Hibireena'o 7:18 - Kafa Linguistics Project

^18-19 Muusichi Sheeroo ikke mooyinona ceeno tuniyaanoone; ebich yiingaalli, gaacaallo bi tunetoyich, are wonnee sheeroo echetone; tunebaani and Yeer waan noon giddiibeeti beshe gaawe gibeno ichetone.

Hibireena'o 7:18 ပူးပေါင်းရင်းမြစ်များ

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

Mishiraachechinaꞌo 13:39

Wotta bi mulloon Yesuusi toommooch tooꞌiito bulli, Muusichi Sheeroo biisho hakkaani axaaxoo bulliichee biinna biicheyemmo bi tunoon ariibote.

Galaati 4:9

Tunebaani and Yeerin ariichii, beshoonoo Yeeri ittoshin ariichaa, giidaalli hoxeeti shiichee doyooch wochinnoon aabichiꞌi wottehote? Guunon tuneꞌi eboshich wochinnoon hajjeyoon shunniyote?

1 Ximootiyoosi 4:8

Iiwittinoon danoyich ashittinoon kupphiyee dojjoo giisheche mooyoyich gaaccemmone; tunebaani Yeerich diireeti kittinnittinee qocoona beemoyich qellee dojjoo, and hini showee toommooch no beeti beemonaa gubbichoo shimaajji kexooch no beeyemmi beemonoyich gibenikkiibeeto bi tunetoyich, mooyo bullich gaaccemmone.

Hibireena'o 13:9

Baribare dallaawe doyoon dabbiree tate gommoochee kechaahote. No mullo manjemmo Yeerichi wojjoonalli maayoyich icheti doyoon quyoona toonoone; ebi doyoon quyee beetinaꞌo amee gaacoonolla daneyaaneenaꞌone.

Galaati 3:17

Ebinoo gettoye: Shiichiꞌi Yeeri Abrahamina tookkii wogoon giyiye; awudde ballaa shaashe natoyee gubb icheti sheeroo, shiichiꞌi Yeeri manjiiti wogoon happiꞌi are gibenee qaaroon shaddaache.

Galaati 4:21

Hini Muusichi Sheeroyich hajjeeꞌi beemoyich shunnii beetinaꞌote, eke taach getote: Are sheeroo gettii beeton waayeyaachehote?

Galaati 3:15

Ta maneenaꞌote! Ashi doyee yibbaatoommon ishichiyoye; ashi wogolla bi tunetaa manjito bi tunegaata, koniyoona bayon woyee bare qaaroon daakkoon hakkaache.

Roomi 3:31

Illa Yesuus Kiristoosi toommooch no mulloon tooꞌiyoona Yeerichi sheeroon echiyaabeeto noone? Toonoone. Sheeroon manjiihonalli echiyaachone.

Galaati 3:21

Illa sheeroonaa Yeeri gibenikkiti qaaroona kaaree beetone? Toonoone! Kashoon imon hakkemmi sheeroo icheto gaata, iberoon asho cadiqemmo sheeroon bi quyoona tuneshone.