Hibireena'o 1:3 - Kafa Linguistics Project

³ Biyoo worganikkiti Yeerichi oogee yiiree bekkoonaa bi shuriyoonochi shaahoona tuneechii, bulli mooyon giidechi bi qaaroona deggii yechitone; no axaaxoon bi xalliitoyee gubb, shimaayooch Yeerichi oogee yiiree qannooch kotehe.

Hibireena'o 1:3 ပူးပေါင်းရင်းမြစ်များ

1 Kiinoo 29:11

Doono Yeero, shimaayoonaa showoonooch beeto bulli neecho bi tunetoyich, oogo, giidoo, oogee yiiroonaa wudoona neechone; taatittinoo neechone. Newoo bulliyee beshiti taatoo neene.

Iyoobi 37:22

Yeeri aachee aaxxoommon aaxxeebee, dambi-waanee waahe; biyoo shattiiti oogee yiiroon tahetone.

Shoddo 110:1

Doono Yeeri ta Doonoyich ishichiye: “Ne etteenaꞌon ne baatee dechiich ta tuniimmi wottoon ta qannooch kotebe” iye.

Shoddo 75:3

Showoonaa areexi asho bullina qewegaata, bi tuugeenaꞌo manjemmoyich tuniyaabeeto taane.

Dojjecho 8:4

Taatoochi qaaro kuppho bi tunetoyich “Amoyich ebin tuniinne?” geton hakkemmo aalloone.

Leweenaꞌo 15:15

Qeeshoo ikkoon axaaxee deejjoyich, wotta ohe ikkoon micciibeeti deejjoyich giddiyemmone. Ebin tuniyoona uro Doono Yeeri ta aafoochaa bi eeꞌoochee bi xallemmoyich tuniyemmone.

Mikiyaasi 5:4

Biyoo qiddoo bi bagoon quyoommon, Doono Yeerichi giidoona, bi Nuggishoo Doono Yeerichi oogee yiiroona, bi asheenaꞌon quye qeejjemmone. Bi oogo showee toommo bulliich aricheto bi tunetoyich, bi asheenaꞌo keqqaalloon beeyemminaꞌone.

Maatiyoosi 22:24

“Dojjechocho, Muusi ‘Ikke uro mecheen shaaggiꞌi bushoon shiyaanoon bi qitigaata, bi manoo are ureen woraashiree bi manoyich bushoon keribe’ itone.

Maariqoosi 16:19

Doono Yesuusi ishin bi dabbeenaꞌoyich bi gettitoyee gubb, shimaajj kechiꞌi Yeerichi qannooch kotehe.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Yowannisi 1:4

Aroo bi qelloona kashechone; are kasho ashoyich bekkoone.

Mishiraachechinaꞌo 2:33

Andoo Yeerichi qanne badd oogoona koteꞌi bi Nihoo Yeeri gibenikkiti Yaafe Ayaanoon bi waanee deqqiꞌi, hini and ittoshi beeggii beetonaa waayee beetonon ukkiye.

Mishiraachechinaꞌo 7:56

Aroochee “Ebiyoche, shimaayoo qecheeꞌi Ashi Bushoo Yeerichi qanne badd neexeebeeto taach bekkeebeete” iye.

Roomi 1:16

Mishiraachee qaaroona yeelleyaache. Yesuus Kiristoosichi mishiraachee qaaro boonoshi mulloon Kiristoosi toommooch tooꞌii beetinaꞌo bullin, shiichiꞌi Ayihudeenaꞌon, aroochee Ayihudo tuneyaaneenaꞌon Yeeri wodiibeeti giidoone.

Roomi 8:34

Boonoshi toommooch nallemmo konine? Qitito, ebiyeenoo qitoochee tiyito, Yeerichi qanne badd koteꞌi beeti Kiristoos Yesuusi no qoodoon Yeerin nooch qollee beetone.

