Hibireena'o 11:4 - Kafa Linguistics Project

⁴ Abeeli mulloon tooꞌiyoona Qayeelichoyee beshe deejjoon Yeerich giddiihe; Yeeri Abeeli giddiiti ebi deejjoona emirito bi tunoon bekkiiꞌi, Abeeli cadiqo tunoon miixehe; Abeeli bi qititaanona, mulloon bi tooꞌiyoona hanaach beddaahaa nooch miixee beetone.

Hibireena'o 11:4 ပူးပေါင်းရင်းမြစ်များ

Halloo 4:10

Doono Yeeriyoo biich ishichiye: “Ebi ne halliti mooyo amoone? Ne manoo damee qaaro showoochaa ta waan cookii beetone.

Halloo 4:15

Doono Yeeri Qayeelich “Ebi toonoone. Neen wuximmi asho koniyoona bi tunegaata, shabaatte kishee nichoo bi toommooch gaachemmone” iye. Doono Yeeriyoo Qayeelin danemmi asho koniyoona bi wuxaachemmoyich, malletoon bi toommooch geddiye.

Halloo 4:25

Addaami wotta bi mecheena danehe; anaami bushoonoo shiyahan. “Qayeeli wuxiti Abeeli keroon Yeeri bare bushoon taach kerite” iyaꞌa, bi shigoon, Seeti iyan.

Halloo 4:8

Aroyee gubb, ikke areddoon Qayeeli bi manoo Abeelin “Ne waataa gadd hambone” iye. Hammiꞌi arooch boonoshi beetaa, Qayeeli bi manoo Abeeli toommooch tiyiꞌi wuxiye.

1 Taateenaꞌo 18:38

Bekkech Doono Yeerichi qaaqqoo kindiye; deejjoon, mixon, xaqqeenaꞌonaa showoonon maahe; oppee daggeexi aaconoo napphee shuuꞌiihe.

Iyoobi 8:10

Boonoshi neech arichii dojjemminaꞌone; boonoshi mullooch beeti mooyon neech gettemminaꞌone.

Shaahiyoo 15:8

Gondeenaꞌochi deejjoo Doono Yeeri aafoochaa ciigeetone; tunebaani kaameenaꞌochi corooto biin emirikkiye.

Shaahiyoo 21:27

Gonde ashi deejjoo ciigeetone; gonde gaboona bi deejjiibeeto beshoon ciigeetone.

Leweenaꞌo 9:24

Qaaqqoo Doono Yeeri aafoochee kindiꞌi, deejjee gudee toommooch beeti deejjoonaa awuyonon michii aalliihe. Asheenaꞌo bulli ebin beeggiꞌi ililiyeete; baroonoo showooch guufeheete.

Maatiyoosi 23:35

Ebich cadiqo tuneti Abeelichi damoochee tiijjiꞌi, yaafee kexonaa deejjee gudee gutte daggoonoochaa ittoshi wuxiti Baraakiyichi bushoo Zakaariyaasichi damooch beddaahaa, showee toommooch ufeti cadiqeenaꞌo bullichi damee naboona echeyemmo ittoshine.

Titoosi 1:16

“Yeerin ariibeeto noone” ii beetinaꞌone; tunebaani tiyaarii beetinaꞌonaa deꞌa getaaneenaꞌona, ikke deꞌe mooyon shuunoyichona bedaaneenaꞌoo boonoshi tunetoyich, boonoshi shuunoona Yeerin nookkee beetinaꞌone.

Hibireena'o 11:2

Wonnee yemeenooch beeti asheenaꞌo naadoon boonoshi daneto ebinane.

Hibireena'o 12:1

Illa ebi shaahe miixeenaꞌo quboochoommon no guudoona boonoshi beetoyich, no wotta shaago bullin, kaafi noon yechemmi axaaxoonoo wokkiibone; no mullee tooꞌiyee shimboonaa tuggoonon tuneti Yesuusin ciinibee, noyee aaf beeti gommon haaꞌiyoona wocone. Biyoo gubb bi danemmi emiroon ciinniꞌi, masqalee toommooch qitoo yeelliibeeto bi tunetaanoona, yeelleyaanoon bi haaꞌiitoyee gubb and Yeerichi taatee qeenooch qanne badd kotetone.

Hibireena'o 12:24

andire wogee shoobbecho tuneti Yesuus waan, Abeelichi damoyee beshiti mooyon gettiibeeti, wucaa xalliibeeti damooch shaggito ittoshine.

Hibireena'o 5:1

Qeeshee guudo bulli, asheenaꞌo shuuneti axaaxoon wokkiyoyich buuroonaa deejjoonon bi giddiyemmoyich, ashi daggoochee Yeeri biin kaacciꞌi, Yeerichi maddee shuunoo bullich asheenaꞌochi qoodoon neechiye.

Hibireena'o 9:22

Sheerooch kooreetoommon, giisheche mooyoyee beshetaa bulli mooyo damoona xallehe. Damoo ufeyaanoon ashi axaaxoo maareyaache.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.