Hiziqeeli 11:5 - Kafa Linguistics Project

⁵ Doono Yeerichi Ayaano ta toommooch kindiꞌi taach ishichiye: “Doono Yeeri ishichiye gete: Israꞌeelee macceenaꞌote, ebi mooyon gettito ittoshine; tawoo ittoshi mullooch beeton ariibeeto taane.

Hiziqeeli 11:5 ပူးပေါင်းရင်းမြစ်များ

1 Kiinoo 28:9

“Newoo ta bushoo Solomoono, Doono Yeeri, mullo bullin haattiibeeto bi tunetoyich, ashi gaboo bullinoo ariibeeto bi tunetoyich, ne nihoochi Nuggishoon ariibe; ceeni ne mulloona, ne hajjee daaggoonoo biich maddebe; biin ne qaawigaata danemmo neene; tunebaani biin ne qayigaata bulli yemeenoon neen qajjemmone.

Shoddo 50:21

Ebi bullin ne tuniitaa cikkaa ta qajjetoyich, taan neenna shaahiyaꞌa gabihine. And illa neen kaaremmo taane; ne aafoochaa neen ittibatemmo taane.

Shoddo 7:9

Gaboonaa mulloonon ariyaabeeti cadiqe Nuggishoocho, gonde asheenaꞌon gonde shuunoon shuunoochee baye; tunebaani cadiqeenaꞌo manji neexemmoyich tuniibe.

Isiyaasi 28:15

Ittoshiyoo, “Qitoona tookkaa wogoon giyeto noone; maashoona tookkaa shuneto noone; kootoon no shoobo, no aashee xaaꞌoonoo tuniito noone; kupphe naxo hidii bi daammii beegaata, no waan shagaachemmone” ito ittoshine.

Isiyaasi 58:1

Doono Yeeri ishichiye: “Ne qaaroon qoophaanoon oogiiree cookibe; ne qaaroo shametoochoommon sharaalliibe; ta asheenaꞌoyich boonoshi xuꞌoon, Yaaqobichi yareenaꞌoyich boonoshi axaaxoon gete.

Erimiyaasi 11:20

Mulloonaa eengoonon haattiibeeti, kaachiinoo nalliibeeti Beshe Mawe Doono Yeero, ta mooyon neech arichiiho; boonoshi toommooch ne gaaccemmi nichoon beegone.

Erimiyaasi 16:17

Boonoshi tuniibeeto bullin beeggaabeeto taane; tayee aashetinaꞌo tooneenaꞌone; boonoshi axaaxolla ta aafoochee aacheeto toonoone.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Hiziqeeli 2:2

Taach bi yibbaatemmona Ayaano ta maac giyiꞌi ta baatoona taan neechiye; taach bi yibbaatee beetonoo waayeho.

Hiziqeeli 2:7

Hukkechi asheenaꞌo boonoshi tunetoyich, boonoshi waayetaa woyee waayo qajjitaa boonoshich ta qaaroon gettemmo neene.

Hiziqeeli 20:32

“ ‘ “Bare aageteenaꞌochoommon, mixonaa xaqqoonoyich goyinneebeeti asheenaꞌochoommon tunebone” iyote. Tunebaani ebi ittoshi mulloona ittoshi gabito ciroona kaameyaachemmone.

Hiziqeeli 28:2

“Ashi bushoocho, Xiroosi taatoyich, Nuggishoo Doono Yeeri ishichiye, gete: ‘Ne mullo geecitoyich, “Ta, nuggishoo taane; baharee daggooch, nuggisheenaꞌo taatee qeenooch kotemmo taane” ito neene. Ne mulloona nuggishoo taane iyaꞌa ne gabitaanona ne, asho nealli nuggishoo toono neene.

Hiziqeeli 29:3

Faroonichoo yibbaateree ishichibe: Nuggishoo Doono Yeeri ishichiye: ‘ “Abbaayi aaco taachone; taane biin shuuneto” ii beeti aachi daggooch qeyiti ooge aachi aayoommi Gibitsee taatoo Faroono, ebiyoche ta ne toommooch tiyeto taane.

