggaanoone.

Iziri 9:7

No qaabbechinaꞌochi yemeenoochee tiijjiꞌi hanaach beddaahaa, oogichaꞌa xuqqeto noone. Ebiyoche, no axaaxee naboona nowoo, no taateenaꞌonaa qeesheenaꞌona showee toommeexi taateenaꞌo kishooch beshiitaa ichaꞌa, and beddaahaa goraadoona qecceyooch, kecceyooch, bokkeyoonaa ooge yeelloonooch dihito noone.

Shoddo 106:30

Finihaasi tiyiꞌi gondeenaꞌon bi sheeraa, naxo neexehe.

Shoddo 106:41

Aageteenaꞌoyich beshiiꞌi immiye; boonoshi shixechinaꞌo boonoshin hajjiyeete.

Dojjecho 8:11

Gondoon shuunee beetinaꞌo toommooch kaatee nalleyoo bi qajjitoyich, asheenaꞌochi mullo gondoon shuunoyich kupphehe.

Erimiyaasi 39:6

Baabloonee taatoo Ribilaa Sedeqiyaasichi bushiisheenaꞌon bi aafoochaa wuxiye; wottoo Baabloonee taatoo Yihudee showeexi ogoogeenaꞌon wuxiye.

Hiziqeeli 11:7

“Ebich Nuggishoo Doono Yeeri ishichiye: Qondooch beeti meeno, hini katemee daggoochaa ittoshi wuxiti asheenaꞌochi dubenoone; hini katemoo qondoone; tunebaani bi daggoochee ittoshin yoohi kichemmo taane.

Hiziqeeli 16:38

Shaddechinaꞌonaa damee ukkechinaꞌona tuneti maacheenaꞌochi toommooch nalleebeeti nalloon ne toommooch nallemmo taane; ta neboonaa qanaatee ta kaaroonon ne toommooch kindiiree damoona ne wooremmoyich tuniyemmo taane.

Hiziqeeli 16:41

Ne kexinaꞌon qaaqqoona michemminaꞌone; meeti maacheenaꞌo aafoochaa ne toommooch nallemminaꞌone; yahoon ne neechemmoyich tuniyemmo taane; ebiyee bekk ne shunechinaꞌoyich gatiyoon qocaachemmi neene.

Hiziqeeli 21:31

Ta kaaroon ne toommooch kindiyemmo taane; ta nebee qaaqqoon ne toommooch aaxxiyemmo taane; aalliyoon ariibeeti mulli manje asheenaꞌochi kishooch neen beshii immemmo taane.

Hiziqeeli 30:19

Gibitseenaꞌochi toommooch nallemmo taane; aroochee boonoshiyoo Doono Yeeri ta tunoon ariyemminaꞌone’ itone gete” iye.

Hiziqeeli 5:10

Ebich ittoshi daggoochaa niheenaꞌo boonoshi bushiisheenaꞌon, bushiisheenaꞌo boonoshi niheenaꞌon maayemminaꞌone; eechiree ittoshi toommooch nallemmo taane; ebiichee muriccii echemmon yongee toommooch shaccemmo taane.

Hiziqeeli 5:15

Kaaroona, neboona, ooge noggoona ittoshi toommooch ta nalliyooba, ittoshi guudoona beeti aageteenaꞌoyich naago, tochoo, meeqqeqqiyoonaa wuche getteyoonon tunemmo ittoshine; Doono Yeeri ta, ebin getteto taane.

Hiziqeeli 5:8

Ebich Nuggishoo Doono Yeeri ishichiye: “Ta, ta qelloona ne toommooch tiyeto taane; aageteenaꞌo aafoochaa ne toommooch nallemmo taane.

Yowannisi 5:27

Biyoo Ashi Bushoo bi tunetoyich, bi nallemmoyich, Nihoo Yeeri biin doonjiitone.

Roomi 13:4

Neech gaaweti mooyon bi tuniyemmoyich Yeerichi maddechone. Goraadoon bi cuyeto baad toonoone; ebich gondoon ne shuunegaata, shate. Gondoon shuunee beetinaꞌo toommooch naxoon kindiibeeti Yeerichi maddechone.

Yibbaatoo 28:36

“Doono Yeeri ne woyee ne qaabbechinaꞌo ariyaani aagetooch, neennaa ne toommooch ne taatiiti taatoona hammemmoyich tuniyemmone. Aroochaa mixonaa xaqqoonoochee shuuneeti nuggisheenaꞌoyich goyinne maddemmo neene.