Hibireena'o 1:2 - Kafa Linguistics Project

² And hini yemeenee ciiroochaa nooch bi gettito, bulli mooyon woraasho bi tuniiti, wotta showoonaa shimaayoonon biinna bi halliti, bi Bushoonane.

Hibireena'o 1:2 ပူးပေါင်းရင်းမြစ်များ

Halloo 49:1

Ebiyee gubb, Yaaqobi bi anaami bushiishoon ceekkiiꞌi ishichiye: “Ikkooch ittoshi kiceechaa, gubb ittoshi ikkikkoo toommooch shaggemmi mooyon getona.

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Isiyaasi 44:24

Ne indee maacoochoo neen halliti, neen Biishechi Doono Yeeri ishichiye: “Bullin hallito, shimaayeenaꞌon ta ikkeeto yaggito, showoon hecceto Doono Yeeri taane; ebiyooba taanna tookkii koniyoona aalloone.

Isiyaasi 45:12

Showoon shuuneto, ashoon aree toommooch hallito, taane; shimaayeenaꞌon yaggito ta kishoone; shimaajji halleenaꞌon qociito taane.

Isiyaasi 45:18

Shimaayeenaꞌon halliti Doono Yeeri, showoon halliti, shuuneti, manjiiti, beeyi xaaꞌoon bi tunemmoyichani, shokkoon bi tunemmoyich hallaani Yeeri ishichiye: “Ta, Doono Yeeri taane; tayee bare nuggishoo aalloone.

Erimiyaasi 30:24

Doono Yeerichi kupphe kaaro, bi mullee gaboon bi ceechimmi wottoon wotteyaachemmone; woyemmi yemeenooch ebin shalligemmo ittoshine.

Erimiyaasi 48:47

“Tunebaani ciiree yemeenooch Moꞌabichi kecoon wochemmo taane, iye Doono Yeeri” iye. Moꞌabi toommooch maacheti nalloo ebi wottoone.

Hiziqeeli 38:16

Showoon guuppiibeeti quboochoommon ta asheenaꞌo tuneti Israꞌeeleenaꞌochi toommooch woyemmo neene; Googo, gubbi yemeenooch ta showoon ne kochemmoyich neen deebemmo taane; ebiyoo neenna ta yaafittinoon boonoshi aafoochaa ta bekkiihooba, aageteenaꞌo taan ariyemmoyichiye.

Daaneeli 10:14

And ta waato, gubb ne asheenaꞌo toommooch tunemmi mooyon ne ariyemmoyich tuniyane. Ebi yaaꞌoo gubb tunemmi mooyoniye bi bekkiibeeto” iye.

Daaneeli 2:28

Tunebaani aacheeti mooyon gaxxii bekkiibeeti Nuggishoo shimaayooch beetone. Biyoo woyemmi yemeenooch tunemmi mooyon neech bekkiitone. Ne qeenooch tokketaabee ne gummeti gumonaa yaaꞌoona ebine:

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Mikiyaasi 4:1

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌoo arooch orihe woyemminaꞌone.

Haddoo 24:14

Andoo ebiyoche ta asheenaꞌo waan hammaabeeto taane. Eke ne waatee, hini asheenaꞌo woyemmi yemeenooch ne asheenaꞌo toommooch boonoshi tuniyemmon neech getone” iye.

Maatiyoosi 13:39

Shixecho tuneꞌi dadaddoon shookkito daabiloosine; qeco yemeenee ciiroone; qeccechinaꞌoo Yeerichi maraakeenaꞌone.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Maatiyoosi 21:38

“Tunetaa quyechinaꞌo ebi bushoon beeggiꞌi boonoshinaa boonoshina ‘Bi woraasho hinine. Ittoshi waataa wuxibone. Hini bi irsitoon deꞌone’ iyeete.

Maatiyoosi 26:63

Tunetaa Yesuusi cikkii qajjiye. Wotta qeeshee guudo “Ne Yeerichi Bushoo Kiristoosi ne gaata, nooch ne gettemmoyich beeyechi Yeerina neen yecheto taane” iye.

Maatiyoosi 28:18

Yesuusi boonoshi waan giddeꞌi boonoshich ishichii gettiye: “Showoonaa shimaayoonooch beeti ukkirittino bulli taach ichetone.

Maatiyoosi 3:17

Wotta shimaayoochee “Biinna ta emiriti, ta shuni Bushoo hinine” ii beeti qaaro waayeehe.

Maariqoosi 1:1

Yeerichi Bushoo Yesuus Kiristoosichon miixeebeeti mishiraachee qaaro hinine.

Maariqoosi 12:6

“Ebiyee gubb, woyinee doonoyich ikke bi shuni bushoo ikkeeto echehe. Ciiroochaa ‘Ta bushoon oogiyemminaꞌone’ iꞌi bi bushoon boonoshi waan wochehe.

Maariqoosi 12:7

“Tunebaani are woyinee quyechinaꞌo boonoshinaa boonoshina ‘Bi woraasho hinine. Ittoshi waataa wuxibone. Hini bi iristo noocho tunemmone’ iyeete.

