Hibireena'o 3:5 - Kafa Linguistics Project

⁵ Muusi gubb Yeeri gettemmi mooyoyich miixoo tuneya Yeerichi kechi asheenaꞌo bulli daggooch aafee bushoochoommon gibeneetone.

Hibireena'o 3:5 ပူးပေါင်းရင်းမြစ်များ

Nehimi 9:14

Yaafeeti ne shambetoonoo boonoshich arichiihine; getoon, qociyoonaa sheeroonon ne guuno Muusina boonoshich immehine.

Shoddo 105:26

Bi guuno Muusinaa bi kaacciti Harooninon deejjiye.

Keyo 14:31

Doono Yeeri Gibitseenaꞌo toommooch bi tuniiti ooge bi giidoon beeggiꞌi, Doono Yeerin shattiyeete; Doono Yeerinaa bi guuno Muusinon gibeneheete.

Keyo 40:16

Muusi bulli mooyon Doono Yeeri biich gettitoommon tuniiꞌi, shuunehe.

Haddoo 12:7

Tunebaani ta guuno Muusina ta yibbaateebeeto ebiyoommona toonoone; Bi, ta kexo bulliich gibeneetone.

Maatiyoosi 24:45

“Illa maayoon boonoshich qaawiimmi saatoona bi immemmoyich bi doono bi kechi asheenaꞌo toommooch bi ukkiriiti gibeneeti mullechi wochee bushoo konine?

Maatiyoosi 25:21

“Doono ‘Gaawiye, hini deꞌe gibeneeti wochee bushoocho! Giishechoona ne gibeneetoyich, woddiiree neen ukkiriyemmo taane. Ta emiroochee giyiree qoodeebe’ iye.

Luqaasi 12:42

Doono Yesuusiyoo ishichiye: “Illa heeyi maayoon boonoshich qaawiimmi saatoona bi immemmoyich, doono bi kechi asheenaꞌo toommooch bi ukkiriiti gibeneeti mullechi wochee bushoo konine?

Luqaasi 24:27

Aroyee gubb Muusichi macaafoo bulliichee tiijjiꞌi keemechinaꞌochi macaafoo bulliich beddaahaa kooreeti bi hajjee mooyon biichiꞌi boonoshich gettiye.

Luqaasi 24:44

Boonoshichoo “Ittoshina tookkaa beebee, ‘Muusichi Sheeroonaa keemechinaꞌochi macaafoonooch, Shoddee macaafoochoo kooreeti ta mooyo bulli ceeno echeyaachemmi mooyone’ ta ito ebiniye” iye.

Yowannisi 5:39

Ittoshiyoo ‘Yaafe Macaafeenaꞌoochee bulli yemeenee kashoon danemmo noone’ iibee, galliꞌi boonoshi daggooch qaawiyote; boonoshiyoo taachon miixee beetinaꞌone.

Mishiraachechinaꞌo 28:23

Boonoshiyoo bare aaboon taajjeꞌi, are taajjee aabooba meetinaꞌo tuneꞌi Phawuloosi beeti kexooch waaheete. Biyoo maaddoochee tiijjiꞌi xum beddaahaa, Yeerichi taatittineechon miixoona bi gaboon bekkiihe; Muusichi Sheeroonaa keemechinaꞌochi macaafoonoochee galliibee, Yesuusichon gettiibee, boonoshi mullooch gedda qiiccehe.

Mishiraachechinaꞌo 7:37

“Israꞌeeleenaꞌon ‘Yeeri, taanoommi keemechon ittoshi maneenaꞌochi daggoochee ittoshich kaaciree neechemmone’ iꞌi gettito hini are Muusine.

Roomi 3:21

Tunebaani and Muusichi Sheeroonaa keemechinaꞌona miixeeti, Yeer waanee daneebeeti cadiqoo bekketone; ebi cadiqoo Muusichi Sheeroon ceechii quyoona danemmo toonoone.

1 Qorontoosi 4:2

Yakkirechinaꞌo bulli waanee qaaweebeeto, boonoshi shuunoona gibeneetinaꞌo tunoone.

Yibbaatoo 3:24

‘Nuggishoo Doono Yeero, ne oogoonaa giidechi ne mochoonon bekkiibeeti, batti batti malletoon ne guuno taach bekkiito neene. Shimaayoochoo tuneba hini showee toommooch ne shuunetoommi, ebiyoommi ooge mooyon tuniyoon hakkemmi nuggishoo aalloone.

