Hibireena'o 1:9 - Kafa Linguistics Project

⁹ Cadiqoon shunnehine; hukkoon shixxehine; ebich Yeeri ne Nuggishoo, ne nuucheenaꞌoyee ne beshemmoyich, neen oogiiꞌi emiree zayitoona huuttiye” iye.

Hibireena'o 1:9 ပူးပေါင်းရင်းမြစ်များ

Shoddo 11:5

Doono Yeeri cadiqe ashoonaa gonde ashoonon phiree beeggii beetone; tunebaani xuꞌoon shunnii beeton shixxiye.

Shoddo 119:104

Ne sheeroochee shalligoon doyiyoye; ebich kootee gommon shixxehoye.

Shoddo 119:128

Ebich ne geteenaꞌo bullin dabbiyoye; koote gommo bullinoo shixxehoye.

Shoddo 2:2

Showee taateenaꞌo tiyiyeete; Doono Yeerinaa bi huuttiti taatoonochi toommooch, iraasheenaꞌoo ikkittinoona koceeheete; ishichiinoo iyeete:

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Shoddo 23:5

Ta etteenaꞌo aafoochaa taach madoon qanniihine; ta qellooch zayitoon huuttehine; ta xoofoo ceennii aphirehe.

Shoddo 33:5

Doono Yeeri cadiqoonaa dayinnetoonon shunniye; bi shoodo showoo bulliich ceennitone.

Shoddo 37:28

Doono Yeeri dayinnetoon shunniye; bi yaafeenaꞌon dufaache. Boonoshin bulli yemeenoon quyemmone; tunebaani gondoochi shiijjeroo aallemmone.

Shoddo 40:8

Ta Nuggishoo Yeero, ne daaggoon tuniyoona emiriyoye; ne sheeroo ta mullooch beetone” iyo.

Shoddo 45:6

Nuggishoo Yeero, ne taatee qeeno bulli yemeeneechone; ne taatittinee gumbo dayinnetee gumboone.

Shoddo 45:7

Cadiqoon shunnehine; gonde mooyon shixxehine; ebich ne Nuggishoo Yeeri ne nuucheenaꞌoyee ne beshemmoyich, neen oogiiꞌi emiree zayitoona huuttiye.

Shoddo 89:20

Ta guuno Daawitin danehoye; yaafeeti ta zayitoona biin huuttehoye.

Shoddo 89:26

Biyoo ‘Ne ta Nihoo, ta Nuggishoo neene; taan wodiyechi ta deebe xaqqo neene’ geti ceeggemmone.

Shaahiyoo 8:13

Doono Yeerin shato gonde mooyon shixone; ta, geecoonaa coodonon shunaache; gonde gommonaa xumme yibbaatoonon shixxehoye.

Isiyaasi 61:1

Nuggishoo Doono Yeerichi Ayaano ta toommoochiye; neexaa hajjeetinaꞌoyich mishiraachoon ta gettemmoyich, Doono Yeeri taan huuttitone; boonoshi mullo tiishetinaꞌon ta guuccemmoyich, keccetinaꞌoyich gawukkeyoon, cuchetinaꞌoyich biicheyoon ta awaajjemmoyich taan deejjitone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Amootsi 5:15

Gonde mooyon shixote; deꞌe mooyon shunote; nallee gabberoochaa dayinneto dabaachemmoyich tuniibote; diqqich Beshe Mawe Nuggishoo Doono Yeeri curo tuneꞌi echeti Israꞌeelee asheenaꞌoyich ariqqo qayaachemmone.

Zakaariyaasi 8:17

Ittoshi mulloona ikkoo baroyich gondoon gabaaye; kootoon wogeyaahote. Eboshi bullin tiyaaraabeeto taane” iye Doono Yeeri.

Haddoo 7:43

Bi giddiiti wojjoo, yaafee kechi machoona qocaa, balli shaashe sheqeelee birewoona shuuneeti ikke yalle saano, shabe sheqeelee birewoona shuuneeti ikke quppe saano, maayi buuroyich, ebi saaneenaꞌooch ceenniti, zayitoona xirikketi qacini buddino,

Yowannisi 1:41

Biyoo Yesuus waanee kechii hammii shiichii bi hajjee manoo Simoon waan shaggii, “Masihin daneto noone” iye. Masihi geto “Kiristoosi” getone.

