Hibireena'o 8:9 - Kafa Linguistics Project

⁹ Ebi wogo, ittoshi qaabbechinaꞌon Gibitsee yaabii kichoyich, boonoshi kishoon ta yeshiyooba, boonoshina tookkaa ta giyeti wogoommo toonoone. Boonoshin cikkii qajjehoye; ebiyoo, boonoshi ta wogoona manjaaneenaꞌo boonoshi tunetoyichiye, iye Doono Yeeri.

Hibireena'o 8:9 ပူးပေါင်းရင်းမြစ်များ

Halloo 19:16

Tunebaani Looxi nibbehe. Doono Yeeriyoo Looxich bi ariqqetoyich, hini are maraakeenaꞌo bi kishoon, bi mechee kishoonaa bi gutte bushiisheenaꞌo kishoonon yechiꞌi, katemoyee maach kichiyeete.

Iyoobi 8:20

“Yeeri kaame asheenaꞌon dufaache; tunebaani gondeenaꞌon gaacheyaache.

Shoddo 105:43

Ebich bi asheenaꞌon emiroona, bi kaaccitonoo ililoona yaabii kichiye.

Shoddo 77:20

Muusinaa Harooninochi kishoona, ne asheenaꞌon bagoochoommon yaabihine.

Shoddo 78:57

Wotteꞌi boonoshi qaabbechinaꞌochoommon dawushechinaꞌo tuneheete; qungeti shangoochoommon gibeneyaaneenaꞌo tuneheete.

Keyo 32:8

Boonoshich ta getteti getoochee kaatee shokiyeete; aachoon ukkiꞌi, shahalloon maamochi shaahoona boonoshi qellich shuuneheete; aroyichoo goyinnee, deejjoonoo biich deejjiꞌi, ‘Israꞌeelee ashoocho, Gibitsee neen kichiti nuggishoo hinine’ iyeete” iye.

Keyo 34:10

Aroochee Doono Yeeri Muusich ishichiye: “Israꞌeeleenaꞌona tookki wogoon giyemmo taane. Ebiyee aaf showee toommo bulliich, ameexi aagetoyichona aricheyaani, worganikkiti mooyon ne asheenaꞌo bulli aafooch tuniyemmo taane. Boonoshi daggooch ne beeti hini asheenaꞌo, Doono Yeeri ta neenna tuniyaabeeti shuunoo am shaahoon shattiibeeto gaata beeggemminaꞌone.

Solomooni 8:5

Bi shiiqqi toommooch teeqqaꞌa barahoochee waabeeti, ebi konine? Appilee michi baatooch ne tokketetoochee neen tiijjiyoye; ne indee neen bi xifeto, maaxoona neen bi shiyeto, ebi aroochaane.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 41:13

Ne Nuggishoo Doono Yeeri ta, ‘Neen gaachemmo taane; shattaahine’ iyaꞌa, ne qanne kishoona yecheto taane.

Isiyaasi 51:18

Ne bushiishoo bulliichee, neen yaabemmo ciroona aalloone; ne dichiti bushiisheenaꞌo daggoochee ne kishoona yeshi daammemmo aalloone.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Erimiyaasi 31:32

Ebi wogo, ittoshi qaabbechinaꞌon Gibitsee yaabii kichoyich boonoshi kishoon ta yeshiyooba, boonoshina tookkaa ta giyeti wogoommo toonoone; ebiyoo ta boonoshich kenoommon tunaꞌa ta beetaa, taanna tookkii boonoshi giyiti wogoon boonoshi happitoyichiye” iye Doono Yeeri.

Shoosho 4:16

Doono Yeeri bi qelloona boonoshin shacciye; illa ebiyee bekk boonoshich aaxxiyaachemmone. Qeesheenaꞌoo oogoon daneyaachemminaꞌone; geeneenaꞌoo gaawe aafoona ciicheyaachemminaꞌone.

Hiziqeeli 16:59

“ ‘Nuggishoo Doono Yeeri ishichiye: Wogoon happoona ta wogoon ne hoxetoyich ne tuniitoommon ne toommooch tuniyemmo taane.

Hiziqeeli 16:8

“ ‘Wochinnoon ne gaꞌoona beshaabee neen ciinnaꞌa, shaakkeya ne bedon beeggeho; tawoo ta tahoon ne toommooch yaggii, ne achoon qeriyoye; wogaa neenna tookkii wogoon giyaꞌa neen taachi tuniihoye, iye Nuggishoo Doono Yeeri.

Amootsi 5:22

Micciibeeti deejjoonaa maayi buuroonon taach ittoshi giddiitaa, deꞌaachemmo taane. Ikkittinee deejjoyich awujjiti gijjoon ittoshi giddiiteenolla guudi beegaachemmo taane.

Milikiyaasi 2:13

Ittoshi tuniyemmi bare mooyo ebine: Doono Yeeri ittoshi deejjoon ciinaachemmo bi tunetoyich, ittoshi kishoocheenoo deꞌaachemmo bi tunetoyich, Doono Yeerichi deejjee gudoon acimoona, eefonaa ayinoona qeremmo ittoshine.

Maariqoosi 8:23

Ebich Yesuusi aaf doogoo kishoon yechiꞌi yaabiibee gafoyee maach kichiye. Cudon kushitee (kuujjii) uroo toommooch bi kishoon kotiichii, “Neech bekkeebeeti mooyo beete?” iꞌi echehe.

Mishiraachechinaꞌo 13:11

Andoo Doono magge mooyon ne toommooch deebemmone; aaf doogo tunemmo neene; aabee bekkoon ikke wotteenolla beegaachemmo neene” iye. Bekkech areegaata bi aafo quboochoommon kaappii manderehe; aroochee bi kishoona yeshi yaabemmi ashoon shafee qaawiye.

Mishiraachechinaꞌo 7:36

Biyoo boonoshin yaabiꞌi Gibitsee kichiye; Gibitsaa, Ceelle baharoonaa Siinee barahoonoochaa aabbe naton worganikkiti mooyonaa malletoonon bekkiihe.

Mishiraachechinaꞌo 9:8

Sawuli bi dihitoochee tiyiye; bi aafoon bi gaxximmona, ciinnemmon qajjiye. Ebich asheenaꞌo bi kishoon yechiꞌi yaabiibee, Damaasiqa daammiyeete.

Galaati 4:24

Ebi mooyo shaahiyoone; ebi gutte maacheenaꞌo gutte wogee shaahiyeenaꞌone. Siini guudoochaa icheti wogoon shaahaabeeti ikkee Haggaarine. Areyoo bushiishoon guuchittinoyich shiyaa beetine.

Yibbaatoo 29:1

Kooreebi guudoochaa bi giyiti wogee toommooch daakkiree Moꞌabee showoochaa Israꞌeeleenaꞌona tookki bi giyemmoyich, Doono Yeeri Muusich gettiti wogeechi mooyo ebine:

Yibbaatoo 29:12

Hanaach hiniich ne neexeto, Doono Yeeri neenna tookkii giyiibeeti wogooch biinna tookkii gimoyich, wotta ne Nuggishoo Doono Yeerina tookkaa ne giyeti wogoon quyemmo ne tunoon getoyichiye.

Yibbaatoo 29:25

“Boonoshichoo ishichaa getteyemmone: ‘Boonoshi qaabbechinaꞌochi Nuggishoo Doono Yeeri boonoshin Gibitsee kichiyooba, boonoshina tookkii bi giyiti wogoon boonoshi biichitoyichiye.