Hiziqeeli 11:12 - Kafa Linguistics Project

¹² Ittoshi guudoona beeti aageteenaꞌo sheeroon quyehotalli ta qociyoona hamaano ittoshi tunetoyich, ta getoon quyo ittoshi qajjitoyich, ebiyooba Doono Yeeri ta tunoon ariyemmo ittoshine” iye.

Hiziqeeli 11:12 ပူးပေါင်းရင်းမြစ်များ

1 Taateenaꞌo 11:33

Ebin ta tuniyemmoo, taan qajjiichii, Sidooneenaꞌochi nuggishee Ashitarootin, Moꞌabeenaꞌochi nuggishoo Kemooshinaa Amooneenaꞌochi nuggishoo Milikoominoyich goyinnee bi maddetoyichiye; wotta ta aafooch kaame mooyon tuniyoona, ta qociyoonaa ta getoonon quyoon, bi nihoo Daawiti ta gommona bi hamoommon, hamonoo bi qajjitoyichiye.

2 Taateenaꞌo 16:3

Israꞌeelee taateenaꞌochi gommon dabbiye; Doono Yeeri Israꞌeeleenaꞌo aafoochee yookkii kichiti aageteenaꞌochi, ciigiiti doyoon dabboona bi bushoon qaaqqooch goggiꞌi deejjiye.

2 Taateenaꞌo 18:12

Ebi tuneto, boonoshi Nuggishoo Doono Yeerichi qaaroyich deꞌa geto boonoshi qajjitoyichiye; wottoo bi wogoon boonoshi happitoyich, ebiyoo bi guuno Muusichi geto bullin waayo boonoshi qajjitonaa tuniyoo boonoshi qajjitonoyichiye.

2 Taateenaꞌo 21:2

Minaasiyoo Doono Yeeri Israꞌeeleenaꞌo aafoochee yookkii bi aalliiti aageteenaꞌochi, ciigiiti doyoon dabboona Doono Yeeri aafooch gonde mooyon tuniihe.

2 Taateenaꞌo 21:22

Bi qaabbechinaꞌochi Nuggishoo Doono Yeerin qajjiye; Doono Yeerichi gommona hamon qajjiye.

2 Taateenaꞌo 21:9

Asheenaꞌoo Doono Yeerichi getoon waayeyaaneenaꞌone. Doono Yeeri Israꞌeeleenaꞌo aafoochee yookkii bi aalliiti aageteenaꞌo shuunetoyee beshe wodde gonde mooyon boonoshi shuunemmoyich, Minaasi boonoshin muriciihe.

2 Kiinoo 13:9

Harooni bushiisheenaꞌo tuneti Doono Yeerichi qeesheenaꞌonaa Leweenaꞌonon yookkito ittoshine. Bare showee asheenaꞌo tunii beetoommon, ittoshi qellich qeesheenaꞌon ukkiriito ittoshine. Ikke wuron woyee shabaatte bagee baaddoon yechiꞌi bi qelloon yaafiya waammo, ebi koote nuggisheenaꞌoyich qeeshoo tunoon hakkiye.

2 Kiinoo 28:3

Hinoomi bushoo bamboochaa ixaanoon shookkiye. Doono Yeeri Israꞌeeleenaꞌo aafoochee yookkii kichiti aageteenaꞌochi ciigiiti doyoon dabboona bi anaami bushiisheenaꞌon qaaqqooch goggiꞌi deejjiye.

2 Kiinoo 36:14

Ebiyoommon wotta qeesheenaꞌochi wulleenaꞌonaa asheenaꞌona aageteenaꞌochi ciigiiti doyoon dabbiibee, Yerusaalemi beeti, Doono Yeeri yaafiti yaafee kexon eeꞌiibee, aafichoyee beshoon gibeneyee qayona beshii beshii hammiyeete.

Iziri 9:7

No qaabbechinaꞌochi yemeenoochee tiijjiꞌi hanaach beddaahaa, oogichaꞌa xuqqeto noone. Ebiyoche, no axaaxee naboona nowoo, no taateenaꞌonaa qeesheenaꞌona showee toommeexi taateenaꞌo kishooch beshiitaa ichaꞌa, and beddaahaa goraadoona qecceyooch, kecceyooch, bokkeyoonaa ooge yeelloonooch dihito noone.

Nehimi 9:33

Gibeneeto tunaꞌa ibere mooyon tuniito neene; tunebaani no, axaaxoon shuuneto noone; ebich no toommooch shaggiti iritoo bullich, ne cadiqo neene.

Nehimi 9:34

No taateenaꞌo, no ogoogeenaꞌo, nooch maddeebeeti ne qeesheenaꞌonaa no qaabbechinaꞌona ne sheeroon quyeyaaneenaꞌone; ne geteenaꞌonaa ne meeqqeqqeenaꞌonon waayeyaaneenaꞌone.

Shoddo 78:10

Yeerina tookkii boonoshi giyiti wogoon quyeyaaneenaꞌone; bi sheeroona hamon qajjiyeete.

