Hiziqeeli 1:15 - Kafa Linguistics Project

¹⁵ Ebi kashechi halleenaꞌon ciinnaa ta iyaa kashechi awudde halleenaꞌo boonoshi ikkikkoochi gaꞌooch gengoo showooch beeton beeggeho.

Hiziqeeli 1:15 ပူးပေါင်းရင်းမြစ်များ

1 Taateenaꞌo 7:30

Goonee koteenaꞌoyich boonoshi ikkikkoona awudd awudde gooshee gengeenaꞌonaa gengeenaꞌo guuddemmi, gooshee waanjeenaꞌonon shuunehe. Ebiyoommon wotta awudde gocooch goonee degeenaꞌo beetinaꞌone. Degeenaꞌo toommooch mocee bungee gubbichee shaahiyoo kooreetone.

Hiziqeeli 1:6

Boonoshi ikkikkoyich awudd awudde aafeenaꞌonaa awudd awudde qosheenaꞌona beetinaꞌone.

Hiziqeeli 10:2

Doono Yeeri, muttee tuppoochee shippeti tahoon taheti ashoyich ishichiye: “Kiruubeenaꞌochi dechiich beeti gengeenaꞌochi daggooch hamiree, boonoshi gutte daggooch beeti qaaqqee bunoochee ne kishee ceenon ushe; katemee toommoochoo shace” iye. Uroo ta ciinnaa beetaa hammiye.

Hiziqeeli 10:9

Tawoo ciinnaꞌa arooch ikkikke kiruubee gaꞌooch ikkiikkoo tuneꞌi beeti awudde gengoon beeggeho; gengeenaꞌochi malleto wacciibeeti kirisilooboommone.

Hiziqeeli 3:13

Ebiyoo kashechi halleenaꞌochi qoshoo biinnaa biinna tepheyee qaaro, wottoo gigee qaaroommi boonoshi gaꞌooch beeti gengeenaꞌochi guubbee qaaroone.

Daaneeli 7:9

Andoo ta ciinnaa beetaa, nallechinaꞌo kotemmi qeeninaꞌon geddiyeete; areexi ikkooch Wonnee Wonneecho kotehe. Bi taho nacce kechoommone; bi qelli eexoo haatteeti huuttoommi naccoone. Bi qeeno qaaqqee conjoommo, bi qeeno koteti gengoommi mooyo aaxxeebeeti qaaqqoommone.

Yaaꞌoo 4:7

Ikkinnee kashechi halloo daaheroon shaahoone; guttinnee kashechi halloo bariyoon shaahoone; keejjinnee kashechi halloochi aafo ashoon shaahoone; awuddinnee kashechi halloo yoobbiibeeti booyon shaahoone.