Yowannisi 10:17

Qitoochee wochinnoon ta tiyemmoyich, ta daaggoona qitemmo taane; ebich Nihoo Yeeri taan shunnii beetone.

Yowannisi 20:17

Yesuusiyoo “Taan yechaahine; batt Nihoo Yeer waan keyaan beeto taane. Tunebaani hamiree ta maneenaꞌoyich ‘ “Ta, ta Nihoonaa ittoshi Nihoona waan, ta Nuggishoonaa ittoshi Nuggishoona waan kechemmo taane” itone’ gete” iye.

Yowannisi 3:34

Yeeri bi Ayaanoon bi immiibeeto qeelleꞌi tuno bi qajjitoyich, Yeeri wocheto, Yeerichi wochoon gettii beetone.

Mishiraachechinaꞌo 10:38

Yeeri Naazireetechi Yesuusin Yaafe Ayaanoona huuttiꞌi giidoon biich immiye; biinna tookkii Yeeri tunetoyich, Yesuusi deꞌoon shuuneebee daabiloosi hajjitinaꞌo bullin wodiibee guuddiye.

Mishiraachechinaꞌo 4:26

Doono Yeerinaa bi doonjiiti Kiristoosinon kocha showee taateenaꞌo tiyiyeete; ukkireenaꞌoo kiceeheete’ ito neene.

Mishiraachechinaꞌo 4:27

“Iberoone, ne huutteti yaafe ne Bushoo Yesuusi toommooch gondoon koceya, Heroodisinaa Fantoosechi Phelaaxoosina Israꞌeeleenaꞌonaa Aageteenaꞌona tookkii hini katemooch kiceeheete.

Roomi 12:9

Ittoshich beeti shuno qettoyee damboo tunaaye. Gonde mooyon tiyaarebote; gaawe mooyona tookki ikkottebote.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

1 Qorontoosi 1:9

Bi Bushoo no Doono Yesuus Kiristoosina tookki ikkittino ittoshich bi beeyemmoyich, ittoshin ceeggiti Yeeri ebin ceechoyich gibeneetone.

2 Qorontoosi 11:31

Bulli yemeenoon galleteeti Doono Yesuusichi Nuggishoonaa Nihoona tuneti Yeeri kootti ta qayon arii beetone.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Efesooni 1:3

Kiristoosicho no tunetoyich shimaajji xaaꞌooch beeti Ayaanee diiroo bullina noon diiriti, no Doono Yesuus Kiristoosichi Nuggishoonaa Nihoona tuneti Yeeri galleteebe.

Filipphisiyoosi 2:9

Ebich wotta Yeeri biin beshiiꞌi beshaa beshoon oogiihe; shigoyee beshiti beshe shigoon biich immiye;

Hibireena'o 2:11

Yaafii beetonaa yaafee beetinaꞌo bullina ikke Nihoo Yeerichi bushiisheenaꞌone; ebichi naboyich Yesuusi “ta maneenaꞌo” iꞌi ceegoyich yeelleyaanoone.

Hibireena'o 2:9

Tunebaani Yeerichi wojjoona asho bullich bi qitemmoyich, giisheche wottoon maraakeenaꞌoyee bi shappemmoyich tuneti Yesuusin, qitee xuuxoon bi beeggitoyich, oogoonaa oogee yiiroonochi gubbichoon uketon beeggehone.

Hibireena'o 7:26

Yaafoo, bachaallo, muricaallo, axaaxechinaꞌoyee barito, shimaayoyee damba kechito, ebiyoommi qeeshee guudo nooch qaawiihe.

1 Pheexiroosi 1:3

No Doono Yesuus Kiristoosichi Nuggishoonaa Nihoona tuneti Yeeri galleteebe. Yesuus Kiristoosi qitoochee timona, gibenoona ceenniti kasho nooch bi beeyemmoyich, bi maaree beshoona guttinnoon no shiijjemmoyich tuniitone.

1 Yowannisi 1:3

Wotta noonna tookki ikkittino ittoshich bi beeyemmoyich, no beeggetonaa no waayetonon ittoshich gettaabeeto noone. No ikkittinoo Nihoo Yeerinaa bi Bushoo Yesuus Kiristoosina tookkiiniye.

Yaaꞌoo 2:15

Ebiyoommon wotta Niqoleenaꞌochi doyoon dabbiibeeti asheenaꞌo ne daggooch beetinaꞌone.