Yibbaatoo 34:5

Ebina Doono Yeeri gettitoommon, Doono Yeeri guuno Muusi ebi are Moꞌabee showoochaa qitiye.

1 Ximootiyoosi 1:12

Biich ta maddemmoyich taan kaacciꞌi gibeneeto tunii taan hadditi, giidoon taach immiti no Doono Kiristoos Yesuusin galletehoye.

Hibireena'o 1:1

Wonnee yemeenoochee tiijjiꞌi, Yeeri wodde wottoon baribare gommona no qaabbechinaꞌoyich keemechinaꞌochi noonoona gettiye.

Hibireena'o 3:2

Muusi wotta Yeerichi asheenaꞌon yaabiibee bi tuniiti mooyo bullina gibeneeto bi tunetoommon, ebiyoommon Yesuusiyoo ebi shuunoyich biin iraashiiti Yeerich gibeneetone.

Hibireena'o 3:4

Kexo bullich biin haggiti asho beetone; tunebaani bulli mooyon haggito Yeerine.

Hibireena'o 8:5

Boonoshi maddeto shimaayooch beeti yaafee kechi shaahiyoonaa yiirittoona tunetoochaaniye; ebiyoo Muusi duukkaanoon shuuneya bi tiyihooba Yeeri biich, “Siini guudoochaa neech ta bekkiiti shaahoommon bullin ceechi ne tuniyemmoyich neen ariibe” bi itoyichiye.

Hibireena'o 9:24

Kiristoosi ashi kishoona shuuneeti Yaafe Xaaꞌooch, ebiyoo ibere yaafe xaaꞌeexi shaahiyoona tuneti xaaꞌooch giyaanoone; tunebaani shimaayooch giyiichii, and noocha iꞌi Yeeri aafooch giddetone.

Yaasi 1:15

Boonoshin ittoshi gaachemmo, ittoshi Nuggishoo Doono Yeeri ittoshich bi tuniitoommon, boonoshin bi kashiimmi wottoonaa ittoshi Nuggishoo Doono Yeeri boonoshich immimmi showoon boonoshi woraashimmi wottoononiye. Ebiyee gubb wotteree, Doono Yeeri guuno Muusi ittoshich immiti, Yoordaanoosi aacoochaa aabi-keyo waan beeti, hini ittoshi hajjiti showooch kotemmo ittoshine” iye.

Yaasi 1:2

“Ta guuno Muusi qititone. Illa and neennaa hini asheenaꞌo bullina tibote; Israꞌeeleenaꞌoyich ta immemmi showooch gimoyich Yoordaanoosin kimbote.

Yaasi 1:7

Ne baach kupphebe, maac kuxoonoo tunebe; ta guuno Muusi neech immiti sheeroo bullin manjii quyeree ceechibe. Ne hammemmo bulliich neech bi kaamemmoyich, are sheeroochee qanna yoocha gettaahine.

Yaasi 8:31

Doono Yeeri guuno Muusi Israꞌeeleenaꞌoyich gettitoommon, wotta Muusichi Sheeree Macaafooch bi kooreetoommon, deejjee gudoon bi shuuneto, xuuree qiico bi achooch shagaani, xareyaani xaqqoonane. Ebi aree toommooch Doono Yeerich micciibeeti deejjoon deejjiyeete; ikkittinee deejjoonoo deejjiyeete.

Yaasi 8:33

Ebi tunee beetaa, Israꞌeeleenaꞌo bulli, geeneenaꞌo, iraasheenaꞌo, nallechinaꞌoo, wotta shiqqeenaꞌo, Doono Yeerichi wogee taabootoon shaaggiti, Lewi yoodee qeesheenaꞌo waan boonoshi aafoon wochiꞌi taabootee qanninaa yoochinooch neexee beeheete. Eboshi daggoochee qatinaꞌo Gerizimi guudi ciinooch, qatinaꞌoo Ebaali guudi ciinooch neexetinaꞌone. Ebin boonoshi tuniito, Doono Yeeri guuno Muusi Israꞌeeleenaꞌo diireyemmoyich, shiichii bi gettitoommoniye.

Yaaꞌoo 15:3

Yeerichi maddechi Muusichi shoddoonaa Bagoochi shoddoonon ishichii shoddeheete: “Beshe Hakkechi Nuggishoo Doono Yeero! Ne shuunoo am shaahe worganikkiti ooge shuunoone! Aageteenaꞌochi Taatoocho! Ne gommo am shaahe cadiqe, ibere gommone!