Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hibireena'o 8:2 - Kafa Linguistics Project

2 Biyoo ibere duukkaanoo tuneti yaafee kexooch qeeshee guudo tuneꞌi maddee beetone; ebi duukkaanoon xogito asho tuneyaanoon Doono Yeerine.

အခန်းကိုကြည့်ပါ။ ကော်ပီ




Hibireena'o 8:2
15 ပူးပေါင်းရင်းမြစ်များ  

Yaafee duukkaanoonaa bi daggooch beeti qiico bullinon neech ta bekkiimmi gommona shuunebote.


“Qeesheenaꞌo tuneree taach boonoshi maddemmoyich, Israꞌeeleenaꞌo daggoochee ne manoo Haroonin, bi anaami bushiisheenaꞌo Nadaabin, Abiihin, Elazaarinaa Itamaarinon ne waan boonoshi giddemmoyich tuniibe.


Harooni maddoyich bi giyimmi aabo bullin, ebi qamisoon tahebe. Tahaꞌi, Yaafe Xaaꞌooch Doono Yeeri ta aafooch bi giyii beehoobinaa bi kechii beehoobina, qaaxillee qaaro waayeyemmone; biyoo qitaachemmone.


Muusi, duukkaanoon kaamboyee maach wokkiꞌi beeti xaaꞌooch xogii beehe. Aroonoo “Danee duukkaanoo” iye. Doono Yeerin qaawiibeeti asho bulli, kaamboyee maach beeti danee duukkaanooch hammii beehe.


Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.


Kiristoosi Ayihudeenaꞌochi maddecho bi tuneto, Yeeri gibeneeto bi tunoon bekkiiya qaabbechinaꞌoyich gibenikkeeti gibenee qaaroon bi ceechoyichiye;


Bashoommi hini showeexi no kexo, ebiyoo no meeno, bi happee gaata, ashi kishoona shuuneyaani, bulli yemeenee kexo, ebiyoo Yeeri haggiti kexo, shimaayooch nooch beemon ariibeeto noone.


Ittoshiyoo biicho ittoshi tunoona, dokireeto ittoshine. Ebi ittoshi dokkireyoo, axaaxoo waan gaꞌeebeeti gonde shuriyoon shootoyich, Kiristoosina tunetoꞌani ashi kishoona tuneto toonoone.


Qeesheenaꞌo bulli axaaxoon ciroona wokkiyoon hakkaani ebi are deejjeenaꞌon wodde wottoon Yeerich giddiibee qemi qemona neexee maddee beetinaꞌone.


Yeerichi kechi toommooch ukkiroo tuneti ooge qeeshee guudo nooch beeto bi tunetoyich,


Ebiyoo, bulli yemeenoon beeyechi tuneti, Yeeri yameꞌi bi shuuneti katemeen gibenoona quyeebeeto bi tunetoyichiye.


Aafi wogoyich wotta Yeerich maddee doyoonaa hini showeexi yaafee kexona beetone.


Aree hillooch ooge qaaro qeenoochee kechiꞌi, “Ebiyoche, Yeerichi qeyi xaaꞌoo asheenaꞌo daggooch tunetone; boonoshina tookki beeyemmone; boonoshiyoo bi asheenaꞌo tunemminaꞌone. Yeeriyoo bi qelloona boonoshina tookki tuneree boonoshi Nuggishoo tunemmone.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