Hiziqeeli 1:1 - Kafa Linguistics Project

¹ Shaashinnee natooba, awuddinnee agenee uuchinnee qemooba Kebaari aachi gashooch, keccetinaꞌo daggooch ta beetaa shimaayoo qecheetaa Yeerichi yaaꞌoon beeggeho.

Hiziqeeli 1:1 ပူးပေါင်းရင်းမြစ်များ

Halloo 15:1

Ebi mooyoyee gubb, Doono Yeeri yaaꞌoona Abraamich ishichiye: “Abraamo, shattaahine. Ta neen gaachoochoommon quyemmo taane; neech ta immemmi wojjoo oogeti woddoone” iye.

Halloo 46:2

Yeeri yaaꞌoona Israꞌeelich xum bekkeꞌi, “Yaaqobo, Yaaqobo” iye. Biyoo eekkehe.

Shoddo 137:1

Baablooni aacinaꞌochi gaꞌooch kotehone; Tsiyoonin gabaachaa eeppehone.

Keyo 24:10

Israꞌeelee Nuggishoon beeggiyeete. Bi baatee dechiich birooba shimaayoo xalloommon xalleti, sapiiree aaxxe xaqqoochee shuuneeti, godoommi mooyo beetone.

Isiyaasi 1:1

Yihudee taateenaꞌo, Uziyaahi, Yotaami, Akaazinaa Hiziqiyaasinochi taatee yemeenooba, Yihudinaa Yerusaaleminochon Amootsi bushoo Isiyaasi beeggiti yaaꞌoo.

Isiyaasi 6:1

Taatoo Uziyaahi qititi natooba, Doono Yeeri genjoonaa kaama hashekkimoona tuneti taatee qeenooch koteꞌi beeton beeggeho; bi qoreddee caappoo yaafee kexon ceennitone.

Erimiyaasi 29:15

Ittoshiyoo “Doono Yeeri Baabloonee showooch keemechon nooch tiijjitone” ito ittoshine.

Hiziqeeli 1:3

Doono Yeerichi qaaro Kalideenaꞌochi showoochaa, Kebaari aachi gashoochaa, Buuzichi bushoo tuneti qeeshoo Hiziqeeli ta waan waahe; Doono Yeerichi giidoo aroochaanoo ta toommooch waatone.

Hiziqeeli 10:1

Ciinnaa ta iyaa, ebiyoche kiruubeenaꞌochi qelloyee tookk beeti gumoyee tookk, sapiiroochee shuuneeti taatee qeenoommi mooyo beete.

Hiziqeeli 10:10

Awuddeenaꞌochi malletolla shaahoone; gengoo bi ikkikkoona bare gengee daggooch kocee kotetoniye bi shaahiibeeto.

Hiziqeeli 10:15

Kiruubeenaꞌoo kaama tiyiyeete; eboshiyoo Kebaari aachi gashoochaa ta beeggeti kashechi halleenaꞌone.

Hiziqeeli 10:20

Eboshi Kebaari aachi gashoochaa Israꞌeelee Nuggishoyee deshi qach ta beeggeti kashechi halleenaꞌone; tawoo kiruubeenaꞌo boonoshi tunoon ariiho.

Hiziqeeli 10:22

Boonoshi shaahoo Kebaari aacoochaa ta beeggeti kashechi halleenaꞌochi shaahoommone; boonoshi ikkikkoona kaamooch aaf qaxirii beeheete.

Hiziqeeli 11:24

Ebi taach bekketi yaaꞌoona Yeerichi Ayaano taan kaama tiijjiꞌi Baabloonee showooch beeti keceenaꞌo waan deebiye. Aroochee ta beeggeti yaaꞌoo ta waanee kuxehe.

Hiziqeeli 3:15

Telabiib, Kebaari aachi gashooch koteti keceenaꞌo waan waaho; ebi mooyona keqqoona arooch boonoshi daggooch shabaatte qemon koteho.

Hiziqeeli 3:23

Tawoo tiyaꞌa are yimaane showooch hammo; ebiyoche Kebaari aachi gashoochaa ta beeggeti oogee yiiroommi Doono Yeerichi oogee yiiroo arooch neexeꞌi beete; tawoo baroona showooch guufeho.

Hiziqeeli 40:2

Yeerichi yaaꞌoona Israꞌeelee showooch deebiꞌi, ooge guudi toommooch taan kotiihe; aroochoo meeti kexinaꞌo shuuneeti katemoommi mooyon deshi-waanee ciinneho.