Yowannisi 1:10

Are Qaaro alemooch beehe; alemo halleeto biinnane; tunetaa alemo biin ariyaanoone.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:3

Yeeri bulli mooyon biinna halliihe; halleetinaꞌo daggoochee ikkolla bi aalloon halleeto aalloone.

Yowannisi 13:3

Yesuusi Nihoo Yeeri bi kishooch bulli mooyon bi imon, Yeer waanee bi womonoo, Yeer waanoo wotteree hammemmo bi tunoon arii beetone.

Yowannisi 13:32

Yeeri biinna bi ooge gaata, Yeeri bi qelloona biin oogiyemmone; andoo bekkech oogee yiiroon biich immemmone.

Yowannisi 15:15

Guuno bi doono tuniiya gabiton ariyaanoone; ebich ebiyee damba ittoshin guuno getaache. Tunetaa ittoshin ‘Ta shunechinaꞌo’ ito taane; ta Nihoo waanee ta waayeto bullinoo ittoshich getteto taane.

Yowannisi 16:15

Nihoo Yeerich beeto bulli taachone; ebich ‘Ta waanee bi waayeton ittoshich gettemmone’ iyoye” iye.

Yowannisi 17:2

Ne oogiyemmoo, taach ne immeti asheenaꞌo bullich bulli yemeenee kashoon ta immemmoyich, asho bulli toommooch taan doonjiiꞌa ne ukkiriitoyichiye.

Yowannisi 3:16

“Mulloon bi Bushoo toommooch tooꞌiibeeto bulli, bulli yemeenee kashoon bi danemmonaa bi aalleyaachemmonoyich, Yeeri ikke bi Bushoon bi immimmi wottoon alemoon oogichii shunniye.

Yowannisi 3:25

Yowannisi dabbeenaꞌonaa ikke Ayihudoonochi daggooch xalliyee doyee gajjiteyoo tiyiye.

Yowannisi 5:26

Nihoo Yeeri bi qelloona kashecho bi tunoommon ebiyoommon wotta bi Bushoyich bi qelloona kasho bi beeyemmoyich immitone.

Yowannisi 5:27

Biyoo Ashi Bushoo bi tunetoyich, bi nallemmoyich, Nihoo Yeeri biin doonjiitone.

Yowannisi 9:29

Yeeri Muusich bi geton no ariibeeto noone; tunebaani hini uro amoochee bi waato gaatoona ariyaano noone” iyeete.

Mishiraachechinaꞌo 10:36

Yeeri ‘Yesuus Kiristoosinane ittoshina tookki ta shunemmo’ iꞌi Israꞌeeleenaꞌoyich mishiraachee qaaroon deejjitone; hini Yesuus Kiristoosi bullichi Doonone.

Mishiraachechinaꞌo 2:17

‘Yeeri ishichii beetone: “Yemeenee ciirooba ebiyoommon tunemmone: Meeno taheti asho bulli toommooch ta Ayaanoon woniyemmo taane. Ittoshi anaami bushiisheenaꞌonaa maache bushiisheenaꞌona keemoon keemmemminaꞌone; ittoshi daggeexi gurimaasheenaꞌo yaaꞌoon beeggemminaꞌone; geeneenaꞌoo gumon gummemminaꞌone.

Roomi 8:17

Illa Yeerichi bushiishoo no tunegaata, Yeerichon woraashemmo noone; bi oogee yiiroochee no qoodeyemmoyich, biinna tookkaa iritoon qoodeebeeto no tunegaata, Kiristoosina tookkiree woraashemmo noone.

1 Qorontoosi 2:7

Hini shalligoo Yeerichi maacee mooyone; Yeeri yemeeno bulliyee aaf “Hini shalligoona oogee yiiroon boonoshich immemmo taane” iꞌi nooch gabiꞌi bi kotiiti yemeenoochee tiijjiꞌi hanaach beddaahaa, aacheeti mooyone.

1 Qorontoosi 8:6

nooch beeto, ikke Nuggishoo baachiye; biyoo Nihoo Yeerine; mooyo bullin hallito, biine; biichiye no beeto. Wotta kittinnoo nooch beeto, ikke Doono baachiye; biyoo Yesuus Kiristoosine; Yeeri bulli mooyon biinnane bi halliito; biinnane no beeto.

Galaati 4:4

Tunebaani Yeeri noon bi bushiishoon tuniiya iꞌi sheeroyich hajjeeꞌi beetinaꞌon biishe bi kichemmoyich, yemeeno shagiyooba bi Bushoon wochehe; wochee waa maachee waanee shiijjeꞌi sheeroyich deꞌa iibee beehe.

Efesooni 1:10

Ebiyoo yemeeno bedaa tuniiya bi gabiti mooyo, shimaayoonaa showoonooch beeto bulli ikkoo tuneree Kiristoosich bi hajjeyemmoyichiye.