Hiziqeeli 3:11

Hamiree kecooch beeti ne asheenaꞌoyich gete; boonoshi waayetaa woyee waayo qajjitaa ‘Nuggishoo Doono Yeeri ishichiye’ gete” iye.

Hiziqeeli 3:24

Tunebaani Yeerichi Ayaano ta maac giyiꞌi ta baatoona taan neechiye; aroochee taanna yibbaateꞌi taach ishichiye: “Hambe; ne kexooch giyiichi ne kelloon hice.

Hiziqeeli 3:27

Tunebaani neenna ta yibbaatehooba ne heciyoon biichemmo taane; newoo boonoshich: ‘Nuggishoo Doono Yeeri ishichiye’ gettemmo neene. Hukkechi macceenaꞌo boonoshi tunetoyich waayemmo waayebe; waayoon qajjimmo qaye” iye.

Hiziqeeli 8:1

Kecaa no hammeti shirittinnee natooba, shirittinnee agenee uuchinnee qemooba, ta kexooch kotaꞌa ta beetaa, Yihudee geeneenaꞌo ta aafooch koteꞌi boonoshi beetaa Nuggishoo Doono Yeerichi giidoo ta toommooch kindiye.

Maariqoosi 2:8

Boonoshi mulloona ishichii boonoshi gaboon bekkech Yesuusi bi mulloona ariiꞌi, “Ebin amoyich gabiyote?

Yowannisi 21:17

Keejjinnoon “Yoonichi bushoo Simoono, taan shunnenne?” iꞌi echehe. Keejjinnoon “Taan shunnenne?” iꞌi bi echetoyich, Pheexiroosi ayiniꞌi, “Ta Doonocho, bullin ariibeeto neene; neen ta shunon ne ariibeeto neene” iye. Yesuusiyoo “Ta bageenaꞌon qiddebe.

Mishiraachechinaꞌo 10:44

Pheexiroosi yibbaatee toommooch bi beetaa, bi yibbaatoon elleebeeti asheenaꞌo bulli toommooch Yaafe Ayaano kindiye.

Mishiraachechinaꞌo 11:15

“Aree hillooch batt yibbaatooch ta giyemmona, Yaafe Ayaano shiichiꞌi no toommooch bi kindoommon boonoshi toommooch kindiye.

Hibireena'o 4:13

Halleeti mooyinaꞌo bulli Yeeri aafooch xalle bekketinaꞌoani, bi aafooch aacheeti, oppeeti ikke mooyolla aalloone; Yeeri aafoochaanane no shuuneti mooyo bullich no echeyemmo.

Yaaqobi 3:6

Heciyoo qaaqqoommone; heciyoo no ashittinee quumeenaꞌo daggooch beeti gondoyich hajjeeti alemoone; no ashittino bullin eeꞌii beetone; no kashee gommo bullin michii beetone; shiweree qaaqqoochoo miccemmone.

Yaaꞌoo 2:23

Bi bushiisheenaꞌonoo wuxi ciichemmo taane. Arooba ashi mulleexi gaboonaa qaatoonon maqqaa ariibeeto ta tunoon kittinnee guuphinaꞌo bulli ariyemminaꞌone; ittoshi ikkikkoyich ittoshi shuuni shuunoommona qoccemmo taane.

1 Saameeli 10:10

Gibaaha boonoshi shaggimmona, ikke guuphi keemechinaꞌo biinna daneheete. Yeerichi Ayaano giidoona bi toommooch kindaa, boonoshina tookkii keemoon keemmiye.

1 Saameeli 10:6

Aroochee Doono Yeerichi Ayaano giidoona ne toommooch kindemmone. Newoo boonoshina tookki keemmemmo neene. Doono Yeerichi Ayaano andire ashoon tuniiree neen shaddemmone.