Hibireena'o 7:6 - Kafa Linguistics Project

⁶ Meleekitsedeqichi shiijjeroo Lewi yaroochee toonoone; tunebaani Abraham waanee asraatoon deqqitone; Yeeri gibenee qaaroon bi gibenikkiti Abrahamin diiritone.

Hibireena'o 7:6 ပူးပေါင်းရင်းမြစ်များ

Halloo 12:13

Ebich ne naboona taach bi gaawemmonaa ta kasho wodemmonoyich, ‘Bi manee taane’ gete” iye.

Halloo 12:2

“Meeti shiijjereenaꞌon neech ta imaa, boonoshiyoo aricheti aagetoon tunemminaꞌone. Neen diiremmo taane; ne shigoonoo aricheto tuniyemmo taane. Ebich meeti asheenaꞌo neenna diireyemminaꞌone.

Mishiraachechinaꞌo 3:25

Ittoshiyoo Yeerichi keemechinaꞌochi noonoona bi gibenikkiti gibenoonaa no qaabbechinaꞌona tookkii bi giyiti wogoonon qoodeyecho ittoshine; are wogo Yeeri Abrahamin, ‘Ne yaroona showee toommooch beeti shiijjeroo bullin diiremmo taane’ iꞌi bi wogeti wogoone.

Roomi 4:13

Abrahaminaa bi yareenaꞌonoyich “Alemoon woraashemmo ittoshine” iꞌi Yeeri gibenikkitone. Ebi gibenoon Yeeri gibenikkito, Abrahami Yeeri toommooch mulloon bi tooꞌiyoona bi cadiqitoyichalli, Muusichi Sheeroon ceechii bi quyetoyich toonoone.

Roomi 9:4

Boonoshiyoo Israꞌeelee macceenaꞌone; Yeeriyoo boonoshin bi hajjee bushiisheenaꞌo tuniihe; bi oogee yiiroochee boonoshich qoodiye; wogoonoo boonoshina tookkii giyiye; sheeroonoo boonoshich immiye; yaafee kechi maddee doyoon, meeti baribare gibenee qaaroonoo boonoshich immiye.

Galaati 3:16

Ebiyoommon wotta Yeeri Abrahaminaa bi yaroonoyich gibenee qaaroon gettiye; bi gettii beegaata, “Ne yaroyich” iꞌi ikke Abrahami yaroochon gettiyani, “Ne yareenaꞌoyich” iꞌi meetinaꞌochon getaanoone; ebi yaroo getoo Kiristoosine.

Hibireena'o 11:13

Eboshi bulli mulloon Yeeri toommooch tooꞌiichii, Yeeri gibenikkiti gibenoon daneyaanoon qitiyeete; tunebaani wohooch tuneechii ciinniꞌi emiriyeete. “Hini showee toommooch iibboonaa shiqqoona noone” iꞌi miixeheete.

Hibireena'o 11:17

Yeeri “Abrahami eke taach bi qemon beegona” iꞌi, “Ikke ne bushoon taach deejjoon tuniiree deejjibe” bi iyooba, Abrahami Yeeri toommooch mulloon tooꞌiyoona “Yisaaqichi shiijjeroona ceekkemmo neene” iꞌi Yeeri gibenikkiti ebi are ikke bi bushoon Yeerich giddiihe.

Hibireena'o 7:1

Ebi Meleekitsedeqi Saalemi taatoonaa Beshe Nuggishoo Yeerich maddeebeeti qeeshoonane. Abrahaminaa bi aafee bushiisheenaꞌona awudde taateenaꞌon kochii wochiꞌi boonoshi wottehooba, Meleekitsedeqi Abrahamina tookkii daneꞌi biin diiriye.

Hibireena'o 7:7

Diireebeeti asho diiriibeeti ashoyee desho bi tuno aricheti mooyone.