Hiziqeeli 1:13 - Kafa Linguistics Project

¹³ Kashechi halleenaꞌo daggooch aaxxee gecheti qaaqqoommi mooyo, wotta boonoshi daggooch okk hach xeelliibee conjiibeeti conjoommi mooyo beetone; qaaqqoo tobbimoone; xeeyoo aroochee xeejjii beehe.

Hiziqeeli 1:13 ပူးပေါင်းရင်းမြစ်များ

Halloo 15:17

Aabe giyaa xumemmona, gocheexi qaaqqee cufoonaa qaaqqee conjoona ebi kapphetaa koteti meechi gutte daggoona beshehe.

Shoddo 104:4

Yongoon ne wocheeyechon, conjiibeeti qaaqqoon ne maddechon tuniihine.

Hiziqeeli 1:7

Boonoshi baateenaꞌo kaameenaꞌone; boonoshi shanekkoo maamochi shanekkoommone; ebi shanekkoo yoppheeti gooshoochoommon waccii beetone.

Hiziqeeli 10:2

Doono Yeeri, muttee tuppoochee shippeti tahoon taheti ashoyich ishichiye: “Kiruubeenaꞌochi dechiich beeti gengeenaꞌochi daggooch hamiree, boonoshi gutte daggooch beeti qaaqqee bunoochee ne kishee ceenon ushe; katemee toommoochoo shace” iye. Uroo ta ciinnaa beetaa hammiye.

Daaneeli 7:9

Andoo ta ciinnaa beetaa, nallechinaꞌo kotemmi qeeninaꞌon geddiyeete; areexi ikkooch Wonnee Wonneecho kotehe. Bi taho nacce kechoommone; bi qelli eexoo haatteeti huuttoommi naccoone. Bi qeeno qaaqqee conjoommo, bi qeeno koteti gengoommi mooyo aaxxeebeeti qaaqqoommone.

Maatiyoosi 28:3

Maraakoochi aafo xeeyoochoommon phaqqiibeeto, bi taheti tahoo kecho naccoommon naccoone.

2 Tasaloonqi 1:7

and xuuxoon beeggiibeeti ittoshin ebi xuuxoochee kichiree noonna tookki kashiyemmone. Ebin bi tuniyemmo, Doono Yesuusi giidechi bi maraakeenaꞌona tookkii shimaayoochee bi waahoobane.

Yaaꞌoo 10:1

Aroyee gubb bare giidechi maraakoo quboon taheꞌi, shimaayoochee kindii bi beetaa beeggeho; bi shimbooch ximbittoo beetone; bi aafoochaa aabeechoommon aaxxee beetone; bi baatoo qaaqqee aaxxee conjoommone.

Yaaꞌoo 18:1

Ebiyee gubb, ooge hakkechi bare maraakoo shimaayoochee kindii beetaa beeggeho; bi oogee yiiroochee tiyitona showee toommooch bekko tunehe.

Yaaꞌoo 4:5

Are taatee qeenoocheenoo xeeyee phaqqoo, ooge qaaroonaa xeeyee qaaroona kechii beehe; taatee qeechi aafoochoo shabaatte ceechee conjoo aaxxee beehe; boonoshiyoo Yeerich maddeebeeti shabaatte ayaaneenaꞌone.