Hiziqeeli 11:16 - Kafa Linguistics Project

¹⁶ “Ebich boonoshich ishichibe: ‘Nuggishoo Doono Yeeri ishichiye: Ta, aageteenaꞌo waan boonoshin daachiito taane; showeenaꞌoochoo boonoshin shacceto taane; tunebaani boonoshi hammiti showeenaꞌoochaa giisheche aaboon boonoshich yaafee kexon tunemmo taane itone.

Hiziqeeli 11:16 ပူးပေါင်းရင်းမြစ်များ

Shoddo 31:20

Asheenaꞌochi koceyoochee, ne beeyi xaaꞌooch boonoshin aachihine. Boonoshin taggeebeeti heciyoochee, ne duukkaanooch boonoshin qerihine.

Shoddo 44:11

Guureyemmi bagoommon noon tuniihine; aageteenaꞌo daggooch noon shaccehine.

Shoddo 90:1

Doono Yeero, shiijjeroochee shiijjerooch beddaahaa, ne nooch deebo neene.

Shoddo 91:1

Beshoo Yeeri shoobooch beeto, Beshe Hakkechi Nuggishoochi yiirooch qeyiibeeto,

Shaahiyoo 18:10

Doono Yeerichi shigo manje xaqqee dilaaloommone; cadiqeenaꞌo arooch woccii deebeꞌi wodiyeete.

Isiyaasi 4:5

Aroochee Doono Yeeri Tsiyooni guudi toommonaa arooch kicee beetinaꞌo bulli toommonooch areddoon quboon, xumoonoo cufoonaa cobcobbiibeeti qaaqqee aaxxoonon deejjemmone. Yeerichi oogee yiiroo are katemee toommooch ooge duukkaanoochoommon yiiremmone.

Isiyaasi 8:14

Tawoo yaafee kexon tunemmo taane; tunebaani Israꞌeelee yareenaꞌoyich tephemmi xaqqoon, yexi dichemmi xaqqee guudon tunemmo taane; Yerusaalemi asheenaꞌoyichoo shaachoonaa olloonon tunemmo taane.

Erimiyaasi 26:11

Qeesheenaꞌonaa keemechinaꞌona, ukkireenaꞌonaa asho bullinoyich “Ittoshi hajjee waamona ittoshi waayetoommon, hini katemee toommooch keemoon bi keemmitoyich hini uro qita bedoone” iyeete.

Erimiyaasi 26:7

Doono Yeerichi yaafee kexoochaa Erimiyaasi ebi qaaroon bi gettii beetaa qeesheenaꞌo, keemechinaꞌonaa asho bullina waayehe.

Erimiyaasi 29:11

Ittoshich ta gabaa beeti gaboon ariibeeto taane” iye Doono Yeeri. “Ebi gaboo bi ciiro gaawoonaa gibeneetona tuneti diggeechoani gonde gaboo toonoone.

Erimiyaasi 29:7

Kecaa ittoshi hammemmoyich ta tuniiti katemoyich diggoon qaawibote; ebi katemoyichoo Doono Yeeri ta waan corootibote; ebiyoo bi diggegaata, ittoshiyoo diggemmo ittoshi tunetoyichiye” iye.

Erimiyaasi 30:11

Neen wodiyoyich ta neenna tookkii taane, iye Doono Yeeri. Boonoshi daggooch neen ta yookketi aageteenaꞌo bullin aalliyemmo taane; tunebaani neen ciroona aalliyaachemmo taane; tatoona neen sheeremmo taane; neen sheeraanoon besheyaachemmo taane.

Erimiyaasi 31:10

“Aageteenaꞌote, Doono Yeerichi qaaroon waayebote; wohooch beeti baharee gashoonaa buure showeenaꞌonoyichoo ‘Israꞌeeleenaꞌon shaccito wochi kicemmone; qiddeenaꞌo boonoshi gijjoon boonoshi qiddoommon boonoshin qiddemmone’ getote.

Erimiyaasi 42:11

Ittoshi shattiibeeti Baabloonee taatoon shattaahote; ittoshin wodiyoyich, bi kishoochee ittoshin kichoyich, ta ittoshina tookki tunemmo ta tunetoyich, biin shattaahote, iye Doono Yeeri.

Hiziqeeli 20:23

Andoo aageteenaꞌo daggooch, showeenaꞌoochoo boonoshin shaccemmo ta tunoon barahoochaa boonoshich wogehoye.

Leweenaꞌo 26:44

Tunebaani ebi bulli bi tunetaanoona, boonoshi etteenaꞌo showooch boonoshi beetaa, boonoshina tookkaa ta giyeti wogoon biishona, boonoshin ta aalliimmi wottoon, boonoshin dufaachemmo taane; boonoshinoo tiyaareyaachemmo taane. Ebiyoo ta, boonoshi Nuggishoo Doono Yeeri ta tunetoyichiye.

Zakaariyaasi 2:6

Doono Yeeri ishichiye: “Showee awudde kelloona ittoshin shacceto taane; tunebaani and dambi-waani showoochee tibote.

Yibbaatoo 4:27

Doono Yeeri aagetee asheenaꞌo daggooch ittoshin shaccemmone; ebi bi shacciti asheenaꞌo daggooch haddoona giishechoon tune echemmo ittoshine.