Hibireena'o 5:1 - Kafa Linguistics Project

¹ Qeeshee guudo bulli, asheenaꞌo shuuneti axaaxoon wokkiyoyich buuroonaa deejjoonon bi giddiyemmoyich, ashi daggoochee Yeeri biin kaacciꞌi, Yeerichi maddee shuunoo bullich asheenaꞌochi qoodoon neechiye.

Hibireena'o 5:1 ပူးပေါင်းရင်းမြစ်များ

Leweenaꞌo 8:2

“Haroonin, bi anaami bushiishoon, qeesheenaꞌochi tahoon, huutee zayitoon, axaaxee deejjoyich tunemmi wuron, gutte bagee baaddoonaa shittoo giyaanoon kachiti, ikke gemee koshonon, eboshi bullin deebe.

Leweenaꞌo 9:7

Aroochee Muusi Haroonich ishichiye: “Deejjee gudo beetooch gidderee, ne axaaxoonaa asheenaꞌochi axaaxoonon maariyoyich axaaxee deejjoonaa micciibeeti deejjoonon deejjibe. Doono Yeeri gettitoommon, asheenaꞌochi deejjoon deejjiree boonoshi axaaxoon maariibe” iye.

Roomi 15:17

Illa Kiristoos Yesuusina Yeerich ta maddaabeeti maddoona geecaabeeto taane.

1 Qorontoosi 15:3

Wotta taach icheti bulliyee beshe mishiraachee qaaroon beshii ittoshich immeto taane. Ebiyoo Yaafe Macaafooch bi kooreetoommon, Kiristoosi no axaaxoyicha iꞌi qitiye; duukkehe; Yaafe Macaafooch bi kooreetoommon, keejje qemooba qitoochee tiyiye.

Hibireena'o 10:11

Qeesheenaꞌo bulli axaaxoon ciroona wokkiyoon hakkaani ebi are deejjeenaꞌon wodde wottoon Yeerich giddiibee qemi qemona neexee maddee beetinaꞌone.

Hibireena'o 10:12

Tunebaani Kiristoosi bulli yemeenoon axaaxoon wokkiyoon hakkemmi ikke deejjoon, ebiyoo bi qelloon deejjoo tunii giddiiꞌi, Yeerichi qanne badd kotehe.

Hibireena'o 11:4

Abeeli mulloon tooꞌiyoona Qayeelichoyee beshe deejjoon Yeerich giddiihe; Yeeri Abeeli giddiiti ebi deejjoona emirito bi tunoon bekkiiꞌi, Abeeli cadiqo tunoon miixehe; Abeeli bi qititaanona, mulloon bi tooꞌiyoona hanaach beddaahaa nooch miixee beetone.

Hibireena'o 2:17

Ebich asheenaꞌochi axaaxoon maariyoyich, Yeerich bi maddoona ariqqechonaa gibeneetona tuneti qeeshee guudo bi tunemmoyich, mooyo bullina bi maneenaꞌon shaahoo biich qaawiitone.

Hibireena'o 7:27

Bare qeeshee guudeenaꞌochoommon shiichiꞌi bi qelli axaaxoyich, gubb wotta asheenaꞌochi axaaxoyich qemi qemona deejjoon Yeerich giddiyoo biich qaawiyaanoone. Asheenaꞌochi axaaxoyich bi qelloon deejjoo tuniiꞌi Yeerich bi giddiihooba, ebi deejjoon ikke wottoon ceechiꞌi tuniitone.

Hibireena'o 8:3

Qeeshee guudo bulli bi ukkireebeeto buuroonaa deejjoonon Yeerich bi giddiyemmoyichiye; ebich hini are qeeshee guudo Yeerich bi giddiyemmi ikke mooyo biich beemo qaawiihe.

Hibireena'o 8:4

Aroo showee toommooch beeto bi gaata, qeeshoo tuneyaacheshone. Ebiyoo, sheeree doyoommon buuroonaa deejjoonon Yeerich giddiibeeti qeesheenaꞌo beetoyichiye.

Hibireena'o 9:9

Ebiyoo andi yemeenooch beetinaꞌoyich bekkiibeeti shaahiyoone. Ebiyoommon Yeerich giddeebeeti buuroonaa deejjoona Yeerich goyinneebeeti ashi mulloon xalliyoon hakkaanoone.