Hibireena'o 12:3 - Kafa Linguistics Project

³ Ittoshi qelloona taahiree gubb ittoshi echeyaachemmoyich, axaaxechinaꞌo bi toommooch deebiti ebi shaahe xuuxoon bi haaꞌiyoon gabibote.

Hibireena'o 12:3 ပူးပေါင်းရင်းမြစ်များ

Shaahiyoo 24:10

Iritee aabooba ne waateyegaata, hakkaallo neene getone.

Isiyaasi 50:4

Taahitinaꞌon, qaaroona kupphiyoon ta ariyemmoyich, Nuggishoo Doono Yeeri ariyechi heciyoon taach immitone. Maaddoona taan tokketoochee tiijjiye; doyechochoommon ta ellemmoyich ta waamon qechiye.

Maatiyoosi 11:19

Ashi Bushoo maabee, uchiibee bi waataa, boonoshi ‘Hini maayoonaa uyoonochi buujjoone; wotta gabiyee guudeenaꞌonaa axaaxechinaꞌonochi shunechone’ iyeete. Tunetaa shalligoo tate bi shuunoona arichehe” iye.

Maatiyoosi 12:24

Tunetaa Fariseenaꞌo ishin waayeꞌi, “Hini yinnee taatoo Beelzebulichi giidoonalli baroona yinnoon ashi toommoochee yoohaache” iyeete.

Maatiyoosi 15:2

“Ne dabbeenaꞌo no qaabbechinaꞌochi doyoon amoyichiye boonoshi shaaddeebeeto? Maayoon mamoyich boonoshi giddee beegaata, no doyoochoommon boonoshi kishoon macheyaacheete” iꞌi echeheete.

Maatiyoosi 21:23

Ebiyee gubb, Yesuusi yaafee kexooch giyiꞌi dojjii bi beetaa, qeeshee ukkireenaꞌonaa showee geeneenaꞌona bi waan giddeꞌi, “Hini mooyinaꞌon ne tuniibeeto, amee ukkirittinoon danaꞌaaniye? Hini mooyinaꞌon ne tuniyemmoyich konine neen wocheto?” iꞌi echeheete.

Maatiyoosi 21:46

Ebich Yesuusin yecha qaawiyeete; tunetaa dofee asheenaꞌo Yesuusin “Keemechone” iꞌi boonoshi gabii beetoyich boonoshin shattiyeete.

Maatiyoosi 22:15

Ebiyee gubb, Fariseenaꞌo hammiꞌi, “Aabichiree hini Yesuusin bi yibbaatoon muriciibona?” iꞌi echeeheete.

Luqaasi 14:1

Shambetooba Yesuusi Fariseenaꞌochi ukkireenaꞌo daggoochee ikkoochi kexooch maayoon maaya giyiye; arooch beetinaꞌo biin manjiiꞌi quyee beeheete.

Luqaasi 15:2

Arooba Fariseenaꞌonaa Muusichi Sheeree dojjechinaꞌona “Hini uro axaaxechinaꞌon bi waan katichii beete; boonoshina tookkiinoo maabeete” iꞌi boonoshinaa boonoshina guruuxeeheete.

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Luqaasi 2:34

Simooniyoo boonoshin diiriye. Gaggeroochi indee Maariyamichoo ishichiye: “Hini bushoo meetinaꞌochi maaceexi mooyon bi gaxxemmoyich, Israꞌeelee showeexi meetinaꞌon Yeeri aafoochee wokkiyoonaa katichoonoyich, asheenaꞌo biin boonoshi coonemmi malletoo bi tunemmoyich, Yeeri biin kaaccitone; ne kasheyoo wotta goraadoona kocheyemmine” iye.

Luqaasi 5:21

Areegaata Muusichi Sheeree dojjechinaꞌonaa Fariseenaꞌona “Ebi Yeerin naaggiibeeto konine? Ikke Yeeriyee damba ashi axaaxoon maaroon hakkemmo konine?” iꞌi gabiyeete.

Yowannisi 10:20

Boonoshi daggoochee meetinaꞌo “Yinnechone; geyetone; amoyich bi yibbaatoon waayee beetote?” iyeete.

