Hibireena'o 4:6 - Kafa Linguistics Project

⁶ Illa shiichiꞌi mishiraachee qaaro boonoshich getaa waayetinaꞌo deꞌa getaache boonoshi itoyich, are boonoshi kashemmoyich Yeeri imma gabiti xaaꞌooch giyaaneenaꞌone; tunebaani arooch boonoshi giyemmoyich Yeeri daaggiti ikkikkeenaꞌo beetinaꞌone.

Hibireena'o 4:6 ပူးပေါင်းရင်းမြစ်များ

Isiyaasi 65:15

Ittoshi shigoon ta kaaccetinaꞌo waanaa maxxaaroyich tuniyemmo ittoshine; Nuggishoo Doono Yeeri ta, ittoshin wuxemmo taane; tunebaani ta guuninaꞌon bariti shigoona ceeggemmo taane.

Haddoo 14:12

Boonoshin kupphe biiyoona yexxemmo taane; boonoshin aalliyemmo taane. Neen boonoshiyee beshe meetinaꞌonaa hakkechinaꞌonoyich nihoo tuniyemmo taane” iye.

Haddoo 14:31

Tunebaani kecceyemminaꞌone ittoshi iti ittoshi bushiisheenaꞌon giijjemmo taane; ittoshi hoxeti showoon boonoshi woraashemminaꞌone.

Maatiyoosi 21:43

“Ebich ittoshich gettoye: Yeerichi taatittine ittoshi kishoochee tiijjaa bi aafoon aafeebeeti maccoyich icheyemmine.

Mishiraachechinaꞌo 28:28

“Illa hini Yeeri bi wodiyee wochoon Aageteenaꞌoyich bi daachiyoon ariibote; boonoshiyoo waayee beetinaꞌone” iye.

1 Qorontoosi 7:29

Ta maneenaꞌote! Ta gettaabeeto ebiniye: Yemeeno qaminnitone; hini alemoonaa bi daggeexi mooyona beshee toommoochiye bi beeto. Ebich ebiyee bekk mechecho mechaalloochoommon, eeppiibeeto eefaanoochoommon, emiriibeeto emiraanoochoommon, qiicoon kemeebeeto qiicaalloochoommon, hini showee toommeexi mooyona gaacheebeeto bi beemon are mooyoyich baach tuniyaanoochoommon tunebe.

Galaati 3:8

Yaafe Macaafooch bi kooreetoommon, Yeeri Aageteenaꞌo boonoshi mulloon bi toommooch boonoshi tooꞌiitaa cadiqiyemmo bi tunoon shiichii Abrahamich “Neenna aageteenaꞌo bulli diireyemminaꞌone” iꞌi mishiraachee qaaroon gettiye.

Hibireena'o 4:11

Illa ebi areenaꞌo deꞌa boonoshi getti qayi naboona boonoshi dihitoommon koniyoona bi dihaachemmoyich, Yeeri nooch bi immemmi kashee xaaꞌooch gimoyich kupphebone.

Hibireena'o 4:2

Israꞌeeleenaꞌo barahooch boonoshi beehooba mishiraachee qaaro boonoshich getteetoommon, noochoo getteetone; tunebaani Yeeri toommooch mulloon tooꞌiyaaneenaꞌo boonoshi tunetoyich, boonoshi waayeti qaaro amoonolla boonoshich gaacaanoone.

Hibireena'o 4:9

Illa Yeerichi asheenaꞌoyich, shambetee kashoommi kasho batt echetone.