Hibireena'o 3:1 - Kafa Linguistics Project

¹ Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

Hibireena'o 3:1 ပူးပေါင်းရင်းမြစ်များ

Shoddo 110:4

“Meleekitsedeqichi qeeshittinee shafiroona, ne bulli yemeenoon qeeshoo neene” ii Doono Yeeri wogetone; bi gaboon shaddaachemmone.

Isiyaasi 1:3

Gattoo bi doonon arii beetone; kuroo bi doonochi magedoon arii beetone; tunebaani Israꞌeeleenaꞌo ariyaaneenaꞌone; ta asheenaꞌoo shalligaaneenaꞌone” iye.

Isiyaasi 41:20

Ebiyoo, ebin tuniito Doono Yeerichi mochoo bi tunoon, Israꞌeelee Yaafoo ebin bi halloon, asheenaꞌo bulli ciini ariyemmoyich, gabi boonoshi shalligemmoyichiye” iye.

Isiyaasi 5:12

Boonoshi gifiree xaaꞌooch ooge ximboonaa giishi ximboona, kamboonaa shumburoona, woyinee uyoo beetone; tunebaani Doono Yeeri tuniiton, bi shuuneti shuunoonoo gabaaneenaꞌone.

Hiziqeeli 12:3

“Ebich ashi bushoocho, kecooch hammii beeton shaahiree ne qiicoon qanniibe; boonoshi ciini beetaa kecooch hammii beeton shaahiree areddoon tibe; boonoshi ciini beetaa keccetochoommon ne xaaꞌoochee bare xaaꞌooch hambe; hukkechi macceenaꞌo boonoshi tunetaanoona diqqich shalligemminaꞌone.

Hiziqeeli 18:28

Bi tuniiti gonde mooyon shalligiꞌi bi shuuneti axaaxoo bulliichee bi wottetoyich kashoona beeyehalli qitaachemmone.

Haagi 1:5

“And illa Beshe Mawe Doono Yeeri ta gettaa beeton waayebote: Eke ittoshi toommooch shaggiti mooyon shalligibote.

Haagi 2:15

“Wotta Doono Yeeri ishichiye: ‘Eke illa and, xaqqoon xaqqee toommooch keddeꞌi, Doono Yeeri ta yaafee kexon hagooch ittoshi gimoyee aaf tuneti mooyon shalligibote.

Yowannisi 17:3

Ibere Nuggishoo ne baach tuneti neen boonoshi ariyoo, wotta ne deejjiti Yesuus Kiristoosin boonoshi ariyoo, ebi bulli yemeenee kashoone.

Yowannisi 20:21

Yesuusi wochinnoon “Diggoo ittoshich tunebe. Nihoo Yeeri taan bi wochetoommon ta wotta ittoshin wochaabeeto taane” iye.

Yowannisi 20:27

Aroyee gubb Toomaasin “Ne yapheroon deebiree ta kisheenaꞌon yeshiree beege; ne kishoon deebiree ta naabooch giijjibe. Iberiiton tunebaani iberiyaanoon tuneyaahine” iye.

Mishiraachechinaꞌo 1:15

Ikke areddoon kiceeꞌi boonoshi beetaa, balli hiya bede Yesuusichi asheenaꞌo daggooch Pheexiroosi tiyii neexeꞌi ishichiye:

Roomi 11:17

Tunebaani becheeti zayitee mixoochee ikkikke ateenaꞌo boonoshi xooꞌetaa, kubbeexi zayitee michi atoochee tuneti ne, becheeti zayitee michi ateenaꞌo daggooch giyaa xaaqqeeꞌa boonoshina tookkaa michi xepphoochee kechiibeeti mooyo bulliichee qoodeyecho tuneto neene.

Roomi 15:27

Ebin boonoshi qelloona degga shunnitinaꞌone; wotta ebiyoo tunibede mooyone. Ayihudeenaꞌo boonoshich icheti Yaafe Ayaanee wojjoochee Aageteenaꞌoyich qooditinaꞌone; ebich meenoyich qaawiibeeti mooyona wotta Ayihudeenaꞌon gaacho boonoshich qaawiihe.

Roomi 15:8

Kiristoosi Ayihudeenaꞌochi maddecho bi tuneto, Yeeri gibeneeto bi tunoon bekkiiya qaabbechinaꞌoyich gibenikkeeti gibenee qaaroon bi ceechoyichiye;

Roomi 9:24

Eboshiyoo noone getone; noonoo Ayihudeenaꞌo daggoochee baach tuneyaanoon, Aageteenaꞌo daggoochee wotta ceeggitone.

1 Qorontoosi 1:2

Qorontoos beeti Yeerichi kittinnee guuphoyich, Kiristoos Yesuusina Yeeri yaafitinaꞌonoyich, wotta noonnaa boonoshinoyich Doono tuneti no Doono Yesuus Kiristoosichi shigoon xaaꞌoo bullichaa ceeggii beetinaꞌo bullina tookkii yaafeenaꞌo tunoyich ceekketinaꞌoyich:

1 Qorontoosi 10:17

Kosho ikkoo bi tunetoyich, hini are koshoochee qoodeebeeto no tunetoyich, no meettetaanona, ikke ashittino noone.