Yowannisi 18:22

Yesuusi bi ishichimmona, arooch neexeebeeti yaafee kechi kellechinaꞌo daggoochee ikkoo “Qeeshee guudoyich ishichaꞌa wochinne?” iꞌi Yesuusin tappehe.

Yowannisi 5:16

Ebich shambetooba eboshin bi shuunetoyich, Ayihudee ukkireenaꞌo Yesuusin duꞌii beeheete.

Yowannisi 7:12

Dofee asheenaꞌo daggoochee ikkikkeenaꞌo bi toommooch oogichii guruuxii beeheete. Ikkikkeenaꞌo “Gaawe uroone” iyeete; tunebaani bareenaꞌo wotta “Gaaweyaanoone; asheenaꞌon muricii beetone” ii beeheete.

Yowannisi 8:13

Ebich Fariseenaꞌo “Ne, ne qellichon miixehine; ne miixo iberoo toonoone” iyeete.

Yowannisi 8:52

Ayihudeenaꞌo “And ne toommooch yinno beemon xiishaa ariito noone. Abrahami qititone; wotta keemechinaꞌoo qititinaꞌone. Tunetaa ne ‘Ta gettaa beeton ceechiibeeto koniyoona bi beegaata, cir qitaachemmone’ ii beetine.

Yowannisi 8:59

Ebich biin xaqqoona yexiree wuxiya iꞌi xaqqoon tiijjiyeete. Tunetaa Yesuusi boonoshich tuusheehe; yaafee kexoocheenoo kechiꞌi hammiye.

Yowannisi 9:40

Biinna tookkii arooch beetinaꞌo daggoochee ikkikke Fariseenaꞌo ishin waayeꞌi, “No wotta aaf doogo noone?” iꞌi echeheete.

1 Qorontoosi 15:58

Illa ta shunnaabeeti ta maneenaꞌote! Manjiree neexebote, shuuriyaahote; Doono Yesuus Kiristoosich ittoshi aajjiibeeti aayo duubo bi tunee qayon ariito ittoshine. Ebich bulli aaboon Doono Yesuus Kiristoosichi shuunoyich ittoshi qelloon guudiiree imbote.

2 Qorontoosi 4:1

Ebich Yeeri bi maaroona hini shuunoon nooch bi immitoyich taahaachone.

2 Qorontoosi 4:16

Ebich taahaachone; maachi no ashittino yicciteenolla, maaci no ashittino qemi qemona andiree beetone.

Galaati 6:9

Ebich gaawe shuunoon shuunoyich beenaayone. Taahoo no qayigaata, qecci goorooba qeccemmo noone.

Yibbaatoo 20:3

ishichibe: ‘Israꞌeeleenaꞌote, waayebote. Hanaach ittoshi etteenaꞌona tookki koyeya hammiibeeto ittoshine. Ittoshi mullo keqqaaye; shati qeweyaahote.

2 Tasaloonqi 3:13

Illa no maneenaꞌote! Gaawe shuunoon shuunoyich taahiyaahote.

Hibireena'o 12:5

Yeeriyoo bi hajjee bushiishoommon tuniiꞌi ittoshina tookkii bi yibbaateebeeti ciicoon batteyaahote: “Ta bushoochoo, Doono Yeeri bi shunnii beeton sheerii beetone; ‘Ta bushoone’ bi iton yexxii beetone. Ebich Doono Yeerichi sheeroon hoxeyaahine; kaaree ciiccii bi beehooba, taahiyaahine” itone.

Hibireena'o 3:1

Ebich noonna tookkii Yeerina ceekketi yaafe ta maneenaꞌote! Biin no gibenoon no miixeti mishiraachechonaa qeeshee guudoona tuneti Yesuusin gabibote.

1 Pheexiroosi 2:23

biin naaggii boonoshi beehooba, wochiꞌi naagaanoone; biin boonoshi xuuxii beehooba, miicheyaanoone; tunebaani cadiqoona nalliibeeti Yeerich bi qelloon beshiiꞌi immiye.

Yaaꞌoo 2:3

Haaꞌiito neene; ta naboyicha getona duꞌeto neene; ebi bullina taahaano neene.

1 Saameeli 12:24

Ittoshi baach Doono Yeerin shatote; biich gibeneeton tuneree, ceeni ittoshi mulloona biich goyinne maddebote; ittoshich bi tuniiti worganikkiti mooyinaꞌon shalligibote.