Hibireena'o 1:6 - Kafa Linguistics Project

⁶ Wotta Yeeri qaabbe bi Bushoon hini alemooch wochee bi deejjiyooba, “Yeerichi maraakeenaꞌo bulla biich goyinnebeete” iye.

Hibireena'o 1:6 ပူးပေါင်းရင်းမြစ်များ

Shoddo 97:7

Shahalleenaꞌoyich goyinnee beetinaꞌonaa boonoshina yebenee beetinaꞌona, yeellemminaꞌone; nuggisheenaꞌote, bi aafooch goyinnebote.

Maatiyoosi 24:14

Ashi yaroo bullich miixoo bi tunemmoyich hini Yeerichi taatittinee mishiraachee qaaro showee toommo bulliich getteyemmone; arooba yemeenee ciiro woyemmone” iye.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Roomi 8:29

Bi Bushoo Yesuus Kiristoosi meeti bi maneenaꞌo daggoochee qaabboo bi tunemmoyich, qaawiꞌi, Yeeri aafi bi ariyoona bi kaaccitinaꞌo bi Bushoon boonoshi shaahemmoyich shiichiꞌi maaccitone.

Yibbaatoo 32:43

“Aageteenaꞌote, Doono Yeerichi asheenaꞌona tookki emiroona cookibote. Bi guuninaꞌochi damee nichoon kichii beetone; bi etteenaꞌo toommoochoo nichoon kichii beetone; boonoshi axaaxee naboona duubeti bi asheenaꞌo showoon xallii beetone” iye.

Qolaasiyaasi 1:15

Kiristoosi bekkeyaani Nuggishoochi shaahiyoone; halleetinaꞌo bulliyee shiichiꞌi beeti qaabboone;

Qolaasiyaasi 1:18

Biyoo bi ashittino tuneti kittinnee guuphinaꞌochi shimboone; mooyo bulli toommooch besho bi tunemmoyich, bulliyee shiichoone; qitoochee timonoo qaabboone.

Hibireena'o 1:5

Maraakeenaꞌo daggoochee konichiye Yeeri, “Ne, ta Bushoo neene; hanaach neen shiyeto taane” bi ito? Wotta konichiye, “Ta biich Nihoo tunemmo taane; biyoo taach Bushoo tunemmone” bi ito?

Hibireena'o 10:5

Ebich Kiristoosi hini alemooch woya bi iyooba Yeerich ishichitone: “Deejjoonaa buuroonon qaawaano neene; tunebaani ashittinee quumoon qanniiꞌa taach immehine.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.

1 Yowannisi 4:9

Yeeri ikke bi Bushoon hini alemooch bi deejjito, bi Bushoo waanaa kashoon no danemmoyichiye. Ebina Yeeri noon bi shunon beeggeto noone.

Yaaꞌoo 1:5

gibeneeti miixoo tuneti, qitoochee shiichii tiyiti, showee toommeexi taateenaꞌon hajjiibeeti Yesuus Kiristoos waanee wojjoonaa diggoona ittoshich tunebe. Noon shunniti, bi damoonoo no axaaxoochee noon biisheti,