1 Qorontoosi 9:23

Mishiraachee qaaroochee daneebeeti diiroon ta qoodeyemmoyich, mishiraachee qaaroyicha iyaꞌa ebi bullin tuniyaabeeto taane.

2 Qorontoosi 1:7

No iriteetoommon ittoshi iritee gaata, Yeeri noon bi goggiitoommon ittoshinoo wotta goggiyemmo bi tunoon ariibeeto noone; ebich ittoshi toommooch nooch beeti gibeno manjoone.

2 Qorontoosi 9:13

Ebi wojjoon ittoshi imo gibeneeto ittoshi tunoon bekkiyemmone; Kiristoosichi mishiraachee qaaroon iberiiꞌi deꞌa ittoshi itoyich, boonoshinaa bare asho bullinoyich mulloochee tiijjiꞌi ittoshi deggitoyichoo, asheenaꞌo Yeerin galletemminaꞌone.

Efesooni 3:6

Ebi gaxxeeti mooyoo mishiraachee qaaroona Aageteenaꞌo Ayihudeenaꞌona tookkiꞌi boonoshi woraashoo, ikke ashittino boonoshi tunoonaa Kiristoos Yesuusina Yeeri gibenikkiti gibenee qaaroon tookkiꞌi boonoshi qoodeyoonane.

Efesooni 4:1

Illa Doono Yesuusichi maddecho ta tunetoyich, cuchaꞌa beeti ta, Kiristoosi toommooch mulloon ittoshi tooꞌiyemmoyich Yeeri ittoshin bi ceegiyooba bi gettitoommon, mooyo bullina biin emirikkiya biich bedditon tuneree ittoshi beeyemmoyich ittoshin qollaabeeto taane.

Efesooni 4:4

Yeeri ittoshin bi ceegiyooba ikke gibenoyich bi ceeggitoommon, ittoshi bullich ikke Yaafe Ayaano beetoyich ikke ashittinee quumo ittoshine.

Filipphisiyoosi 3:14

Yeeri Kiristoos Yesuusina, damba beeti kashoyich taan bi ceeggiti naadee wojjoon ta danemmoyich, tuggooch shagga woccaabeeto taane.

Qolaasiyaasi 3:12

Illa Yeeri ittoshin shunniꞌi biich bi kaaccitonaa biich bi yaafiti ashoona ittoshine; ebich ariqqittinoon, deꞌittinoon, qellee giishiyoon, shiimoon, haaꞌiyoon, ebi bullin tahebote.

1 Tasaloonqi 5:27

Hini wochoon kittinnee maneenaꞌo bullich ittoshi shemmemmoyich, Doono Yesuusina ittoshin callaabeeto taane.

2 Tasaloonqi 1:11

Ebich wotta no Nuggishoo bi ceeggiti gaboyich bedditon ittoshin bi tuniyemmoyich, tuniyoyich ittoshi gabiibeeti gaawe gaboon bi giidoona ceechiree, Kiristoosi toommooch mullee tooꞌiyoona ittoshi tuniibeeti shuunoyich ittoshin bi gaachemmoyich, bulli aaboon ittoshich corootaabeeto noone.

2 Tasaloonqi 2:14

Yeeri no Doono Yesuus Kiristoosichi oogee yiiroochee ittoshi qoodeyemmoyich, no getteti mishiraachee qaaroona ittoshin ceeggitone.

1 Ximootiyoosi 6:12

Kiristoosi toommooch mullee tooꞌiyoona koniyoona qiiccee dichaani kuppho tuneree, bulli yemeenee kashee wojjoon yeshe. Yeeri hini bulli yemeenee kashoon ne danemmoyich neen ceegaa, meeti miixeenaꞌo aafoochaa Kiristoosichon gaawichaꞌa miixeto neene.

1 Ximootiyoosi 6:2

Kittinneenaꞌo tuneti doonjechi guuninaꞌo, are dooninaꞌo boonoshich kittinnee maneenaꞌo boonoshi tunetoyich hoxaayeete; tunebaani boonoshi shuunoona gaacheebeeti boonoshi dooninaꞌo kittinneenaꞌonaa shuchetinaꞌona boonoshi tunetoyich, aafichoyee beshiiree maddebeete. And neech ta gettaabeeti mooyinaꞌon kaachi dojjibee ciice.

2 Ximootiyoosi 1:9

Noon wodiito, biichoo diireeto no tunemmoyich noon ceeggito Yeerine. Noonoo bi ceeggito bi hajjee gaboonaa bi wojjoonalli, no shuuneti gaawe no shuunee naboona toonoone. Ebi bi wojjoo bulli yemeenoyee aaf Kiristoos Yesuusina nooch ichetone.

2 Ximootiyoosi 2:7

Doono Yeeri mooyo bullich shalligee mulloon neech immemmone; ebich ebi neech ta getteti mooyon gabibe.

Hibireena'o 10:19

Illa ta maneenaꞌote! Ufeti Yesuusichi damoona Yeer waan Yaafe Xaaꞌeexi Yaafooch no giyemmoyich, aafee kupphoon daneto noone.

