Hibireena'o 10:1 - Kafa Linguistics Project

¹ Israꞌeeleenaꞌoyich icheti sheeroo woyemmi gaawe mooyochi yiiritto baachalli, shimaayooch beeti ibere mooyinaꞌochi shaahoo toonoone. Ebich nati natona kuxaanoon boonoshi giddiibeeti deejjoona Yeer waan giddee beetinaꞌon are sheeroo axaaxaalleenaꞌon tuniyoon hakkaanoone.

Hibireena'o 10:1 ပူးပေါင်းရင်းမြစ်များ

Leweenaꞌo 9:16

Eechiꞌi micciibeeti deejjoon icheti qociyoommon deejjiye.

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

Qolaasiyaasi 2:17

Eboshi bulli woyemmi moochi yiiritteenaꞌone; tunebaani iberoo Kiristoosine.

Hibireena'o 10:22

no shuuneti axaaxoo no toommooch deebiibeeti mullee ittibatoochee xalloyich no mulloon wuceeree, no ashittinoon xalle aacona macheree, ibere mulloona Yeeri toommooch manjiti mullee tooꞌiyoona bi waan giddebone.

Hibireena'o 7:11

Illa Muusichi Sheeroo Lewichi qeeshittinoona tookkii Israꞌeeleenaꞌoyich ichetone; ebi are qeeshittino shappaano bi tuneto gaata, Haroonichi qeeshittinoommon tuneyaanoon, Meleekitsedeqichi qeeshittinoommon tuneti bare qeeshoo gubbich amoyich qaawiihe?

Hibireena'o 8:5

Boonoshi maddeto shimaayooch beeti yaafee kechi shaahiyoonaa yiirittoona tunetoochaaniye; ebiyoo Muusi duukkaanoon shuuneya bi tiyihooba Yeeri biich, “Siini guudoochaa neech ta bekkiiti shaahoommon bullin ceechi ne tuniyemmoyich neen ariibe” bi itoyichiye.

Hibireena'o 9:11

Tunebaani Kiristoosi bi waanaa nooch shaggiti gaawe mooyoyich qeeshee guudo tunetone. Beshoonaa gaawetona, ashi kishoona shuuneyaani, ebi getoo hini halleeti showoochee tuneyaani duukkaanooch

Hibireena'o 9:23

Illa shimaayooch beeti mooyinaꞌochi shaahiyeenaꞌo ebiyoommi gommona xallo boonoshich qaawiihe; tunebaani shimaayooch beeti mooyinaꞌo boonoshi qelloona ebi aroyee beshe deejjoona xallo boonoshich qaawiihe.

Hibireena'o 9:25

Qeeshee guudo gijjeenaꞌochi damoon yechiꞌi, Yaafe Xaaꞌeexi Yaafooch nati natona giyii beetone; tunebaani Kiristoosi shimaajj bi giyito, bi qelloon deejjoo tuniiꞌi wochii wochii giddiyoyich toonoone.