Hiziqeeli 1:26 - Kafa Linguistics Project

²⁶ Boonoshiyee damba beeti gumoyee tookk sapiiroommi taatee qeechi shaahiyoo beetone; taatee qeechi toommoochoo ashoon shaahoo kotetone.

Hiziqeeli 1:26 ပူးပေါင်းရင်းမြစ်များ

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

Shoddo 45:6

Nuggishoo Yeero, ne taatee qeeno bulli yemeeneechone; ne taatittinee gumbo dayinnetee gumboone.

Keyo 24:10

Israꞌeelee Nuggishoon beeggiyeete. Bi baatee dechiich birooba shimaayoo xalloommon xalleti, sapiiree aaxxe xaqqoochee shuuneeti, godoommi mooyo beetone.

Isiyaasi 54:11

Doono Yeeri ishichiye: “Hini xuuxeti, yubee yongoonoo wullaawulleti, goggoonoo mawiitine, aaxxe xaqqoona wochinnoon neen shuunemmo taane; sapiiroona ne hecoon heccemmo taane.

Isiyaasi 6:1

Taatoo Uziyaahi qititi natooba, Doono Yeeri genjoonaa kaama hashekkimoona tuneti taatee qeenooch koteꞌi beeton beeggeho; bi qoreddee caappoo yaafee kexon ceennitone.

Hiziqeeli 1:22

Kashechi halleenaꞌoyee damba, boonoshi tookk yaggeeti gumoommi, baderoochoommonoo wacciibeeti mooyo beetone.

Hiziqeeli 1:5

Bi daggoochoo boonoshi halloo ashoon shaahe kashechi awudde halleenaꞌon beeggeho.

Hiziqeeli 10:1

Ciinnaa ta iyaa, ebiyoche kiruubeenaꞌochi qelloyee tookk beeti gumoyee tookk, sapiiroochee shuuneeti taatee qeenoommi mooyo beete.

Hiziqeeli 43:6

Uroo ta gaꞌooch neexeꞌi beetaa, Doono Yeeri yaafee kexoochaa taach yibbaatee beetaa waayeho.

Hiziqeeli 43:7

Biyoo taach ishichiye: “Ashi bushoocho, Israꞌeelee macceenaꞌochi daggooch bulli aabooch ta kotemmi ta taatee qeenonaa ta neexemmi xaaꞌoona hinine; ebiyee bekk Israꞌeelee macceenaꞌonaa boonoshi taateenaꞌona yahoona, wottoo qititi boonoshi taateenaꞌoyich boonoshi tuniibeeti mooyona ta shigoon eeꞌiyaachemminaꞌone.

Hiziqeeli 8:2

Ciinnaa ta iyaa, ebiyoche bi shaahoo qaaqqoommi ashoon beeggeho; bi shimetoyee deshaa qaaqqoommone; bi shimetoyee dambaa bekkoommo, wottoo gaamiti xuuroommone.

Daaneeli 10:18

Wochinnoon ebi ashoon shaahiibeeto taan yechiꞌi ta kupphemmoyich tuniihe.

Daaneeli 7:14

Biichoo hakkoo, oogoonaa taatittinoona ichetoyich, ashi yaroo bulliichee, aagetoo bulliichee, asho yibbaateebeeti noonoo bulliicheenoo tuneti asheenaꞌo bulli biich goyinneheete. Bi taatemmo, bulli yemeenooniye; bi taatittinoo besheyaachemmi taatittinoone.

Zakaariyaasi 6:13

Doono Yeerichi yaafee kexon haggemmo biine. Taatee oogoon deꞌiree, taatee qeenooch koteechi bi asheenaꞌon qeejjemmone; bi taatee qeechi gaꞌoochoo qeeshoon tunemmone. Guttiyona ikkittinoona, diggoona shuunemminaꞌone’ itone gete.

Maatiyoosi 25:13

“Illa Ashi Bushoo woyemmi aaboonaa saatoonon ariyaano ittoshine; ebich qanniree quyebote” iye.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Hibireena'o 1:8

Tunebaani Yeeri bi Bushoochon gettiibee, “Nuggishoo Yeero, ne taatee qeeno bulli yemeenoon beeyemmone; ne taatittinee daggooch beetinaꞌo bullin tatoona qeejjihine.

Hibireena'o 8:1

No gettaabeeti mooyoochee aafechi mooyo ebine: Shimaayooch oogee yiirechi Yeerichi qannooch koteti, ebiyoommi qeeshee guudo nooch beetone.

Yaasi 5:13

Yaasi Yaariki katinooch beechii, kaama ciinniꞌi, goraadoon kaaccii yechiti, bi aafooch neexeebeeti ikke uroon beeggiye. Yaasiyoo uro waan giddeꞌi, “No daggeexo neenashi, no etteenaꞌo daggeexo neene?” iꞌi echehe.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.

Yaaꞌoo 1:13

Ebi maqirajjeenaꞌo daggooch ashi bushoon shaahoon beeggeho; aroo desh bi baatooch beddaahaa tahoon taheto, bi getoonoo aachoochee shuuneeti cuyoona cuyetone.

Yaaꞌoo 14:14

Aroochee beeggeho; ebiyoche nacce qubo beete; qubee toommoochoo ashi bushoon shaahiibeeto kotetone; bi qellooch aachee gubbichoon uketone; bi kishoonoo aci magaadoon yechitone.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.

Yaaꞌoo 5:13

Shimaayooch, showoochoo, showee dechoo, baharee toommoochoo beeti halleenaꞌo bulli, boonoshi daggoochoo beeti halleenaꞌo bulli “Taatee qeenooch kotetonaa Bagoonoyich galleto, oogo, oogee yiiroonaa giidoona bulli yemeenoon tunebe” boonoshi ii beetaa waayeho.