Hibireena'o 13:2 - Kafa Linguistics Project

² Iibbeenaꞌon iibbiyoon batteyaahote; ikkikkeenaꞌo ariyaanoon eechii iibbiibee Yeerichi maraakeenaꞌon iibbiitinaꞌo beetinaꞌone.

Hibireena'o 13:2 ပူးပေါင်းရင်းမြစ်များ

Halloo 18:1

Ikke areddoon, aabee qellayooch Abrahami Mamirichi goree gaꞌooch beeti, bi duukkaanee gaaddaafooch koteꞌi bi beetaa, Doono Yeeri biich bekkehe.

Halloo 19:1

Ebiyee gubb, showoo xum bedooch, gutte maraakeenaꞌo Sodoom shaggiyeete. Looxiyoo katemee kellooch koteꞌi beehe. Biyoo boonoshin beeggiꞌi, boonoshina daneya kotoochee tiyiye; baroona showooch guufeꞌi boonoshin diggiihe;

2 Taateenaꞌo 4:8

Ikke areddoon Elisayi Shuneem hammiye. Aroochoo ikke gaannechi ure beetine. Areyoo Elisayi maayoon bi maayemmoyich kupphiyaa ataalliyan. Aroona bi besheebeeti aabo bulliich, maayoon mamoyich bi kexooch giyii beehe.

Iyoobi 31:19

bi tahemmon mucceꞌi aqqoo biin yechiti ashoon, woyee bi qeddoon qeremmon mucceti girechon,

Iyoobi 31:32

Gommechoyich ta kexo qechoo bi tunetoyich, shiqqoo gommi gashooch qeyii ariyaanoone.

Isiyaasi 58:7

Ittoshi maayoon shaacetinaꞌona tookki ittoshi qoodeyemmoyich, kechaalli girechinaꞌon ittoshi kexooch ittoshi deebemmoyich, tubbeton ittoshi beegiyooba ittoshi tajjemmoyich, ittoshi meechi xibeenaꞌoyich ittoshi aasheyaachemmoyich toone?

Leweenaꞌo 19:34

Ebi shiqqoon showee bushoon shaahiiree ciinote. Ittoshin ittoshi shunoommon, biin shunote. Gibits shiqqoo tuneꞌi ittoshi kotoon batteyaahote. Ta, ittoshi Nuggishoo Doono Yeeri taane.

Maatiyoosi 25:35

Ta shaacetaa, maanjito ittoshine; ta shachewetaa, uchito ittoshine; dallaawaꞌa ta waataa, iibbiito ittoshine;

Maatiyoosi 25:40

“Taatoo wochiree, ‘Iberoon ittoshich gettoye: Bulliyee desho tuneti hini ta maneenaꞌoochee ikkoyichona ittoshi tuniito taach tuniyoommone’ gettemmone.

Maatiyoosi 25:43

dallaawaꞌa ta waataa, taan iibbiyaano ittoshine; ta tubbetaa, tajjaano ittoshine; ta biiyetaa, ta cuchetaa, echeyaano ittoshine’ gettemmone.

Mishiraachechinaꞌo 16:15

Biinnaa bi kechi asheenaꞌona aacona boonoshi afaalleetoyee gubb, “Doono Yesuusi toommooch ta mulloon ta tooꞌiyoo iberoo bi tuno ittoshich bekkegaata, ta kexooch giyiree noonna tookki beebote” iyaꞌa noon manjii qollahan.

Roomi 12:13

Muccee iriteeti kittinnee maneenaꞌoyich ittoshich beetoochee qoodibote; iibbeenaꞌon iibbiyoyich kupphebote.

Roomi 16:23

Taannaa kittinnee guupho bullinon iibbiibeeti Gaayoosi ittoshin diggii beetone. Hini katemee araaqee iraashoo Erasxoosi, no manoo Qarixoosiyoo ittoshin diggii beetinaꞌone.

1 Ximootiyoosi 3:2

Illa kittinnee guuphon yaabii qeejjiibeeti geeno tunemmi asho, gonde mooyona oonneyaano, ikke mechecho, dagg tato, bi qelloon quyecho, gaawe shuriyecho, iibboon iibbiibeeto, Yeerichi qaaroon dojjoon hakkito,

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

Titoosi 1:8

Wotta iibboon iibbiibeeto, deꞌe mooyon shunniibeeto, bi qellee ariyecho, kaamoo, Yeerich diireeto, bi qelloon quyecho tunebe.

1 Pheexiroosi 4:9

Guruuxeyaanoon ittoshinaa ittoshina ikkoo baroon iibbiibe.

3 Yowannisi 1:5

Ta shunechocho! Neech dallaaweenaꞌo boonoshi tunetaanoona, maneenaꞌoyich ne tuniibeeti mooyo bullina gibeneeto neene.