Hibireena'o 5:8 - Kafa Linguistics Project

⁸ Amoommon Yeerichi Bushoo bi tunetaanoona, bi toommooch shaggiti qaaꞌi mooyona Yeeri tuniibe iti mooyo bullin tuniyoon doyiye.

Hibireena'o 5:8 ပူးပေါင်းရင်းမြစ်များ

Isiyaasi 53:5

Tunebaani bi, no xuꞌee naboona kochee mayehe; no axaaxee naboona yiikkeehe; bi naxeetaa no wodoon danehone; bi mayona no wodiyone.

Maatiyoosi 3:15

Yesuusiyoo wochiꞌi, “And qajje gettaaye; ebin tuniyoona Yeeri aafooch kaamoo tuneto bullin shuuno nooch qaawiihe” iye. Arooba Yowannisi tunebe iye.

Yowannisi 10:18

Ta shuniree qitehoani, ta shunaanoon taan wuxemmo aalloone. Qitoonaa qitoochee timonoyich hakkoo taach beetone; ta Nihoo ‘Ebin tuniibe’ itone” iye.

Yowannisi 15:10

Ta Nihoo ‘Tuniibe’ iꞌi bi gettiton ta ceechoommon, bi shunoonoo ta beemoommon, ‘Tuniibote’ iyaꞌa ta getteton ittoshi ceechigaata, ta shunoona beeyemmo ittoshine.

Yowannisi 4:34

Yesuusi wochiꞌi boonoshich ishichiye: “Taach maayo geto, taan wochetochi daaggoon ceechoonaa bi shuunoon ciichoonane.

Filipphisiyoosi 2:8

Bi qelloon giishiihe; qitooch beddaahaa, ebiyoo masqalee toommooch yooddeꞌi qitooch beddaahaa, Yeerich deꞌa iye.

Hibireena'o 1:2

And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

Hibireena'o 1:5

Maraakeenaꞌo daggoochee konichiye Yeeri, “Ne, ta Bushoo neene; hanaach neen shiyeto taane” bi ito? Wotta konichiye, “Ta biich Nihoo tunemmo taane; biyoo taach Bushoo tunemmone” bi ito?

Hibireena'o 1:8

Tunebaani Yeeri bi Bushoochon gettiibee, “Nuggishoo Yeero, ne taatee qeeno bulli yemeenoon beeyemmone; ne taatittinee daggooch beetinaꞌo bullin tatoona qeejjihine.

Hibireena'o 3:6

Tunebaani Kiristoosiyoo Yeerichi kechi asheenaꞌo bulli toommooch bushoochoommon gibeneetone. No wotta noon aafo kupphiibeeti, geeciibeeti gibenoon [ciirooch beddaahaa manjiiꞌa] no yeshigaata, Yeerichi kechi asho noone.