Hibireena'o 5:7 - Kafa Linguistics Project

⁷ Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.

Hibireena'o 5:7 ပူးပေါင်းရင်းမြစ်များ

Shoddo 22:24

Aroo xukketochi xukkoon qallayii hoxeyaanoone; bi aafoonoo bi waanee badd wochaanoone; tunebaani bi waan bi cookiyooba waayehe.

Shoddo 69:1

Aaco ceennii ta qettooch bi bedditoyich, Yeero, taan wodiibe.

Shoddo 88:1

Taan wodiyechi ta Nuggishoo Doono Yeero, areddoonaa xumoonon ne aafooch cookiyoye.

Isiyaasi 49:8

Doono Yeeri ishichiye: “Shucheti aabooba neech wochemmo taane; wodiyee aabooba neen gaachemmo taane; neenoo quyemmo taane; showoon wochi ne shuunemmoyich, ashaalli shokkoo echeti showoon ne qoodemmoyich, wogoon neen tuniiya asheenaꞌoyich immeto taane.

Isiyaasi 53:11

Cadiqe ta guuno, bi kashe xuuxetoyee gubb, kasheechi bekkoon beegiree emiremmone; bi ariyoona meetinaꞌon cadiqiyemmone; boonoshi xuꞌoonoo shaaggemmone.

Isiyaasi 53:3

Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Leweenaꞌo 2:2

Qeesheenaꞌo tuneti Harooni anaami bushiisheenaꞌo waan deebe. Qeeshoo qacini buddinoonaa zayitoonoochee, ixaano bullina tookki ikke ushon tiijjibe. Ebinoo qaaqqooch michaa giddeebeeti, Doono Yeeri taach gaawe cinnoon cinneebeeti maayi buuroon tuniiree shalligichoyich deejjee gudee toommoochaa giddiibe.

Maatiyoosi 27:46

Yiixiye saatooch, Yesuusi “Eloohe, Eloohe! Lamaa sabaqitaani?” iꞌi bi qaaroon oogichiꞌi cookiye. Ishi geto “Ta Nuggishoocho, ta Nuggishoocho, amoyich taan qajjenne?” getone.

Maatiyoosi 27:50

Aree hillooch Yesuusi wochinnoon oogichiꞌi bi cookitoyee gubb bi kasho abbetehe.

Maariqoosi 15:34

Yiixiye saato ceenaa, Yesuusi “Eloohe, Eloohe! Lamaa sabaqitaani?” iꞌi bi qaaroon oogichiꞌi cookiye. Ishi geto “Ta Nuggishoocho, ta Nuggishoocho! Amoyich taan qajjenne?” getone.

Maariqoosi 15:37

Yesuusi oogichiꞌi bi cookitoyee gubb, bi kasho abbetehe.

Luqaasi 23:46

Yesuusiyoo oogichii cookiꞌi, “Ta Nihoocho, ta kasheen ne kishooch beshii immeto taane” iye. Ebin bi gettimmona, bi kasho abbetehe.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 11:35

Yesuusi acimoon ukkiye.

Yowannisi 11:42

Bulli aaboon ne waayoon ariibeeto taane; tunebaani taan ne deejjoon boonoshi iberiyemmoyich, hini ta guudoona neexeti asheenaꞌoyicha iyaꞌa ishin gettoye” iye.

Yowannisi 17:1

Yesuusiyoo bi dabbeenaꞌoyich ebi bullin bi gettitoyee gubb, kaama shimaajj ciinniꞌi ishichiye: “Ta Nihoocho, saato shaggitone; ne Bushoo ta neen oogiyemmoyich taan oogiibe.

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

Galaati 4:4

Tunebaani Yeeri noon bi bushiishoon tuniiya iꞌi sheeroyich hajjeeꞌi beetinaꞌon biishe bi kichemmoyich, yemeeno shagiyooba bi Bushoon wochehe; wochee waa maachee waanee shiijjeꞌi sheeroyich deꞌa iibee beehe.

1 Ximootiyoosi 3:16

Biich diireeti kittinnee qocoona beemichon Yeeri gaxxiti maacee mooyo worganikkiibeeti ooge mooyo bi tunoon koniyoona nookkeyaache; ebiyoo: Asho tuneꞌi bekketo, cadiqo bi tuno Yaafe Ayaanoona miixeeto, maraakeenaꞌoyich bekketo, aageteenaꞌo bulliich awaajjeeto, alemooch gibeneeto, oogee yiiroona shimaajj kechito, ii beetone.

Hibireena'o 10:10

Ebina Yesuus Kiristoosi Yeerichi daaggoon ceechitone. Bi qelloon deejjoo tuniiꞌi Yeerich ikke wottoon bi giddiitoyich, axaaxoo bulliichee yaafeeto noone.

Hibireena'o 10:5

Ebich Kiristoosi hini alemooch woya bi iyooba Yeerich ishichitone: “Deejjoonaa buuroonon qaawaano neene; tunebaani ashittinee quumoon qanniiꞌa taach immehine.

Hibireena'o 11:7

Noohi, Yeeri toommooch mulloon tooꞌiyoona batt bekkeyaan beeti mooyon Yeeri biich arichiitaa, Yeerin shattiꞌi biinnaa bi kechi asheenaꞌonon wodiyemmi markaboon shuunee qanniihe. Ebina aroobee yemeenooch beeti asheenaꞌochi gonde mooyon xalla bekkiihe; mullee tooꞌiyoona daneebeeti cadiqoon Yeer waanee danehe.

Hibireena'o 12:28

Ebich shuuraachemmi taatittinoon deqqemmo no tunetoyich, Yeerin galletebone; biin emirikkiibeeti gommona oogii shatibee biich goyinnebone.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,

Hibireena'o 2:14

Illa ebi bushiisheenaꞌo meenon taheti asheenaꞌo boonoshi tunetoyich, Yesuusiyoo wotta boonoshichoommon meenon taheti ashoon tunehe. Ebin Yesuusi tuneto, bi qitoona ashoon wuxee hakkoo biich beeti daabiloosin ebi bi hakkoon bi mucciyemmoyichiye.

1 Yowannisi 4:3

Wotta Yesuus Kiristoosi meenona bi womon nookkeebeeti ayaano bulli Yeer magecho toonoone. Ebiyoo Kiristoosina koyechi ayaanoone. Aroo woyemmone getaa waayeto ittoshine; andolla hini showee toommooch beetone.

2 Yowannisi 1:7

“Yesuus Kiristoosi asho tuneꞌi waataanoone” ii beeti meeti muricciyechinaꞌo hini alemooch kechitinaꞌone. Ebiyoommi asho Kiristoosina koyechonaa muricciyechonane.