Hibireena'o 7:1 - Kafa Linguistics Project

¹ Ebi Meleekitsedeqi Saalemi taatoonaa Beshe Nuggishoo Yeerich maddeebeeti qeeshoonane. Abrahaminaa bi aafee bushiisheenaꞌona awudde taateenaꞌon kochii wochiꞌi boonoshi wottehooba, Meleekitsedeqi Abrahamina tookkii daneꞌi biin diiriye.

Hibireena'o 7:1 ပူးပေါင်းရင်းမြစ်များ

Shoddo 57:2

Taach bi gabiton ceechiibeeti Yeer waan, Beshoo Yeer waan cookiyo.

Shoddo 76:2

Bi kexon Saalem, bi beeyi xaaꞌoon Tsiyoon tuniihe.

Shoddo 78:35

Yeeri boonoshi Deebe Xaqqo bi tunoon, Beshoo Yeeri boonoshin Biishee Wodiyecho bi tunoon, shalligiyeete.

Shoddo 78:56

Tunebaani ebi Israꞌeeleenaꞌo Yeerin phireheete; Beshoo Yeeri toommooch hukkoon tiijjiyeete; bi qociyoon quyeyaaneenaꞌone.

Daaneeli 4:2

Beshe Nuggishoo Yeeri taach tuniiti worganikkiti malletoonaa gaakkechi shuunoonon ittoshich geto taach gaaweton shaahiꞌi bekketone.

Daaneeli 5:18

“Taatoocho, Beshe Nuggishoo Yeeri ne nihoo Nabukadinatsorin taatiiꞌi, oogoon, giidoonaa oogee yiiroonon biich immitone.

Daaneeli 5:21

Ashi daggoochee kichaa yookkehe; bi mullo gijjee mullooch shaddeehe. Kubbi kureenaꞌona tookkii beehe; gattoochoommonoo mocoon maahe; bi ashittino shimaayoochee kindiibeeti doshoona shuxxiye. Beshe Nuggishoo Yeeri asheenaꞌochi taatittino bulli toommooch hajjiibeeto bi tunoonaa ebi taatittinoon bi shunnito konichona immiibeeto bi tunoonon ciiroochaa ariihe.

Mikiyaasi 6:6

Amoon yeshi shimaajji Nuggishoo Doono Yeeri aafooch hamiree, biich goyinnebot? Micciibeeti deejjoyich, ikke nati bariyeenaꞌon yeshiree bi aafooch giddebote?

Maariqoosi 5:7

Arooba Yesuusi “Hini yinnoocho, uro toommoochee tibe” iye. Ebich uro oogichii cookiꞌi, “Beshe Nuggishoo Yeerichi Bushoo Yesuuso, ta mooyooch neen amo geddiye? ‘Taan yulliyaahine’ iyaꞌa Yeerina neen yecheto taane” iye.

Mishiraachechinaꞌo 16:17

Areyoo Phawuloosinaa noonnon dabbaabee, “Hini asheenaꞌo ittoshi wodemmi gommon ittoshich gettiibeeti Beshe Nuggishoo Yeerichi guuninaꞌone” iibee cookaa beehan.

Hibireena'o 6:20

Meleekitsedeqi qeeshee guudo bi tunetoommon, Yesuusi bulli yemeenoon qeeshee guudo tuneꞌi, noyee shiichii arooch noocha iꞌi giyitone.

Hibireena'o 7:2

Abrahami wotta keccii bi deebiti mooyo bulliichee, asraatoon Meleekitsedeqich immiye. Ebi Meleekitsedeqichi shigo shiichiꞌi “cadiqee taatoo” getteehe; baroo wotta “Saalemi taatoo” getteehe; ebi geto, “diggee taatoo” getone.

Hibireena'o 7:3

Meleekitsedeqichi nihoonaa indeenocho, bi shiijjee yoodoochoo kooreeti mooyo aalloone; bi shiijjeti aaboonaa bi qititi aaboonon gettiibeeti mooyo kooreyaanoone; tunebaani Yeerichi Bushoona shaahiitaa bulli yemeenoon qeeshoo tuneree beeyemmone.

Hibireena'o 7:6

Meleekitsedeqichi shiijjeroo Lewi yaroochee toonoone; tunebaani Abraham waanee asraatoon deqqitone; Yeeri gibenee qaaroon bi gibenikkiti Abrahamin diiritone.