Erimiyaasi 10:2

Doono Yeeri ishichiye: “Aageteenaꞌochi gommon doyiyaahote; aageteenaꞌo shimaajji malleteenaꞌon boonoshi beegigaata, oogichii shattii beetinaꞌone; tunebaani ittoshi shattaahote.

Erimiyaasi 6:16

Doono Yeeri ishichiye: “ ‘Kaattooch neexebote; ciinishoo getote; batti batti gommonoo echebote; gaawe gommo aabi gaata, aroona hambote; ittoshi kashe kashemmoyich tuniyemmo ittoshine’ iyoye. “Tunebaani ittoshi ‘Aroona hamaachone’ iyote.

Hiziqeeli 11:21

Tunebaani boonoshi mulloona ciigiitonaa eeꞌe mooyonon dabbitinaꞌon boonoshi shuunoommon boonoshich qoccemmo taane” iye Nuggishoo Doono Yeeri.

Hiziqeeli 18:8

gijjoon koyitiyoo bi qayigaata, wodde shimon deꞌo bi qayigaata, gonde shuunoon bi qayigaata, ashoonaa ashoonochi daggooch dayinnetoona bi nalligaata,

Hiziqeeli 18:9

ta qociyoommona bi shaaddegaata, ibere mooyon tuniyoyich ta geteenaꞌon bi quyegaata, aroo cadiqe ashoone; biyoo kashoona beeyemmone, iye Nuggishoo Doono Yeeri.

Hiziqeeli 20:16

Ebiyoo boonoshi mullo shahalleenaꞌo waan bi wottetoyich, ta getoon boonoshi shaaddetoyich, ta qociyoona beemo boonoshi qajjitoyich, ta shambetoonoo boonoshi eeꞌitoyichiye.

Hiziqeeli 20:21

“ ‘Tunebaani boonoshi bushiisheenaꞌo ta toommooch tiyiyeete; asho bi ceechigaata kashoona bi beeyemmi ta qociyoona hamaaneenaꞌone; ta geteenaꞌonoo quyeyaaneenaꞌone; ta shambetoonoo eeꞌiiheete; ebiyooba barahoochaa ta neboon boonoshi toommooch kindiiya, ta kaaroonoo boonoshi toommooch ceechiya gabiyoye.

Hiziqeeli 20:24

Ebiyoo ta qociyoona hamo boonoshi qajjitoyich, ta geteenaꞌon quyeyaaneenaꞌo boonoshi tunetoyich, ta shambeteenaꞌon boonoshi eeꞌitoyich, boonoshi qaabbechinaꞌochi shahalleenaꞌoyich boonoshi goyinnetoyichiye.

Hiziqeeli 5:6

Yerusaalemi aageteenaꞌoyee beshoon ta geteenaꞌo toommooch hukkoon tiijjiyan; bi guudoona beetinaꞌoyee beshoon ta qociyoon shaaddahane. Ebiyoo ta geteenaꞌon waayeyaache getonaa ta qociyoona hammi qayonane” iye.

Hiziqeeli 8:10

Ebich maac giyaꞌa ciinneho; xaqqee uxeree guudo bulliich shicheeti, yuummere halleenaꞌo bullichi misilo, eeꞌe cooxinaꞌochi misiloonaa Israꞌeelee macceenaꞌochi shahalloo bullina arooch beete;

Hiziqeeli 8:14

Aroochee dambi-waan, Doono Yeerichi yaafee kechi kellooch taan daammiye; ebiyoche Tamuuzi getteebeeti shahalloyich eeppii goppiibeeti maacheenaꞌo arooch beeteete.

Hiziqeeli 8:16

Aroochee taan Doono Yeerichi yaafee kechi maaci addibaabooch deebiye; ebiyoche Doono Yeerichi yaafee kechi godooch, gaaddaafoonaa deejjee gudoonochi gutte daggooch hiyaa uucha bede asheenaꞌo beeteete; boonoshi gubboon Doono Yeerichi yaafee kexo waan, boonoshi aafoonoo aabi-keyo waan wochiꞌi aabeyich guufee goyinnee beeteete.

Daaneeli 9:10

No Nuggishoo Doono Yeero, neech deꞌa getaano noone; ne guuninaꞌo tuneti keemechinaꞌo kishoona nooch ne immeti ne sheeroon quyeyaano noone.

Leweenaꞌo 18:3

Ittoshi beebee echeti Gibitsee asheenaꞌo tunii beetoommi mooyon tuniyaahote. Wotta and ittoshin ta giijjiya ii beeti Kanaanee asheenaꞌo tunii beetoommi mooyon tuniyaahote. Boonoshi qocoonoo dabbiyaahote.

Leweenaꞌo 26:40

“ ‘Tunebaani boonoshi xuꞌoon boonoshi aannigaata, boonoshi qaabbechinaꞌo taach gibeneyoon qajjii taan shixxiꞌi, boonoshi shuuneti xuꞌoonoo boonoshi aannigaata,