Hibireena'o 10:21

Yeerichi kechi toommooch ukkiroo tuneti ooge qeeshee guudo nooch beeto bi tunetoyich,

Hibireena'o 10:23

Gibenikkiti Yeeri gibeneetone; ebich shuuraanoon manjiree no gibenaabeeti mooyon miixoon qajjaayone.

Hibireena'o 13:22

Ta maneenaꞌote! Ebin qaminona ittoshich koorito taane. Ebich ebi ta ciicoon haaꞌiyoona ittoshi waayemmoyich ittoshin qollaabeeto taane.

Hibireena'o 2:11

Yaafii beetonaa yaafee beetinaꞌo bullina ikke Nihoo Yeerichi bushiisheenaꞌone; ebichi naboyich Yesuusi “ta maneenaꞌo” iꞌi ceegoyich yeelleyaanoone.

Hibireena'o 2:17

Ebich asheenaꞌochi axaaxoon maariyoyich, Yeerich bi maddoona ariqqechonaa gibeneetona tuneti qeeshee guudo bi tunemmoyich, mooyo bullina bi maneenaꞌon shaahoo biich qaawiitone.

Hibireena'o 3:12

Ta maneenaꞌote! Beeyechi Yeerin qachiyemmi, Yeeri toommooch mullee tooꞌiyoon bajjemmi gonde mullo diqqich ittoshi daggoochee ikkoyichona bi beetaachemmoyich, ittoshi qelloon quyebote.

Hibireena'o 3:14

Shiichiꞌi nooch beeti gibenoon ciirooch beddaahaa manjiiꞌa no yeshigaata, Kiristoosicho tuneto bullin qoodeyecho noone.

Hibireena'o 6:20

Meleekitsedeqi qeeshee guudo bi tunetoommon, Yesuusi bulli yemeenoon qeeshee guudo tuneꞌi, noyee shiichii arooch noocha iꞌi giyitone.

Hibireena'o 7:26

Yaafoo, bachaallo, muricaallo, axaaxechinaꞌoyee barito, shimaayoyee damba kechito, ebiyoommi qeeshee guudo nooch qaawiihe.

Hibireena'o 7:28

Muusichi Sheeroo hakka guutoo tuneti ashoon qeeshee guudoon tuniiꞌi ukkiriihe; tunebaani Muusichi Sheeroyee gubb waati wogee qaaro, bulli aaboon ceeno tuneti Yeerichi Bushoon ukkiriihe.

Hibireena'o 9:11

Tunebaani Kiristoosi bi waanaa nooch shaggiti gaawe mooyoyich qeeshee guudo tunetone. Beshoonaa gaawetona, ashi kishoona shuuneyaani, ebi getoo hini halleeti showoochee tuneyaani duukkaanooch

Hibireena'o 9:15

Ebich aafi wogo batt manjiꞌi bi beetaa, sheeroon shaaddetinaꞌon boonoshi shuuneti axaaxoochee biishe kichiya Kiristoosi qititoyich, Yeeri bi ceeggiti asheenaꞌoyich bi gibenikkiti bulli yemeenee iristoon boonoshi deqqemmoyich Kiristoosi andire wogee shoobbechone.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.

1 Pheexiroosi 3:5

Ebiyoommon wotta wonnee yemeenooch Yeerin gibeneꞌi biich diireeti genneenaꞌo boonoshi keneenaꞌoyich deꞌa getona mashaamitinaꞌo tunetinaꞌone.

1 Pheexiroosi 5:1

Illa boonoshina tookkii geeno, Kiristoosichi xuuxee miixoo, wotta bekkeya ii beeti Kiristoosichi oogee yiiroochee qoodeyecho tuneti ta, ittoshi daggooch beeti geeneenaꞌon ciiccaabeeto taane:

1 Pheexiroosi 5:10

Bulli yemeenee bi oogee yiiroochee ittoshi qoodeyemmoyich Kiristoosina ittoshin ceeggiti, wojjoo bullin immiibeeti Nuggishoo, giisheche aaboon xuuxoon ittoshi beeggitoyee gubb, bi qelloona bi, ittoshich mooyo bullin tachemmone; ittoshin manjiyemmone; ittoshin kupphiyemmone; Kiristoosi toommooch mulloon tooꞌiyoochee ittoshi shuuraachemmoyich ittoshin neechemmone.

1 Yowannisi 1:3

Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

Yihudi 1:1

Yesuus Kiristoosichi guuno, Yaaqobichi manoo Yihudi waanee, Nihoo Yeeri shunnitinaꞌonaa ceeggitinaꞌonoyich, Yesuus Kiristoosina quyeebeeti kittinneenaꞌo bullich:

Yaaꞌoo 17:14

Eboshiyoo Bagoona koyemminaꞌone; tunebaani Bago boonoshin koyi wochemmone; ebiyoo Bago dooninaꞌochi Doono, taateenaꞌochi Taatoo bi tunetoyichiye; biinna tookkii beeti ceekkeetinaꞌo, kaaccitinaꞌonaa gibeneetinaꞌona wotta koyi wochemminaꞌone” iye.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.