Hibireena'o 9:4 - Kafa Linguistics Project

⁴ Ebi are xaaꞌooch ixaano shookkeebeeti deejjee qiico beetone; ebi deejjee qiico aachoona dikkeetone; wotta bi guude gawo bulli aachoona dikkeeti wogee taaboote beetine; ebi taabootee daggooch mannoo beeti aachee qullo, atee waajjeti Haroonichi gumbeenaa Yeerichi sheeroo kooreeti gutte xaqqeenaꞌona beetinaꞌone.

Hibireena'o 9:4 ပူးပေါင်းရင်းမြစ်များ

1 Taateenaꞌo 7:50

xoofeenaꞌo, qafeteenaꞌo, quppe saaneenaꞌo, ixaanee qiiceenaꞌo, qaaqqee buno yecheyemmi qiiceenaꞌo; Yaafe Xaaꞌeexi Yaafooch giyeebeeti kellee shaaqqeenaꞌonaa yaafee kechi kella giyeebeeti kellee shaaqqeenaꞌonochi aachee maaxaafeenaꞌonane.

1 Taateenaꞌo 8:21

Doono Yeeri no qaabbechinaꞌon Gibitsee bi kichiyooba, boonoshina tookkii bi giyiti wogo kooreeti xaqqoo arooch beeti taabootoyich, are kexooch xaaꞌoon qanniito taane” iye.

1 Taateenaꞌo 8:9

Israꞌeeleenaꞌo Gibitsee boonoshi keyiyooba, Doono Yeeriyoo boonoshina tookkii wogoon bi giyiyooba, Kooreebi guudoochaa Muusi kotiiti gutte yalle xaqqeenaꞌoyee besh taabootee maacooch amolla aalloone.

2 Kiinoo 5:10

Israꞌeeleenaꞌo Gibitsee boonoshi keyiyooba, Doono Yeeriyoo boonoshina tookkii wogoon bi giyiyooba, Kooreebi guudoochaa Muusi kotiiti gutte yalle xaqqeenaꞌoyee besh taabootee maacooch amolla aalloone.

Keyo 26:33

Maccillaatoon qamaaxireenaꞌooch kaꞌiichi, wogee taabootoon maac giijjiree, maccillaatee gubbaa kotiibe. Ebina maccillaatoo Yaafe Xaaꞌoon Yaafe Xaaꞌeexi Yaafoyee barbariyemmone.

Keyo 31:18

Doono Yeeri Siini guudi toommoochaa Muusina tookkii bi yibbaatoon bi ciichitoyee gubb, bi yapheroona kooreeti, gutte yalle miixee xaqqeenaꞌon Muusich immiye.

Keyo 32:15

Muusiyoo gutte yalle miixee xaqqeenaꞌon bi kishooch yechiꞌi, guudi toommoochee kindiye; ebi yalle xaqqeenaꞌo aafinaa gubbinon kooreetinaꞌone.

Keyo 34:29

Muusi Doono Yeerina tookkii bi yibbaatetoyich, gutte yalle miixee xaqqeenaꞌon yechiꞌi Siini guudoochee bi kindiyooba, bi baroo waccii beetone; tunebaani bi ebin ariyaanoone.

Keyo 37:25

Betsaleeli ixaano shookkeyemmi deejjee gudoon geellee mixoochee shuunehe. Ebi gudo bi gidoo ikke hiroo, bi maacoo ikke hiroone; awudde bi naaboo bulli tatoone; bi neexoo gutte hiroone. Ebi are deejjee gudee awudde shuutoona beeti qareenaꞌo tookkii ikkochee shuuneetinaꞌone.

Keyo 39:35

miixee taabooto, bi yareenaꞌonaa axaaxoon maariyee guufoona;

Keyo 40:3

Miixee taabootoon bi daggooch kotiichi, maccillaatoona qeribe.

Leweenaꞌo 16:12

Doono Yeeri ta aafooch beeti deejjee gudoochee qaaqqee buno gedaa ceenniti, ixaano shookkeebeeti qiicoonaa gutte kopp bede qacini gaawe cinnechi ixaanoonon yeshiree, maccillaatee maac gibe.

Haddoo 17:10

Doono Yeeriyoo Muusich ishichiye: “Haroonichi gumboon wogee taabootee aafooch wochiree kotiibe. Ta toommooch boonoshi guruuxiibeeti guruuxoo echemmoyich, boonoshiyoo qitaachemmoyich, ta toommooch tiyiibeeti asheenaꞌoyich malletoo tuneree quyeebe” iye.

Haddoo 17:5

Ta kaacceti ashi gumbe atemmine. Ittoshi toommooch boonoshi guruuxiibeeti Israꞌeeleenaꞌochi guruuxoon ta waanee ebina kuxxemmo taane” iye.

Haddoo 17:8

Bi dechara, Muusi taabooto beeti duukkaanee maac giyiꞌi Lewi yoodoochee tuneti Haroonichi gumbo ateton beeggiye; wottoo nollii bungiꞌi kachiti luuzoon aafetone.

Yibbaatoo 9:11

Aabbe areddoonaa aabbe xumoonoyee gubb ittoshina tookkii bi giyiti wogo kooreeti yalle xaqqeenaꞌon Doono Yeeri taach immiye.

Yibbaatoo 9:9

Tawoo Doono Yeeri ittoshina tookkii bi giyiti wogo kooreeti yalle xaqqeenaꞌon deeboyich guudi toommooch ta keyiyooba, are guudi toommooch aabbe areddoonaa aabbe xumoonon yagiyo. Maayoon tuneba uyoon, amoonolla ta noonooch bechaano taane.

Yaaꞌoo 11:19

Shimaajj beeti Yeerichi yaafee kexo qecheehe; Yeerichi wogee taabootoo ebi yaafe bi kexoochaa bekkehe; xeeyee phaqqoo, ooge qaaroonaa xeeyee qaaroona, showee qewoonaa giidechi baderoona tunehe.

Yaaꞌoo 8:3

Bare maraakoo ixaano shookkeebeeti aachee qiicoon yechii waaꞌi, deejjee gudee gaꞌooch neexehe. Taatee qeechi aafooch beeti, aachoochee shuuneeti deejjee gudee toommooch yaafeenaꞌo bullichi corootoona tookki bi giddiyemmi dofee ixaano biich ichehe.