Hiziqeeli 43:3

Ebi ta beeggeti yaaꞌoo, katemoon aalliiya bi waahooba ta beeggetoommo, Kebaari aacoochaanoo ta beeggetoommone; tawoo baroona showooch guufeho.

Hiziqeeli 8:3

Biyoo kishoommi mooyon yaggiꞌi ta qelli eexon yechiye; Ayaano showoonaa shimaayoona gutte daggooch kaama taan tiijjiye; aroochee Yerusaalem, qanaatoon tiijjiibeeti shahalloo neexetooch, maaci addibaabooch giyeebeeti dambi-waanee yaafee kechi kellooch Yeerichi yaaꞌoona taan daammiye.

Hosee'i 12:10

“Keemechinaꞌoyich yibbaatehoye; wodde yaaꞌoonoo boonoshich bekkiihoye. Keemechinaꞌona shaahiyoon boonoshich gettoye.

Yoꞌeeli 2:28

Doono Yeeri ishichiye: “Ebiyee bekk, ta Ayaanoon meeno taheti asho bulli toommooch woniyemmo taane; ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi geeneenaꞌo gumon gummemminaꞌone; gurimaasheenaꞌoo yaaꞌoon beeggemminaꞌone.

Haddoo 12:6

Ishichiinoo iye: “Ta gettaa beeton waayebote. Ittoshi daggooch keemecho bi beegaata, Doono Yeeri ta, yaaꞌoona biich bekkaabeeto taane; gumonoo biich gettaabeeto taane.

Haddoo 4:3

Boonoshi eeno shaashe natoochee aache natooch beddaahaa beeti, danee duukkaanee shuunooch giyiꞌi maddoyich bedditi anaamo bullin haddibote.

Maatiyoosi 17:9

Ebiyee gubb, Yesuusinaa keejje bi dabbeenaꞌona guudi toommoochee boonoshi kindii beetaa, Yesuusi “Ashi Bushoo qitoochee tiyimmi wottoon, ittoshi beeggiton konichona gettaahote” iꞌi gettiye.

Maatiyoosi 3:16

Yesuusi aacona bi afaalleetoyee gubb, bekkech aacoochee kechiye; areegaata shimaayoo [biichoo] qecheehe; aroochee Yeerichi Ayaano bi ashittinee halloo uggechoommon tuneꞌi, bi toommooch kindii kotoon beeggiye.

Maariqoosi 1:10

Bekkech Yesuusi aacoochee bi kechimmona, shimaayoo qecheeꞌi Yaafe Ayaano bi ashittinee halloo uggechoommon tuneꞌi Yesuusi toommooch bi kindoon Yowannisi beeggiye.

Luqaasi 3:23

Yesuusi batti batt Yeerichi qaaroon dojjooch bi giyiyooba, bi eeno shaashe natt bedoone. Asheenaꞌoyich bi shaahito Yooseefichi bushoo, Eeli bushoo,

Yowannisi 1:51

“Iberoon ittoshich gettoye: Shimaayoo qecheetaa, Yeerichi maraakeenaꞌo Ashi Bushoo toommooch keyi kindi boonoshi beetaa, beeggemmo ittoshine” iye.

Mishiraachechinaꞌo 10:11

Are yaaꞌoona shimaayoo qecheetaa, oogeti naxaloon shaahiibeeti mooyona awudde caappoona yecheeti qiico showooch kindiye.

Mishiraachechinaꞌo 10:3

Ikke areddoon yiixiye saati bedooch Yeerichi maraakoo “Qorinelooso!” iibee bi waan bi giyii beetaa, yaaꞌoon xallayii beeggiye.

Mishiraachechinaꞌo 7:56

Aroochee “Ebiyoche, shimaayoo qecheeꞌi Ashi Bushoo Yeerichi qanne badd neexeebeeto taach bekkeebeete” iye.

2 Qorontoosi 12:1

Geecoo gaacaallo bi tunetaanoona, geecoo taach qaawii beetone; eke and Doono Yesuus waanee taach bekketi yaaꞌeecho waan wottebon.

Yaaꞌoo 19:11

Shimaayoo qecheetaa beeggeho; ebiyoche nacce hareshoo bekkehe; aroon yebbeto Gibeneetonaa Iberoona getteehe; biyoo tachiꞌi nallii, bi shixechinaꞌonoo koyee beetone.

Yaaꞌoo 4:1

Aroyee gubb ciinneho; ebiyoche shimaajji taatee xaaꞌooch qecheeti kello beete; shiichaꞌa ta waayeti tiree qaaroommi qaaro, “Hach damba keyi wobe! Ebiyee gubb tunemmi mooyon neech bekkiyemmo taane” iye.