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Qolaasiyaasi 3:1

Illa Kiristoosina tookkii qitoochee ittoshi tiyitoyee, Yeerichi qanne badd Kiristoosi koteꞌi beetooch damba shimaajj beeti mooyon gabibote.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 1:13

Tunebaani maraakeenaꞌo daggoochee konichiye Yeeri, “Ne etteenaꞌon ne baatee dechiich ta tuniimmi wottoon, ta qannooch kotebe” bi ito?

Hibireena'o 10:12

Tunebaani Kiristoosi bulli yemeenoon axaaxoon wokkiyoon hakkemmi ikke deejjoon, ebiyoo bi qelloon deejjoo tunii giddiiꞌi, Yeerichi qanne badd kotehe.

Hibireena'o 4:14

Illa shimaayoon besheꞌi Yeer waan giyiti, bulliyee beshiti qeeshee guudo, Yeerichi Bushoo Yesuusi nooch bi beetoyich, no miixeti gibenoon manjiiree yeshone.

Hibireena'o 7:27

Bare qeeshee guudeenaꞌochoommon shiichiꞌi bi qelli axaaxoyich, gubb wotta asheenaꞌochi axaaxoyich qemi qemona deejjoon Yeerich giddiyoo biich qaawiyaanoone. Asheenaꞌochi axaaxoyich bi qelloon deejjoo tuniiꞌi Yeerich bi giddiihooba, ebi deejjoon ikke wottoon ceechiꞌi tuniitone.

Hibireena'o 8:1

No gettaabeeti mooyoochee aafechi mooyo ebine: Shimaayooch oogee yiirechi Yeerichi qannooch koteti, ebiyoommi qeeshee guudo nooch beetone.

Hibireena'o 9:16

Ichebe getaa aanneeti mooyo beegaata, aanniti uro qitito bi tunoon manjiiꞌi ariyoo qaawiihe.

Hibireena'o 9:26

Ebi tunesho gaata, hini alemo halleetoochee tiijjiree, wodde wottoon xuuxoon beego biich qaawiyeshone; tunebaani and yemeenee ciiro katinaa, bi qelloon beshii deejjoon tuniiꞌi, axaaxoon wokkiiya koshiyoo aalli ikke wottoon bekketone.

1 Pheexiroosi 3:22

Yesuus Kiristoosiyoo damba shimaayooch kechiꞌi Yeerichi qanne badd beetone; arooch beeti maraakeenaꞌo, shimaayeexi ukkireenaꞌonaa giidechinaꞌo bullina biich hajjee beetinaꞌone.

2 Pheexiroosi 1:16

“No Doono Yesuus Kiristoosi oogeti giidoona woyemmone” iyaꞌa no gettaa beegaata, ittoshich no arichiito, bi oogee yiiroon no hajjee aafoona beeggaꞌaanalli, maroona asho yibbaateti tochoon waayaꞌa toonoone.

2 Pheexiroosi 1:17

Worganikkiti shimaajji oogee yiirechi, damba Yeer waanee “Biinna ta emiriti, ta shuni Bushoo hinine” ii beeti qaaro biich waahooba, Nihoo Yeeri biin oogiihe; oogee yiiroonoo biich immiye.

1 Yowannisi 1:7

Tunebaani aroo bekkooch bi beemoommon bekkoona no shaꞌegaata, noonnaa noonna daggooch ikkittino beetone; wotta bi Bushoo Yesuus Kiristoosichi damoo axaaxoo bulliichee noon xallii beetone.

1 Yowannisi 3:5

Kiristoosi axaaxoon wokkiiya bi womon ariibeeto ittoshine; bi toommoochoo axaaxoo aalloone.

Yihudi 1:25

bi ikkeeto baach Nuggishoo tuneti, noon Wodiyechi Yeerich, bulli yemeenoyee aaf, andoo, bulli yemeenoonoo no Doono Yesuus Kiristoos waanaa oogee yiiroo, oogo, giidoonaa hakkoona tunebe. Ameena.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.