Hiziqeeli 11:21 - Kafa Linguistics Project

²¹ Tunebaani boonoshi mulloona ciigiitonaa eeꞌe mooyonon dabbitinaꞌon boonoshi shuunoommon boonoshich qoccemmo taane” iye Nuggishoo Doono Yeeri.

Hiziqeeli 11:21 ပူးပေါင်းရင်းမြစ်များ

Dojjecho 11:9

Gurimaashoocho, ne gurimaashittinee yemeenooch emiribe; ne gurimaashittinee yemeenooch ne mullo emiribe; ne aafo ciinnimmonaa ne mullo qaatimmonon, tuniibe; tunebaani ebi mooyo bullich Yeeri nallooch neen giddiyemmo bi tunoon batteyaahine!

Erimiyaasi 1:16

Ta asheenaꞌo toommooch ta nalloon awaajjemmo taane. Ebiyoo boonoshi shuuneti gondo bullichiye; boonoshiyoo taan qajjiyeete; bare nuggisheenaꞌoyich ixaanoon shookkiyeete; shahalloonoo shuuneꞌi biich goyinneheete.

Erimiyaasi 16:11

Newoo boonoshich ishichibe: ‘Ittoshi qaabbechinaꞌo taan boonoshi qajjitoyichiye, iye Doono Yeeri. Bare nuggisheenaꞌon dabbiyeete; boonoshich maddeheete; goyinneheete; taanoo qajjitinaꞌone; ta sheeroonoo quyeyaaneenaꞌone.

Erimiyaasi 16:18

Ta showoon ciigiiti, dubenoommi boonoshi nuggisheenaꞌona boonoshi eeꞌitoyich, ta iristoon eeꞌeti mooyona boonoshi ceechitoyich, boonoshi xuꞌoonaa boonoshi axaaxoonochi gutte kishoon boonoshich qoccemmo taane” iye.

Erimiyaasi 17:9

“Ashi mullo, bulliyee beshe marecho, wottoo oogeti gondoone; ebin koni shalligoo hakkehe?

Erimiyaasi 2:20

Beshe Mawe Doono Yeeri ishichiye: “Meeti yemeenoyee aafi ne waanjoon tiichehoye; ne cuyoonoo kuxxehoye; tunebaani ne, taach maddoon qajjehine. Yahechichoommon, geppe xaaꞌoo bulliich, waajjechi michi baatoo bulliich qeyehine.

Hiziqeeli 11:18

“Arooch boonoshi waahooba ciigiitonaa eeꞌoona tuneti mooyon bi daggoochee wokkiyemminaꞌone.

Hiziqeeli 14:3

“Ashi bushoocho, ebi asheenaꞌo boonoshi mulloon shahalloyich hajjiitinaꞌone; ebi boonoshi gonde shuunoon xugoon tuniiꞌi boonoshi aafooch kotiitinaꞌone. Ishigaata ta waanee eche waayeya boonoshi qaawoo tatoone?

Hiziqeeli 16:43

“ ‘Ne bushittinee gooroon gaboo ne qajjetoyich, ne shuuneti mooyo bullinoo taan ne ippiitoyich, ne shuunetoommon neech shuunemmo taane; bare ciigiiti ne mooyo bulli toommooch yahoon meechaane neene? iye Nuggishoo Doono Yeeri.

Hiziqeeli 20:16

Ebiyoo boonoshi mullo shahalleenaꞌo waan bi wottetoyich, ta getoon boonoshi shaaddetoyich, ta qociyoona beemo boonoshi qajjitoyich, ta shambetoonoo boonoshi eeꞌitoyichiye.

Hiziqeeli 20:31

And beddaahaa deejjoon deejjoona, ittoshi bushiishoon micciibeeti deejjoo tuniiꞌi giddiyoona ebi ittoshi shahalleenaꞌona ittoshi qelloon eeꞌiiniye ittoshi beeto. Israꞌeeleenaꞌote, ishigaata ta waanee echii ittoshi waayemmoyich ittoshich daaggibote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri.

Hiziqeeli 20:38

Ittoshi daggoochee hukkechinaꞌonaa taan xuqqitinaꞌonon wokkiyemmo taane; boonoshi beeti showoochee boonoshin kichemmo taane; tunebaani Israꞌeelee showooch giyaachemminaꞌone. Ebiyooba Doono Yeeri ta tunoon ariyemmo ittoshine.

Hiziqeeli 22:31

Ebich ta kaaroon boonoshi toommooch kindiihoye; ta nebee qaaqqoona boonoshin aalliihoye; boonoshi shuunetoommon boonoshich shuunehoye” iye Nuggishoo Doono Yeeri.

Hiziqeeli 7:3

Israꞌeele, and ne ciiro shaggitone; ta kaaroon ne toommooch deejjemmo taane; ne gommoommona ne toommooch nallemmo taane; ciigiiti ne qocoo bullich neen naxemmo taane.

Hiziqeeli 7:4

Neech ayini ariqqeyaachemmo taane; tunebaani ne shaaddoonaa ne daggooch beeti ciigiiti mooyonoyich neen naxemmo taane; aroochee Doono Yeeri ta tunoon ariyemmi neene.

Hiziqeeli 7:8

And kaateree ta neboon ne toommooch woniyemmo taane; ta kaaroon ne toommooch kindiyemmo taane; ne gommoommona ne toommooch nallemmo taane; ciigiiti ne mooyo bullich neen naxemmo taane.

Hiziqeeli 9:10

Tawoo boonoshich ayini ariqqeyaachemmo taane; boonoshi tuniitoommon boonoshi toommooch tuniyemmo taane” iye.

Hibireena'o 10:38

Tunebaani ta toommooch mulloon tooꞌiyoona cadiqiti ta asho, kashecho tuneree beeyemmone. Tunetaa gubb bi shokigaata biinna emiraache” itone.

Yihudi 1:19

Eboshi kittinnee guuphinaꞌon barbarii beetinaꞌone; meechi qaatoyich hajjee beetinaꞌo, Yaafe Ayaano boonoshich aalli asheenaꞌone.