Yibbaatoo 18:15

Ne Nuggishoo Doono Yeeri ne maneenaꞌo daggoochee taanoommi keemechon neech tiijjemmone. Bi gettimmon waayebe.

Yibbaatoo 31:29

Ta qititoyee gubb ciroona duubemmo, ittoshich ta getteti gommonoo qayi wottemmo ittoshi tunoon ariibeeto taane. Doono Yeeri aafooch gonde mooyon tuniyemmo ittoshi tunetoyich, ittoshi shuuneebeeti shuunoona biin ippiyemmo ittoshi tunetoyich, waabeeti yemeenooch gonde mooyo ittoshi toommooch shaggemmone” iye.

Yibbaatoo 4:30

Iritoo ittoshi toommooch shagiyooba, ebi mooyo bulli ittoshi toommooch tunehooboo ciiroochaa ittoshi Nuggishoo Doono Yeer waan wotteree biich deꞌa gettemmo ittoshine.

Hibireena'o 1:5

Maraakeenaꞌo daggoochee konichiye Yeeri, “Ne, ta Bushoo neene; hanaach neen shiyeto taane” bi ito? Wotta konichiye, “Ta biich Nihoo tunemmo taane; biyoo taach Bushoo tunemmone” bi ito?

Hibireena'o 1:8

Tunebaani Yeeri bi Bushoochon gettiibee, “Nuggishoo Yeero, ne taatee qeeno bulli yemeenoon beeyemmone; ne taatittinee daggooch beetinaꞌo bullin tatoona qeejjihine.

Hibireena'o 11:3

Yeeri alemoon bi qaaroona bi halloonaa ebich bekkeebeeti mooyo bekkeyaani mooyoochee halleeto bi tunoonon no shalligaabeeto, Yeeri toommooch no mulloon tooꞌiyoonane.

Hibireena'o 2:3

Ebich nowochi, ebiyoommi worganikkiti wodoon no qayenegaata, aabichiree muricon hakkehone? Ebi wodeechon shiichiꞌi gettito Doono Yesuusine; waayetinaꞌoo ebi iberoo bi tunoon nooch manjiitinaꞌone.

Hibireena'o 3:6

Tunebaani Kiristoosiyoo Yeerichi kechi asheenaꞌo bulli toommooch bushoochoommon gibeneetone. No wotta noon aafo kupphiibeeti, geeciibeeti gibenoon [ciirooch beddaahaa manjiiꞌa] no yeshigaata, Yeerichi kechi asho noone.

Hibireena'o 4:14

Illa shimaayoon besheꞌi Yeer waan giyiti, bulliyee beshiti qeeshee guudo, Yeerichi Bushoo Yesuusi nooch bi beetoyich, no miixeti gibenoon manjiiree yeshone.

Hibireena'o 5:8

Amoommon Yeerichi Bushoo bi tunetaanoona, bi toommooch shaggiti qaaꞌi mooyona Yeeri tuniibe iti mooyo bullin tuniyoon doyiye.

Hibireena'o 7:28

Muusichi Sheeroo hakka guutoo tuneti ashoon qeeshee guudoon tuniiꞌi ukkiriihe; tunebaani Muusichi Sheeroyee gubb waati wogee qaaro, bulli aaboon ceeno tuneti Yeerichi Bushoon ukkiriihe.

Hibireena'o 7:3

Meleekitsedeqichi nihoonaa indeenocho, bi shiijjee yoodoochoo kooreeti mooyo aalloone; bi shiijjeti aaboonaa bi qititi aaboonon gettiibeeti mooyo kooreyaanoone; tunebaani Yeerichi Bushoona shaahiitaa bulli yemeenoon qeeshoo tuneree beeyemmone.

Hibireena'o 9:26

Ebi tunesho gaata, hini alemo halleetoochee tiijjiree, wodde wottoon xuuxoon beego biich qaawiyeshone; tunebaani and yemeenee ciiro katinaa, bi qelloon beshii deejjoon tuniiꞌi, axaaxoon wokkiiya koshiyoo aalli ikke wottoon bekketone.

1 Pheexiroosi 1:20

Biinoo Yeeri alemo halleyaan beetaa kaaccitone; wotta qitoochee biin tiijjiti, oogee yiiroonoo biich immiti Yeeri toommooch bi naboona ittoshi mulloon tooꞌiibeeti ittoshicha iꞌi hini yemeenee ciiroochaa bekkehe. Ebich ittoshi mullee tooꞌiyoonaa gibenoona Yeeri toommooch tunetone.

2 Pheexiroosi 3:3

Yemeenee ciirooba boonoshi hajjee gonde qaatoon dabbemmi cooqqirechinaꞌo cooqqiribee woyemminaꞌo tunoon shiichiree ariibote.

Yihudi 1:18

Boonoshiyoo ittoshich “Yemeenee ciirooba boonoshi hajjee gonde qaatoon dabbemmi cooqqirechinaꞌo woyemminaꞌone” itinaꞌone.